Read Hapakuku 2

Hapakuku2

Te Whakautu a Ihowā ki a Hapakuku

¹Ka tū ahau ki tāku mahi tiaki,ka whakanoho i ahau ki te taumaihi.Ka tūtei atu, ka titiro atu, ko te aha e kīia mai e ia ki ahau,ā, ko te aha e whakahokia e ahau ina rīria tāku.²Nā, ka utua mai tāku e Ihowā, i kī mai ia:“Tuhituhia te kite;kia mārama rawa ki ngā papa,kia tere ai te kaikōrero.³Mō tōna wā anō hoki i whakaritea ai te kite,ā, e whawhai ana ia ki te mutunga, ā, e kore e teka.Ahakoa roa ia, tatari atu ki a ia;nō te mea he pono rawa ka puta mai;e kore e whakaroa.

⁴“Nanā, kei te whakakake tōna ngākau,kāhore e tika i roto i a ia;mā tōna whakapono ia ka ora ai te tangata tika.⁵Āe rā hoki, he mea nanakia te wāina,he tangata whakakake, kāhore e āta noho i te kāinga.Ko tōna hiahia whakanuia ake e ia ānō ko te rēinga,kei te mate tōna rite, e kore anō e ngata.E tāwhiua ana hoki e ia ngā iwi katoa ki a ia,e taupuatia ana ngā tāngata katoa ki a ia.”

Ngā Auraki o te Hunga Kino

⁶“E kore ianei e whakahuatia e ēnei katoa he kupu whakatauki mōna, he whakapeka taunu anō mōna, ā, ka mea,‘Auē te mate mō te tangata e āmi ana i te mea ehara nei i a ia!He pēhea rā te roa mō te tangata anō e haupū ake anai te taunaha ki runga ki a ia?’⁷E kore ianei e maranga ohorere ake ngā kaingau mōu?E kore ianei e ara ngā kaiwhakatoi i a koe,ā, ka waiho koe hei taonga pārau mā rātou?⁸Nō te mea he maha ngā iwi i pāhuatia e koe,nā, ka pāhuatia koe e ngā toenga katoa o ngā iwi –he mea hoki mō te toto o ngā tāngata, mō te mahi nanakia ki te whenua,ki te pā, ā, ki ngā tāngata katoa anō i reira.

⁹“Auē te mate mō te tangata,he kino nei te apo i apo taonga ai ia mō tōna whare,he mea kia tiketike ake ai tōna kōhanga,kia ora ai ia i te kaha o te kino!”¹⁰Kua takoto i a koe he whakamā mō tōu wharei tāu hātepenga atu i ngā iwi maha;kua hara anō ki tōu wairua ake.¹¹Ka karanga hoki te kōhatu i roto i te pakitara,ka whakahoki kupu anō te kurupae i roto i ngā rākau.

¹²“Auē te mate mō te tangata e hanga ana i te pā ki te toto,e whakaū ana hoki i te pā ki te hē!”¹³He teka ianei nā Ihowā o ngā manoi māuiui ai ngā tāngata i roto i te ahi,i ruha ai ngā iwi i te kāhore noa iho?¹⁴Ka kapi hoki te whenuai te mātauranga ki te korōria o Ihowā,ānō ko ngā wai e taupoki ana i te moana.

¹⁵“Auē te mate mō te tangata e mea ana i tōna hoa kia inu,e āpiti atu ana i te mea nanakia ki tērā, e whakahaurangi ana hoki i a ia,kia titiro ai koe ki a rātou e takoto tahanga ana!”¹⁶E kī ana koe i te whakamā, kāhore i te korōria.E inu hoki koe, kia waiho ai koe, ānō he mea kokotikore.Ka anga mai ki a koe te kapu a tō Ihowā ringa matau,ā, he whakamā whakarihariha ka tau ki runga ki tōu korōria.¹⁷Ko te mahi nanakia hoki ki Repanōna hei taupoki mōu,me te whakangaromanga o ngā kararehe i wehingia rā e rātou –mō te toto hoki o ngā tāngata,mō te mahi nanakia ki te whenua,ki te pā, ki ngā tāngata anō o reira.

¹⁸“He aha te pai o te whakapakokoi whaoa ai e tōna kaihanga –o te whakapakoko whakarewa anō, o te kaiwhakaako ki te teka?I whakawhirinaki ai tōna kaihanga ki tāna mahi,ka mahi i ngā whakapakoko wahangū.¹⁹Auē te mate mō te tangata e mea ana ki te rākau, ‘Maranga!’Ki te kōhatu reokore, ‘E ara!’Mā tēnei koia e whakaako?Nanā, kua oti te kōura, te hiriwa, te whakapiri ki a ia,ā, kāhore rawa he wairua i roto.²⁰Kei tōna temepara tapu ia a Ihowā.Whakarongoa, e te whenua katoa, i tōna aroaro!”