Read Tiuteronomi 33

Tiuteronomi33

Te Manaaki Mutunga i a Īharaira e Mohi

¹Ko te manaaki tēnei i manaaki ai a Mohi, te tangata a te Atua, i ngā tama a Īharaira i mua ake o tōna matenga.²Nā, ka mea ia:I haere mai a Ihowā i Hinai,i rere mai i Heira ki runga ki a rātou;i whiti mai ia i Maunga Parana,ā, haere mai ana ia i ngā mano tini o te hunga tapu;he ture i tōna ringa matau mō rātou, e mura ana.³Inā, e aroha ana ia ki ngā iwi;kei roto i tōu ringa āna tāngata tapu katoa;ā, noho ana rātou i ōu waewae;ka riro i a rātou katoa āu kōrero.⁴Nā Mohi te ture i ako ki a tātou, hei taonga tuku iho,tuku iho mō te huihui o Hākopa.⁵Ko ia anō te kīngi o Iēhurunai te huihuinga o ngā upoko o te iwi,rātou ko ngā iwi katoa o Īharaira.

⁶“Kia ora a Reupena, kaua hoki e mate;otiia kia tokoouou ōna tāngata.”

⁷Ā, tēnei anō te manaaki mō Hūrā:nā, ka mea ia: “Whakarongo, e Ihowā, ki te reo o Hūrā,māu anō hoki ia e kawe ki tōna iwi.I kaha hoki ōna ringa ki te tohe mōna ake;ā, māu ia e āwhina ki ōna hoariri.”

⁸Ā, mō Rīwai i mea ia:“Kei tōu tangata tapu ōu Tumime me ōu Urimi,i whakamātautauria rā ia e koe ki Maha,i ngangautia rā e koe ki ngā wai o Meripa;⁹i mea nei mō tōna pāpā rāua ko tōna whaea,‘Kāhore ahau i kite i a ia.’Kīhai anō hoki ia i mōhio ki ōna tuākana,kīhai i mātau ki āna ake tamariki;he mea hoki, e pupuri ana rātou i tāu kupu,e tiaki ana i tāu kawenata.¹⁰Mā rātou a Hākopa e whakaako ki āu whakaritenga,a Īharaira hoki ki tāu ture;mā rātou hoki te paowa kakara e hoatu ki tōu aroaro,me te tahunga tinana ki runga ki tāu āta.¹¹Manaakitia ōna rawa, e Ihowā,kia aro mai hoki koe ki te mahi a ōna ringa;whatia ngā hope o te hunga e whakatika ana ki a ia,o ngā mea hoki e kino ana ki a ia,kei whakatika mai anō rātou.”

¹²Ko tāna kupu mō Pineamine:“Ko tā Ihowā i aroha ai ka noho hūmārie ki tōna taha –ko ia e uhi ana i a ia ā pau noa te rā –e noho ana i waenganui o ōna pokohiwi.”

¹³Ko tāna kupu mō Hōhepa:“He manaakitanga tōna whenua nā Ihowā;ki ngā mea papai o te rangi, ki te tōmairangi,ki te wai hōhonu e takoto ake ana i raro,¹⁴ki ngā hua papai o te rā,ki ngā mea papai hoki e whakaputaina mai ana e te marama,¹⁵ki ngā mea nunui hoki o ngā maunga onamata,ki ngā mea papai o ngā maunga tū tonu;¹⁶ki ngā mea papai hoki o te whenua me ōna tini mea;ki te manakohanga hoki ana i noho i te rākau.Kia tae mai te manaaki ki runga ki te māhunga o Hōhepa,ki te tumuaki hoki ōna i wehea i ōna tuākana.¹⁷He korōria kei te mātāmua a tāna pūru;ko ōna haona kei ngā haona o te unikanga;ka panā e ia ngā iwi, rātou katoa,ki ērā, tae noa ki ngā pito o te whenua;ā, ko ēnei ngā mano tini o Ēparaima,ko ēnei hoki ngā mano o Mānahi.”

¹⁸Ā, ko tāna kupu mō Hepurona:“Kia koa, e Hepurona, i tōu putanga ki waho;e Ihākara hoki, i ōu tēneti.¹⁹Mā rātou ngā iwi e karanga ki te maunga;ki reira rātou patu ai i ngā patunga o te tika;nō te mea ka ngongo rātou i te raneatanga o ngā moana,i ngā taonga huna hoki o te onepū.”

²⁰Ko tāna kupu mō Kara:“Ka manaakitia te kaiwhakawhānui i a Kara!Noho ana ia me he raiona kātua,haea iho e ia te ringa, āe rā me te tumuaki.²¹Ā, tangohia ana e ia te wāhi tuatahi mōna;nō te mea kei reira te wāhi a te kaiwhakahaere tikanga e tiakina ana;ā, haere mai ana me ngā upoko o te iwi,ā, oti ana i a ia, rātou tahi ko Īharaira,te tikanga a Ihowā, me āna whakaritenga.”

²²Ā, ko tāna kupu mō Rāna:“Hei kūao raiona a Rāna,ka mokowhiti mai ia i Pahana.”

²³Ā, ko tāna kupu mō Napatari:“E Napatari, e mākona nei i te manakohanga,e kī ana hoki i te manaaki a Ihowā;nohoia e koe te taha ki te hauāuru me te tonga.”

²⁴Ā, ko tāna kupu mō Āhera:“Ko ngā tamariki te manaaki mō Āhera;kia arongia mai ia e ōna tuākana,kia toua hoki tōna waewae ki te hinu.²⁵Ko ōu tūtaki he rino, he parāhi;ā, ka rite tōu kaha ki ōu rā.”

²⁶“Kāhore he rite mō te Atua, e Iēhuruna,e eke hōiho nei i ngā rangi ki te whakauru i a koe,ki ngā kapua hoki, i runga anō i tōna korōria.²⁷Ko te Atua ora tonu tōu nohoanga,ā, kei raro ko ngā ringa o tua iho;ā, i peia e ia te hoariri i tōu aroaro,i mea hoki, ‘Whakangaromia!’²⁸Nā, ka noho hūmārie a Īharaira,me te mātāpuna o Hākopa ko ia anake,ki te whenua wīti, wāina;āe rā, ka māturuturu iho te tōmairangi o ōna rangi.²⁹Ka hari koe, e Īharaira! Ko wai hei rite mōu,mō te iwi i whakaorangia nei e Ihowā,te pukupuku hei whakapuru mōu,ko te hoari hoki e whai korōria ai koe!Ā, ka tuku mai ōu hoariri i a rātou ki a koe;ā, ka takatakahi koe i ō rātou wāhi teitei.”