Luke8
1ผะยี่โซพูต่างๆว่าเดิ่นแทงเคแล่ ผิจ๋าลานึงน่าหมื่อโจ่หยะปะก๋าเคเลโต๋โลเซ้เซ้ซองโค่กี้ผะยี่โซแฮยิ้ว2เคียะมะช้องโข่โมกูยอแหมะผะยี่โซเหนอะเก่ยกะตอปี๋เคียะมะโส่ผะยาฮาซาเคปี๋มารีย์ มักดาลาลาช้องผะยี่โซเหนอะหมื่อโจ่แจ๊โตเก่ยกะตอปี๋3โยอันนา คูซา จ๋าแพ่งลีมึ่งเฮโรดลาซมบ๊ะซ้งโตจั๊แกงเคช้องลาขะโม สูสันนาแฮ ช้องขะโมมู้โต๋จู่ลาคุงซ้งโตละตัว ผะยี่โซแฮโต๋โลเซ้ย้องจวยโก4พูช้องเป๊าะกี้ยอเฮ่อฮี้มึ่งฮี้ผะยี่โซวะโล้ ผะยี่โซนึงน่าดปียเทียะเอ๊าะปี้แฟ่ง5ช้องเตเคช้องเตล่องสื่อตื๋อติตอปิ่วเล ลาแว่งเน้อโต๋ลาสื่อติขะนูตอโกช่องแล้ช่องลาน่อเถิง แยวลาทอโจ่6กุติแหมะสะลอเอาะโกย ตอติวซี้คอยเพาะเฉเชาะค้า7กุติแหมะอะกิวขุวะโกเย้ ติตอโละมะซี้คอเพาะอะกิวลาปื้เหอ8กูติแหมะเป่โวมื่อตอโละป๊ะสื่อลอปิ่วหยะตอเมี่ยวร่อยต้า ผะยี่โซเจ่โส่มะเจ่ตอหละว่า เซ้อผะจาแหมะมื่อแตแฟ่ง9โต๋โลเซ้ผะยี่โซย้องโน้เติ้งว่า นอเอ๊าะเป๊เฟี่ยงเฮ้อขว่างมายเค้โป๋10ผะยี่โวเตาะแฮว่า นาจู่ซุฮะผะยี่โซลาพูนึงน่าโขเป๊สึหย่ะเอ๊าะเล ขะเง้อฉ่องแซ้งโง้เจเปียเถียะเคเป๊แฟ่งว่า11สื่อติเฮ้อฮะผิจ๋าลาอั๊วหย่ะเปียเถียะเคเป๊เฟี่ยง12อะติขะนูตอโกช่องเน้อช้องเน้อช้องลาผิจ่าแก่งโวเกี่ยวขะเง้อผะหย่ะแมลาก่ำอู๋เน้อจิ๊งแห ขะปูหม่ะเจอก๊ะหม่ะหลอดเห่อ13อะติสื่อเป่สะลอสิอัวะโกตือแซ่ง ช้องโวเกี่ยวมะฮายแหจาลี้อื๊อซี๊ขะเง้ออะเฉหม่ะแหนะตะคีแตเจอมะ นงน่าชีวีจี๋แตจาป๊ะหม่ะเจอโห่14อะติกิ่ววะโ กตือแซ่ง ช้องผิจ๋าลาแก่งแฟ่งมะอาหลือขะเง้อนาโวหม่ะแน่ใจดก่เง๋อโห เง๋อป๊ะแต้งจาย้องเติ้ง เง๋อป๊ะชีวีโม่แมะซุแต คิ่งป๊าโยหม่ะจา15อะติเป่หมื่อจ่วะโกยแซ่ง ช้องนาโวมื่อเคียะมะซือซาย ผิจ๋าลาแก่งโวเกี่ยวมะฮาซาเคโถ่ ขว่างโอ๊โท่จาขะหนะนะ16เว้ยเต่เถาะป๊ะเกอหม่อปื่อฉะแน เง่อป๊ะเตียงสิอั่วหม่ะโถ่ฉะแน ขะเง้อฉ่องโต๋เชิงตะเกียงถะชี่ตาช่องเอีียะยิ้วช้องย้องเป๊โวก่องกาปี๋17มึ่งเจอโคะหวะหยะกี้แม้วเฮ้อ ขว่างฮาโค้จาหยะมะโวสึคอเฮอะ18เท้เง้อป๊ะหล่ะว่งเคียวกะว่าน้อช้องแฟ่งช้องเค้วะอุ้ง ช้องเค้าใจช้องแหมะดก่เตอเค้าใจเมี่ยวตาแล้ ช้องหม่ะขาใจช้องแหมะเคียะมะหม่ะซนใจช้องแหมะโต๋ลาคีหย่ะผิเย้คอย19ผะยี่โซลาโมแฮโต๋นุ๋ง ผะยี่โซวะลือ ขะเง้อผะยี่โซวะหม่ะอุ๋งคาลือเพาะว่าช้องเมี่ยวขะหนะนะ20ช้องผะยี่โซย้องเอ๊าะลือยอจาว่า อะแจง นาโมแฮนาลานุ๋งฮินัวเหอะเยี่ยต่องเติ่งลือ21ผะยี่โซเตาะแหะว่า งาโมแฮงานุ๋งกี้ผิจ๋าย้องแก่งแฟ่งเคี๊ยะมะจ๊องเค22ผะยี่โซโต๋โลเซ้แฮล่องวะหล่ะเล ผะยี่โซเจ่ตอหล่ะว่า งาจู่น้ะป๊ะโมผะเลเย้ จุีงล่องตื่อแย่แห23ล่องเลมะผะยี่โซอิเถิ่งลี้เคขะหนะนะ เชาะล่องวะอุ๊งโละล่องโหล่เหมาะกั่งเลวช้องจุีงอั่นตะล่ายเง้อก๊ะตึ24เซ้อจุ๊งผะยี่โซย้องคู้โทเล ป่าแฮว่า อะแจง อะแจง งาจู่ย้องช้อโหล่มิ๋งกัว ผะยี่ดซทัวฮะลี้ตือผิแห ทิเตียมะคิหม่ะโห่จิคุ25ผะยี่โซ เฮ้อจุ๊งแออ๊อยว่า นาจู่ลาเจอหยะหะเย้คอเซ้อจุ๊งกี้ตอเคเคียะมะป๊ะละใจเง้อ โต๋จู่อ๊อยว่า คาเซ้อเหอลี้ย้องกี้เป๊ซ่าปี่สือกี๋เคียะมะลี้จุ๊งกี้เจอ26จุ๊งลาล่องนะทะเลสาบกาลิลีชาวเกราซาลาพูแค้วะคาลือ27ผะยี่โซมึ่งฮี้คาลือมะช้องก่ะโผตะยอย้องเหนอะค้า โก๋คาติงเอีียะหม่ะหยี นะช่องลาอุโมงเหนะฮอลี่วะยิ้วเล28คาผะยี่โซย้องแม้วมะผะยี่โวแผ่วเปอล้องปอโคย เคียะมะป่าตอหล่ะว่า ผะยี่โซผิจ๋ามิ้วๆลาโหล่ จ๊ะก๊างาย้องเกี๊ยวลั้ว ขอร้องเคยฮะงาย้องท่อหล่ะแมเป่เคีย29โต๋ลาเฮ้เอ๊าะเน้อเพาะว่าผะยี่โซโต๋ย้องช้องกะโผ่นิแตกะตอย เหนอะเฮ้อคาย้องซุแตค้อแยขะนะจะแล้หล่ะผูแฮหล่ะขียี่ของพือถื่อเคียะมะลุ้งกี๋คากี้จาแล้ดก่เคเทสือเคียะมะเหนอะล๋ายเฮ้อคาย้องนะปิขุกือชาวะกะเล30ผะยี่โซเหนอะย้องโน้เติ้งว่า เค่นาหมี งาหมี กองเหอะลาเตาะแห โต๋ลาเฮ้เตาะแหเพาะว่าเหนอะเป๊าะกี๊โตนี้ช้องกะโผ่นิวะค้าแกวโห31โต๋จู่แ่ละโต ผะยี่โซย้องขอร้องเค โต๋จู่ย้องนาฮอหม่ะเป๋ซุ้งแหล่ะ32หวะหมูโมนิเป๋วเติ๋งเติ้งวะป๊อยต๊ายโจ้โกปี๋ เหนอะมู้ ผะยี่โซ ย้องขอร้องว่า โต๋จู่ย้องนิหวะวะก่ะขอยปี่ตอง ผะยี่โซกี้หย่อง33เหนอะมู้ช้องกะโผ่นิแตตอเยี้ยน้าหวะมู้วะค้าตองหวะหมูเป๋วถะแตทะเลสาบวะเพียงโคเยี้ยช้อหนือซี้คอย34หวะลิงช้องเน้แม่วมะช้องพูย้องเอ๊าะเป๊แฟ่งเย้35พูช้องหะแตจ๊ะเง้อแตตอเติ่งโล้ เซ้อจุ๊งผะยี่โซวะโล้เคียะช้องกะโผ่เหนอะค้อเน้อย้องเหนอะตอเย้ว โก๋คาเตียงผะยี่โซหล่ะขีวะยีตื๊อหมื่อโจ่ ฌว้อจุ๊งเคขะหนะนะ36ช้องเหตุก๋านโค้แม้วช้องเอ๊าะเป๊แฟ่งว่า ช้องเหนอะค้อเน้อเค้หมื่อแต37ช้องกูโค่นิถะยิ้วช้อง ผะยี่โซย้องโต๋จุ่พูวะแตกะเล