Read Ehekiera 27

Ehekiera27

He Tangi mō Tāira

¹I puta mai anō te kupu a Ihowā ki ahau, i mea:²“Kia anga atu ākuanei tāu tangi, e te tama a te tangata, ki a Tāira;³mea atu hoki ki a Tāira: E koe e noho nei i te tapokoranga mai o te moana, ko koe nei te kaihokohoko a ngā iwi ki ngā motu maha: Ko te kupu tēnei a te Ariki, a Ihowā:E Tāira, kua mea nā koe,‘Ko ahau te mea ātaahua rawa.’⁴Kei waenga moana ōu rohe,oti rawa koe te whakaataahua e ōu kaihanga.⁵Nō ngā kauri o Heniringā papa katoa i hangā ai ōu kaipuke;i tīkina anō he hīta i Repanōnahei hanga rewa māu.⁶Nō ngā oki o Pahana ngā hoe i hangā māu,ōu taumanu he mea hanga ki te rei,he mea kua oti te whakanohoki te ake o ngā motu o Kitimi.⁷He rīnena pai, he mea whakairo nō Īhipate mea i wherahia e koe hei kōmaru mōu,hei kara māu;ko te hīpoki mōu, he purū,he pāpura nō ngā motu o Eriha.⁸Ko āu kaihoe ko ngā tāngata o Hairona, o Arawara;ko āu kaiurungi ko ngā tāngata whakaaro nui i roto i a koe, e Tāira.⁹I roto ngā kaumātua o Kepara i a koe,me ngā tāngata whakaaro nui o reira hei kaimono māu.I a koe ngā kaipuke katoa o te moana,me ō rātou kaiwhakatere, hei hoko i ōu taonga.

¹⁰“I roto i tōu ope ko Pahia, ko Ruru, ko Putu,he hōia nāu.Whakairihia ake ana e rātou te puapua me te pōtae i roto i a koe;he mea whakahōnore koe nā rātou.¹¹I runga i ōu taiepa ngā tāngata o Arawarame tōu ope anō ā tawhio noa,i roto i ōu pourewa ngā Kamarimi.Whakairihia ana e rātou ā rātou whakangungu rākau ki ōu taiepa ā tawhio noa;oti rawa koe te whakaataahua e rātou.

¹²“He kaihokohoko a Tarahihi ki a koe, he nui hoki nō ōu taonga katoa; ko tā rātou i tuku ai i āu hokohokonga he hiriwa, he rino, he tine, he matā.

¹³“Ko Iawana, ko Tūpara, ko Meheke, he kaihokohoko rātou nāu; ko tā rātou i tuku ai i ōu kāinga hoko, he tāngata, he oko parāhi.

¹⁴“Ko ngā tāngata o te whare o Tokārama, ko tā rātou i tuku ai i āu hokohokonga he hōiho, he hōiho nō te whawhai, he muera.

¹⁵“He kaihokohoko nāu ngā tāngata o Rerana; he maha ngā motu i hokohokona ai ngā taonga e koe. Kawea mai ana e rātou hei whakawhiti ki a koe, he haona rei, he eponi.

¹⁶“He kaihokohoko nāu a Hīria, i te nui hoki o ngā mahi a ōu ringa; ko tā rātou i tuku ai mō āu taonga he emerara, he pāpura, he mea whakairo, he rīnena pai, he kaoa, he rupi.

¹⁷“Ko Hūrā, ko te whenua o Īharaira ko rātou āu kaihokohoko. Ko tā rātou i tuku ai i ōu kāinga hoko he wīti nō Miniti, he panaka, he honi, he hinu, he pama.

¹⁸“He kaihokohoko nāu a Ramahiku he nui nō ngā mahi a ōu ringa, he nui nō ngā taonga katoa; ko tā rātou, he wāina nō Herepono, he huruhuru hipi mā.

¹⁹“I tuku taonga a Rāna, a Iawana, he miro huruhuru, i roto i āu hokohokonga. I āu taonga hokohoko ko te rino kua oti te mahi, ko te kahia, ko te kākaho kakara.

²⁰“Ko Rerana tāu kaihokohoko i ngā kākahu utu nui mō ngā hāriata.

²¹“Ko Arāpia, ko ngā rangatira katoa o Kerara, i hokohokona ō rātou taonga e koe, ngā reme, ngā hipi toa, ngā koati. Ko ngā mea ēnā i hokohoko ai rātou ki a koe.

²²“Ko ngā kaihokohoko o Hēpā, o Rāma, he kaihokohoko anō rātou nāu; ko tā rātou i tuku ai i āu hokohokonga ko ngā mea pai rawa o ngā kīnaki reka katoa, ko ngā kōhatu utu nui katoa, ko te kōura.

²³“Ko Harana, ko Kane, ko Erene, ko ngā kaihokohoko o Hēpā, ko Ahuru, ko Kirimara, he kaihokohoko nāu.²⁴Ko rātou hei hoko i ngā mea pai rawa ki a koe, i ngā kākahu purū, i te mea whakairo, i ngā pouaka kākahu pai, he mea paihere ki te aho, he hīta, i roto i ōu taonga hoko.²⁵Ko ngā kaipuke o Tarahihingā waka harihari i ōu taonga.Ā, ka whakakīia koe, ka meinga kia nui rawatōu korōria i waenga moana.²⁶I kawea koe e ōu kaihoeki ngā wai maha;i pākarua koe e te hau marangaiki waenga moana.²⁷Ko ōu taonga, ko āu hokohokonga, ko āu whakawhitiwhitinga,ko āu kaiwhakatere kaipuke, ko āu kaiurungi, ko āu kaimono,me ngā kaiwhakawhitiwhiti i āu taonga,me āu hōia katoa i roto i a koe,i roto anō i tōu hui katoa i waenganui i a koe,ka taka rātou ki waenga moana i te rā e hinga ai koe.²⁸Ka ngateri a waho o te pā i te ngangau,i te hāmama o āu kaiurungi.²⁹Nā, ko ngā kaihāpai hoe katoa,ko ngā kaiwhakatere, ko ngā kaiurungi katoa o te moana,ka mahuta mai i runga i ō rātou kaipuke,ka tū ki te tuawhenua,³⁰ā, ka meinga e rātou tō rātou reo mōu kia rangona,tīwerawera ana tā rātou tangi,ka opehia anō e rātou he puehu ki ō rātou māhunga,ka takaoriori ki te pungarehu.³¹Moremore rawa rātou i te whakaaro ki a koe,he kākahu taratara te whītiki,mamae rawa te ngākau,tīwerawera te tangi e tangi ai rātou ki a koe.³²I a rātou anō e tangi ana,ka maranga tā rātou tangi apakura mōu,ā, ka uhunga rātou ki a koe, ka mea,‘Ko tēhea pā i rite ki Tāira,ki tēnei i whakawahangūtia nei i waenga moana?³³I te putanga atu o ōu taonga i ngā moana,he maha ngā iwi i mākona i tāu;i whai taonga ngā kīngi o te whenua i a koe,i te nui hoki o ōu taonga, o ōu rawa.³⁴I te wā i pakaru ai koe i ngā moana,ki ngā wāhi hōhonu o te moana,i taka ōu rawa,me tōu hui katoa i waenganui i a koe.³⁵Ko ngā tāngata katoa o ngā motu,ketekete ana ki a koe,nui atu te wehi o ō rātou kīngi,ko ō rātou mata kōhukihuki ana.³⁶Ka whakahī mai ki a koe ngā kaihokohoko i roto i ngā iwi;ka ai koe hei whakawehi;ā, kore tonu ake koe ake ake.’ ”