1Tērā tētahi hē i kitea e ahau i raro i te rā, he mea taimaha anō ki runga ki ngā tāngata.2He tangata i hōmai nei e te Atua ki a ia he taonga, he rawa, he korōria, ā, kīhai tōna wairua i hapa ki tētahi mea i hiahia ai ia, otiia kīhai i tukua e te Atua ki a ia te tikanga mō te kai i tētahi wāhi o aua mea, engari kainga ana e te tangata kē. He horihori tēnei, he mate kino.3Ki te kotahi rau ngā tamariki a tētahi tangata, ā, he maha ngā tau e ora ai ia, maha atu ngā rā o ōna tau, ā, kāhore tōna wairua i ngata i te pai, kāhore hoki ia e whai tanumanga; e mea ana ahau tērā noa atu te pai o te materoto i a ia.4I haere mai hoki tērā i runga i te horihori, ā, haere atu ana i runga i te pōuri, ā, ka taupokina tōna ingoa e te pōuri.5Kīhai hoki ia i kite i te rā, kīhai anō i mōhio ki a ia; nui atu tō tēnei okioki i tō tērā.6Āe, ahakoa kotahi mano tōpū ngā tau i ora ai ia, heoi kāhore he pai i kitea e ia. He teka ianei e haere ana te katoa ki te wāhi kotahi?7Ko ngā mea katoa i māuiui ai te tangata,hei mea anō mō tōna māngai,otiia e kore tōna wairua e mākona.8He aha oti tā te tangata whakaaro nuie hira ake ana i tā te wairangi?He aha hoki tā te ware,e mōhio nei ki te haere i te aroaro o te hunga ora?9He pai kē te kite o ngā kanohi i te kaipaowe o te hiahia;he horihori anō tēnei, ā, he whai i te hau.10Ko ngā mea katoa ō mua kua oti noa ake te hua ki te ingoa,ā, e mōhiotia ana ko te tangata;e kore hoki ia e tau hei totoheki te mea e kaha atu ana i a ia.11Ka maha nei ngā mea hei whakanui i te horihori,he aha te painga ki te tangata?12Ko wai hoki e mōhio ana he aha te mea pai ki te tangata i a ia nei i te ora, i ngā rā katoa o tōna oranga horihori, e rite nei ki te ātārangi i a ia e mahi nei? Ko wai hoki hei whakaatu ki te tangata ko te aha e puta mai i muri i a ia i raro i te rā?
expand_more
The books couldn't be loaded. Check your connection and try again.