เพาะโต๋จู่เคขะหนะนะ ผะยี่โซล่องตาเลก๋อ38ช้องกะโผ่เหนอะค้อเน้อ ผะยี่โซย้องตุ้งจ๊องเล ขะเง้อ ผะยี่โซหม่ะเป๋เลโก่ก่ะลือ เคียะม้อคาย้องเอ๊าะว่า39นาเอี๊ยเลฉ่องย้องเอ๊าะเป๊แฟ่งเลว่า ผะยี่โซนาย้องจ๊ะโวเคียแต ช้องโก่เน้อเลียผะยี่โซลานึงน่าพูช้องย้องเอ๊าะเลควายแห40ผะยี่โซ มึ่งกาลิลี วะคาลือมะหะแตชองผะยี่โซ ย้องตองฮาต่องเคโละ41กะโผ่ตะยอโต๋หมี ไยรัส ยิวลาพูช้องลาโฮแน๋ เหมาะกาแทเคีย ผะยี่โซหล่ะขีวะเว้อ ผะยี่โซย้องตุ้งโต๋เอี๊ยกะเลแต42เพาะว่าโต๋โล่หมี่ตะยอแตจายูเซ้ซองปีโหล่สีโก ผะยี่โซลาเลเหว่หล่าเน้อ พูช้องป๊ะลาผะยี่โซย้องเป่อปะโละกูป๊ะ43ช้องมู้จุ๊งเน้อ ช้องขะโมตะยอจาท่อหล่ะแมเคขะหนะนะเพาะว่าซี่แฉเซ้ซองปีโวโละ คาโมแต้งแอท้องเจอคอยเพาะว่าโต้โต๋ย้องฮาซาเคก๊ะ ขะเง้อหม่ะหมื่อ44คาโม ผะยี่โซคะนอโละเคียะม้อผะยี่โซพะนี้จี๋แตแหยะ ซี่เจ่อโกหยะซ่าแห45ผะยี่โซโน้เติ้งตอว่า เซ้องาโต๋ย้องเยี๋ย เซ้อจุ๊งเส้ยหม่ะย่องฮา เปโตรเอ๊าะว่า อะแจง หะแตช้องนาย้องเปื้อเนอคอย46ขะเง้อ ผะยี่โซ เอ๊าะว่า ช้องงาย้องเยี้ยยอจาแมะเพาะดงฮูซึว่า ผะหละแง่ตะเจองาตั๋วแตตอโละจา47ช้องขะโมเน้อแม้วว่าโต๋ล้อหม่ะปุง ตอล๊ว ผะยี่โซเปอเว้อโคยแห คาโมช้องเปอยิ้วเคมะเนอ อะถิบ่ายเคว่าจีะก้าโต๋ ผะยี่โซโต่วะแหยโต๋ลาโน้โกหยะหมื่อแห48ผะยี่โซขะโมเน้อย้องเอ๊าะว่า โหล่ยะนาลาเจอหยะนาย้องเปีเมื่อฮ่อ ยี่หมื่อโจ่หมื่อเง้อปิ49ผะยี่โซเอ๊าะโกเหว่หล่าเน้อ ไยรัส เอี๊ยยิ้วช้องผะยี่โซย้องเอ๊าะลือว่า งาโหล่หมี่ซิ้วฮะ นาย้องโลโกหม่ะโวเคียฮะ50ผะยี่โซโวเกี่ยวมะ ไยรัสย้องเอ๊าะว่า น้ออะเค น้องาย้องเจอหละ าโหล่หมื่อเหอ51ผะยี่โซลาไยรัสเอี๊ยคามะ ผะย่โซเว้อย้อยโต๋แฮหม่ะเป๋อุ๊งลือ นอกจาก เปโตร ยอห์น ยากอบ แฮกู่หลู่ลาปูโมซุแต52ช้องเฮ้อจุ๊งกู่หลู่ย้องจองวี้ขะหนะนะ ผะยี่โวเอ๊าะว่า อะหวีโล้ กู่หลู่เฮ้อหม่ะสีย้องแน อิเถิ่งซุฮะ53เซ้อจุ๊งผะยี่โซย้องอื๊อเคียเพาะว่ากู่หลู่เหอซิ้วโห54ผะยี่โซกู่หลู่ลาหล่ะผูแหยะมะคู้ว่า ฏู่หลู่ยะโต่โทละ55กู่หลู่เฮ้อลาวิญญาณโต้โต่วะโก่อุ๋งโละเคียะมะโต้โทละทันที ผะยี่โซช้องจุ๊งย้องกู่หลู่เฮ้อย้องฮ่อกะเป๋โจ่โละ56โต๋ปูโมปะละใจเคขะหนะนะ ผะยี่โซเซ้อย้อยนึงน่าเฮ้อหม่ะเป๋เอ๊าะ
Son Light Foundation