Read Āmoho 7

Āmoho7

He Māwhitiwhiti, he Ahi, me te Aho Paramu

¹Ko tā te Ariki, ko tā Ihowā tēnei i whakaatu ai ki ahau: Nanā, i hangā e ia he māwhitiwhiti i te tīmatanga o te pihinga ake o tō muri tupu; nanā, ko tō muri tupu ia i muri iho i ā te kīngi tapahanga.²Nā, ka poto te tarutaru o te whenua te kai, ka mea ahau, “E te Ariki, e Ihowā, tēnā rā, murua te hē. Mā te aha oti a Hākopa ka ara ai? He iti nei hoki ia!”

³I puta kē tō Ihowā whakaaro mō tēnei:
“E kore e meatia,” e ai tā Ihowā.

⁴Ko tā te Ariki, ko tā Ihowā tēnei i whakakite ai ki ahau: Nā, kua karangatia e te Ariki, e Ihowā, he whawhai, he mea ahi, ā, ka pau te rire nui, ā, ka mea kia kainga te whenua.⁵Nā, ka mea ahau, “Kāti rā, e te Ariki, e Ihowā! Mā te aha oti a Hākopa ka ara ai? He iti nei hoki ia!”

⁶I puta kē tō Ihowā whakaaro mō tēnei;
“E kore anō tēnei e meatia,” e ai tā te Ariki, tā Ihowā.

⁷I whakakitea tēnei e ia ki ahau: nā, ko te Ariki e tū ana i runga i te taiepa, he mea paramu ki te aho, me te aho paramu i tōna ringa.⁸Nā, ka mea a Ihowā ki ahau, “Ko te aha e kitea ana e koe, e Āmoho?”
Anō rā ko ahau, “He aho paramu.”
Kātahi te Ariki ka kī mai, “Nanā, ka iri i ahau he aho paramu i waenganui i tāku iwi, i a Īharaira; e kore e whakarērea noatia iho tā rātou e ahau ā muri ake nei.⁹Ā, ka ururuatia ngā wāhi tiketike o Īhaka,ka tūheatia ngā wāhi tapu o Īharaira;ka whakatika atu anō ahau, me te hoari ki te whare o Ieropoama.”

Ka Amuamu a Amatia ki te Kīngi

¹⁰Nā, ka unga tāngata a Amatia tohunga o Pētēre ki a Ieropoama kīngi o Īharaira hei kī atu, “Kua whakatakotoria e Āmoho he hē mōu i roto i te whare o Īharaira; kāhore e taea e tēnei whenua te waha āna kupu katoa.¹¹Ko te kupu hoki tēnei a Āmoho,‘Ka mate a Ieropoama i te hoari,ā, ka whakaraua rawatia atua Īharaira i tō rātou oneone.’ ”

¹²I mea anō a Amatia ki a Āmoho, “E te matakite, haere, e rere ki te whenua o Hūrā, ki reira kai ai i te taro māu, ki reira poropiti ai.¹³Engari kāti tāu poropiti ki Pētēre; ko tō te kīngi wāhi tapu hoki ia, he whare hoki nō te kīngitanga.”

¹⁴Nā, ka whakahoki a Āmoho ka mea ki a Amatia, “Ehara ahau, i te poropiti, ehara anō i te tama nā te poropiti; engari he kaitiaki kāhui ahau, he kaikikini hikamora.¹⁵I tīkina ake hoki ahau e Ihowā i te mea e whai ana i ngā hipi, i kī mai anō a Ihowā ki ahau, ‘Haere, poropiti ki tāku iwi, ki a Īharaira.’¹⁶Nā, whakarongo ki te kupu a Ihowā. E mea nā koe,‘Kaua e poropiti ki a Īharaira,kei māturuturu iho anō tētahi kupu āuhei whakahē mō te whare o Īhaka.’¹⁷Nō reira ko te kupu tēnei a Ihowā,‘Tērā tāu wahine e kairau i roto i te pā,ā, ka hinga āu tama me āu tamāhine i te hoari,ka wehewehea tōu oneone, mea rawa ki te aho;ka mate koe i runga i te oneone poke,ka whakaraua rawatia atu hoki a Īharaira i tōna oneone.’ ”