Luke22

1เท่สะก่านขะน๋มปั๊งโจ่แหย่งคาลือมะ ฉ่องเอ๊าะเท่สะก๋านป๊อยยี2ช้องป๊องโฮแหนมู้แฮคู่ก๊ดซ้องมู้ผะยี่โซย้องผะย่าแย่งเคโหล่เสอ ขะเง้อจุ๊งพูช้องย้องเค3เหนอะหลายยูดาสย้องค้อ อิสคาริโอท โต๋ลาซิทเอกนึงน้ายเซ้ซองโค่4ยูดาส ช้องป๊องฉฮตะแฮงวี่แฮงหล่อมู้วะเล เผื่อที่ผะยี่โซย้องโท้ป๊องแหยะเล5เซ้อจุ๊งจ๊องลี้ขะหนะนะ ซันย่าเคว่ายูดาสย้องแต้งโท้เป๊6ยูดาสโต๊ะรุ่งเค เคียะมะโอ๊ก๊าต๊าย ผะยี่โซย้องโท้ซุ้งแหช้องหม่ะจาเหว่หล่า7เน้อเท่สะก๋านขะน๋มปั๊งโจ่ยีคาโล้มะ ยิวมู้แกะเสอป๊ะผิจ๋าถะวายเคฉ่องลาป๊อยยี8ผะยี่โซเปโตรแฮยอห์นย้องเอ๊าะว่า ฮ่องโจ่หยะเท่สะก๋านป๊อยยีฮ้องเย้โจ่โละ9เซ้อจุ๊งโน้เติ่งว่า หะโท้เป๊เตี๊ยงเยี่ย10ผะยี่โซเตาะแหว่า มึ่งค้วงกะอุ๋งเย้ เคียะช้องกะโผ่เหยือกน้ำปะโหแม่ว คาย้องเอ๊้ยงกะจาอู๊งเย้11อิ๊งสือย้องกะเอ๊าะว่า อะแจงกะโ๋นเตื้องว่า หุงงาจู่ลาเท่สะก๋านป๊อยยีแฮโลเซ้มู้หะยิ้ว12ฉ่องนาจู่ย้องหูยาโมถะเตี๊ยงหยะปี่เติ่งเลีย ป๋านาจู่ทิโจ่หยะเตี๊ยงแหะ13เซ้อจุ๊งกี้เล ผะยี่โซลาอั๊วเซ้เง้อก๊ะตึ เซ้อจุ๊งเท่สะก๋านป๊อยยีหยะโจ่หยะเจอฮ้อง14โห่โจ่เหว่หล่าคามะ ผะยี่โซโต๋โลเซ้แฮเตาะยี้ตื๊อโคยแห15เคียะมะเจ่ว่า โง้นาจู่แฮห่อโจ่หยะเท่สะก๋านป๊อยเฮ้อโจ่เลี่ยขะหนะนะ ก่อนตี้โง้ฉ่องท่อหล่ะแหม่เคียเฮ้อ16โง้อั๊วเป๊เซื่อแหว่า โง้อะแฮงเท่สะก๋านป๊อยยีเฮ้อหม่ะโถโจ่โห่ จ๋นกว่าเท่สะก๋านป๊อยยีลาขว่า มายแตๆสำเร็จจาพอยฮิผิจ๋าลามึ่งวะ17ผะยี่โซผะโหล่ฉี่ตาหลาเคียะมะยิ่งลีเค เคียะมะเจ่ว่า ผะโหล่เฮ้อเยี่ยปี่เป้ต๊องเย้18โง้อั๊วเป๊เซื่อแหว่า โง้ตะพื่อองุ่นเหอหม่ะต๋องโห่จ๋นกว่าผิจ๋าลามึ่งโท้คาโละ19นอมะผะยี่โซขะน๋มปั๊งแหยะตาหละ ผิจ๋าย้องยิ่งลีเค ขะน๋มปั๊งฉิ่งเกอะฮะจุ๊งย้องเป๊แห ผะยี่โซเอ๊าะว่า เฮ้อแซ่งงาลาโต๋นาจู่ย้องเปี๊ยะแฮ้ เฮ้เคก่ะงาย้องแฟ่งเติ่งปี่ซ้อง20เฮ้อจุ๊งละอุ่งขุ่ยฮ่องโจ่โซ่มะ ผะยี่โซผะโหล่ฉี่ตาหลาหลีเซ้โก่เค เคียะมะเจ่ว่า เฮ้อแซ่งงาลาซี่งาโต๋วะแตเจ่อตอล้านาจู่ปุแต