Read Ehekiera 24

Ehekiera24

Te Kōhura i Koropupū

¹I puta mai anō te kupu a Ihowā ki ahau, i te iwa o ngā tau, i te tekau o ngā marama, i te tekau o ngā rā o te marama, i mea:²“E te tama a te tangata, tuhituhia te ingoa o tēnei rā, o tēnei rā kotahi rawa nei; ko te tino rā tēnei i anga nui ai te kīngi o Papurōna ki Hiruhārama.³Kōrerotia hoki tētahi kupu whakarite ki te whare whakakeke, mea atu ki a rātou: Ko te kupu tēnei a te Ariki, a Ihowā:Whakaekea te kōhua, whakaekea,ringihia anō he wai ki roto.⁴Kohikohia anō ōna wāhi ki roto,ngā wāhi pai katoa, te hūhā, te peke;whakakīia ki ngā wheua pai rawa.⁵Tīkina te hipi pai rawa,me haupū ngā wheua ki raro i a ia;kia nui te koropupūtanga;āe rā, kōhuatia ōna wheua ki roto.

⁶“Mō reira ko te kupu tēnei a te Ariki, a Ihowā:Auē te mate mō te pā toto,me te kōhua he waikura nei tōna,kīhai nei tōna waikura i tahia!Whakaputaina ki waho tēnei wāhi ōna, tēnei wāhi ōna;kāhore tētahi rota i tau ki runga i a ia.⁷Nō te mea kei roto i a ia ōna toto,kua waiho e ia ki runga ki te kāmaka;kīhai i ringihia e ia ki te whenua,kia hīpokina ai ki te puehu.⁸He mea kia puta ake ai te weriweri ki te rapu utu,kua waiho e ahau ōna totoki runga ki te kāmaka,kei hīpokina.

⁹“Nā reira tēnei kupu a te Ariki, a Ihowā:Auē te mate mō te pā toto!Māku anō e whakanui tōna pūranga wahie.¹⁰Pūrangatia te wahie,whakaūngia te ahi,kia pai rawa te kōhua i ngā kiko;meatia mārietia kia pupuru ngā kai,kia wera hoki ngā wheua.¹¹Ka tū kau, whakatūria ki runga ki ōna ngārahu,kia mahana ai, kia wera ai tōna parāhi,kia rewa ai tōna poke i roto,kia poto ai te waikura.¹²Kua hōhā ia i te mahi;otiia kīhai tōna waikura nui i puta atu i roto i a ia;kāhore tōna waikura i kore i te ahi.

¹³“He hē kei roto i tōu poke. Nā, mea noa ahau i a koe kia mā, ā, kīhai koe i mā; mō reira e kore tōu poke e whakamākia ā muri ake nei, kia mākona rā anō tōku riri ki a koe.

¹⁴“Nāku, nā Ihowā te kupu. Ka rite, ka mahia anō e ahau, e kore tāku e taka, e kore anō ahau e manawapā, e kore e rīpenetā. Ka rite ki ōu ara, ka rite ki āu mahi tā rātou whakawā mōu, e ai tā te Ariki, tā Ihowā.”

Tō Ehekiera Pōuritanga

¹⁵I puta mai anō te kupu a Ihowā ki ahau, i mea:¹⁶“E te tama a te tangata, ka tangohia mai e ahau i tōu taha tā ōu kanohi i hiahia ai, ka whakapāngia ki te mate; kaua anō ia e uhungatia, kaua e tangihia, kaua ōu roimata e puta.¹⁷E tangi, engari kia ngāwari; kauaka he uhunga tūpāpaku, herea tōu tūpare ki runga ki a koe, kuhua anō ōu hū ki ōu waewae, kaua anō ōu ngutu e āraia, kaua anō e kainga te taro tāngata.”

¹⁸Heoi, i kōrero ahau ki te iwi i te ata; ā, i te ahiahi ka mate tōku hoa wahine. Nā, i te ata ka meatia e ahau te mea i whakahaua ki ahau.

¹⁹Nā, ka mea te iwi ki ahau, “E kore ianei e kōrerotia e koe ki a mātou, he aha mō mātou ēnā mea e meatia nā e koe?”

²⁰Anō rā ko ahau ki a rātou, “I puta mai te kupu a Ihowā ki ahau, i mea:²¹Mea atu ki te whare o Īharaira: Ko te kupu tēnei a te Ariki, a Ihowā: Tēnei ahau te whakapoke nei i tōku wāhi tapu, i tā koutou i whakaī ai, i tā koutou kanohi e hiahia nei, i te mea e manawapātia ana e tō koutou wairua. Nā, ko ā koutou tama, ko ā koutou tamāhine, i mahue nei ki a koutou, ka hinga i te hoari.²²Ā, ko tā koutou e mea ai ka rite ki tāku i mea nei; e kore ō koutou ngutu e āraia, e kore anō koutou e kai i te taro tāngata.²³E mau anō ō koutou tūpare ki ō koutou māhunga, ō koutou hū ki ō koutou waewae. E kore koutou e uhunga, e kore e tangi; engari ka memeha atu i runga i ō koutou hē, ka kōingo ki tētahi, ki tētahi.²⁴Ā hei tohu a Ehekiera ki a koutou; ka rite ki ngā mea katoa i mea ai ia tā koutou e mea ai. Ka pā mai tēnei, ka mōhio koutou ko te Ariki ahau, ko Ihowā.

²⁵“Nā, ko koe, e te tama a te tangata, he teka ianei i te rā e tangohia atu ai e ahau tō rātou kaha, tō rātou koa whakakorōria, tā ō rātou kanohi e hiahia ai, tā ō rātou ngākau e ōkaka tonu ai, ā rātou tama, ā rātou tamāhine,²⁶i taua rā ka haere mai te mea i mawhiti ki a koe kia rongo ai ōu taringa?²⁷I taua rā ka puaki tōu māngai ki te tangata i mawhiti, ā, ka kōrero, kore ake ōu wahangū; hei tohu hoki koe ki a rātou; ā, ka mōhio rātou ko Ihowā ahau.”