ผะยี่โวนาจู่แฮซี่เฮ้อลาซันย่าแท่ง21ผะยี่โซเจว่า ช้องงาย้องหักหลังโท้เคีย งาแฮเตาะฮิกี่ยี้ตื๊อโห22ช้องลาโหล่ผิจ๋าลากำหนดเคียวเซ้หู่ซี้เฮ้อ ขะเง้อช้องผะยี่โวย้องหักหลังเคเน้อเปอสะโกเป๊อ23โต๋โลเซ้มู้โน้เติ้งขะหนะนะว่าเซ้อเถอเท้โท้เค24โต๋โลเซ้มู้ทิงว่าโต๋จู่มะเซ้อหื่อที่สู25ผะยี่โซเอ๊าะว่า กะสาต่างชาติช้องแฮโต๋พูมึ่งช้องย้องซ่องควายแห ช้องอ่ำนาจาช้อง ช้องย้องกะคูว่า ซังโค่ย้องป๊าโยแท่งปี๋ช้อง26ขะเง้อนาจู่เท้เป๋เง้อก่ะ นาจู่มู้เท้อช้องโท้หื่อที่สูกะหลู่เป๊ตู๊แหะ ช้องโฮแน๋โค้เง้อแหมะคุ่งจายเซอุ๊งแหะ27เซ้อโค้ฮื่อกวาแหมะ ช้องเตาะวะยี้ตื้อช้องหล่ะช้องเหอะเยี่ยฮาจาเคช้อง ช้องยี้ตื้อช้องเง๋อก๊ะล่ะ ขะเง้อโง้นาจู่มู้วะยิ้วคุ่งจายเซ้28ตะล้อเหว่หล่ะแพ่งละ ลาวางาย้องฉ่องคุ่ยป๊ะ นาจู่งาเติ่งเติ้งเหอะยิ้วโห29โง้กี้นาจู่ย้องกะสางาปูลาอุ๊งเซ้เป๊อ้วงเฮ้อ30นาจุ่งาลามึ่งฮิงาแฮโวโจ่โวต๊องเฮ้อ เคียะมะนาจู่บังลังถะโวยี้ตื๊ออิสลาลาช้องเซ้ซองเผ่าย้องต๊ะซิงเค31เปโตรยะ เปโตรมื่อแตแฟ่งแหะกะ ซาตานนาจู่แตลาโค่ย้อง เยี่ยกอข่อยเซ้โท้โว้เยี่ย32ขะเง้อเปโตรยะ โงอะถิแท่งเคนาย้องเป๊เจอแมปี๋ ลาวานอโป๋เพื้องหลางาย้องเติ่งหล่ะป๊ะ ช้องโค้เจอแมช้องย้องจวยแหะก่ะ33เปโตรเอ๊าะว่า โง้ข้อย่องเต๊เคียะมะอะแจงกี๋โท้ซี้แห34ผะยี่โซเตาะว่า เปโตร โง้อั๊วแฮ้งกะ หมือคุยวาลาโท้เต๊คุงหู่ น้องาย้องหม่ะเติ้งเสื่อซิ่งจ๋องเจ่35ผะยี่โซโลเซ้เอกย้องเอ๊าะว่า งานาจู่ย้องซุ้งแหละคุงแต้งกะเป๋า ขะโยแฮคี้น่อห่ะจาเน้อ นาจู่คิ่งหมะขาม่า เซ้อจุ๊งเตาะแหว่า คิ่งหม่ะขาแน36ผะยี่โซเจ่ว่า ขะเง้อหมือแซ่ง ช้องกะป๋าแฮขะโยจาแหมะเต๊โตกะเคแย่ ช้องเมียวหม่ะจาแหมะ โก๋คากุ่งปีะเมียววื้อเย้37งาเท้กะเคียเท้อ เพาะว่า คัมพี่วะกะว่า ขาช้องหม่ะมื่อตะยอฮะเฮ้อ ขว่างมายงาโต๋ฮะเคียะมะเง้อโม๊38เซ้อจุ๊งอะแจงย้องเอ๊าะว่า อะแจงยะ เฮ้อกีีเมียวยี่หลิง ขะเง้อผะยี่โซเอ๊าะว่า นึงเฮ้ออะเจี่ยวโละ39ผะยี่โซเป๋วมะกอกเทศวะหลีโก่ตอเล โต๋โลเซ้กี้จ๊องเล40ผะยี่โซคาเลมะเอ๊าะว่า อะถิแท่งเคโต๋โต๋ย้องฉ่องโค้จุีเซ้อะเป๋เป้อ41ผะยี่โซสะลอเตสะปู่แซววะกอยๆตอเล ผะยี่โซยี้ต์้อโคยแหอะถิแท่งเคว่า42ปูยะ นาโป่จายป๊ะผะโหล่โส่อู่เหอโหล่วะแตจวยยู้หล่ะ ขาเง้อนาแนโวแตงจายเค โหล่ลานาโวแตงจายหม่ะถาเค43ทูตสวรรค์ ผะยี่โซย้องกาแล่งจายหละเป๊ลือ44ผะยี่โซอะถิแท่งเควุขะหนะนะ คี้ลุงตอซี่ลาเซ้เป่ถะโกตา45อะถิแท่งเคโซ่มะผะยี่โซ่โทฮะเดิ้นแท่งเคและ ขะเง้อโต๋โลเซ้อิเถิ่งคอเพาะเซจายเคโก่โป่คอ46ผะยี่โซเจ่ว่า จ๊ะก๊ะโก่อิเถิ่งโก โทอะถิแท่งเคฉ่องจุ๊ย้องอะเป๋แกงโละ47ผะยี่โซเจโส่แตง ยูดาสโลเซ้นิเซ้ซองโค่นิ ๙้องตะหมูละกวย ยูดาสผะยี่โซย้องโหล่เหอเติ้งเซ้เค48ผะยี่โซ ยูดาสย้องโน้เติ้งว่า ยูดาส ฉูช้องโหล่ย้องหักหลังโท้เคหล่ะ49ผะยี่โซโลเซ้แม่วมะผะยี่โซย้องโน้เติ้งว่าจธะนึงจา อะแจวเมียวยั๊วจ๊ะแกงเคหม่ะ50ผะยี่โซโลเซ้ตะยอเมียวยู้ตอหลา โฮแนป๊องช้องลาคุงจายตะยอย้องผะโหล่โม๋ป๊ะโมชิเทแห51ผะยี่โซแหว่า หล่อฮะ ผะยี่โซคาผะแหยะมะฮาซาเคหมื่อปี๋52ผะยี่โซช้องป๊องช้องลาโหแน่ย้องเอ๊าะว่า นาจู่ตะแฮงวี่แฮงฮาซาเค เคียะมะโอแน๋ผะยี่โซย้องแหยมู้ย้องเอ๊าะว่า งาย้องขะโจแตปั่วหล่ะ เมียวแฮกะปองแหยะลื้อกี๊53โง้นาจู่แฮยีชองวี่แฮงวะยิ้ว นาจู่งาย้องเหยียะกี๊ ขะเง้อหมือแซ่งนาจู่เหว่หล่าฮะ เหว่หล่าอุ่งแนจาพือลาคุงเหว่หล่ะ54เซ้อจุ๊งผะยี่โซย้องนะช้องป๊องฮื่อเอี๊ยงแหยะและ เปดตรเห่อๆแตจ๊องแหะเล55เซ้อจุ๊งอิ๊งคุ้งหมี่เคมะ ยี้ตื๊อโคย เปโตรกี้ยี้ตื๊อเป๊าะโคยแห56ช้องคุงจายคาโมตะยอเปโตรย้องนิมี่เปอยี้ตื๊อแม่วมะ คาโมแซวยีตื๊อเติ่งเจ่ตอยว่า คาปูผะยี่โซแฮกี๋ยิ้ว57ขะเง้อเปโตรหม่ะย่องอา คาโมโง้ผะยี่โซย้องหม่ะเติ้งซื่อแน58หม่ะแม่วแตงช้องตะยอเปโตรย้องแม่วมเจ่ตอยว่า น้อกี้เฮ้อมู้ลาช้อง ขะเง้อเปโตรหม่ะย่องฮา คาปูยะโง้หม่ะเง๋อแน59โตะฉะมุ่งขะโล้มะ ช้องกะโผ่ตะยอยืนยันเคว่า ไอ๋เฮ้อฮะ ผะยี่โซแฮยิ้วแนๆ เพาะคากาลิลีช้องมึงแกง60ขะเง้อเปโตรเอ๊าะว่า คาปูโง้นาเจ่หยะนึงน่าหม่ะสื่อ เปโตรเจ่หม่ะโส่แตง วาเตีตาล61ผะยี่โซเปโตรวะเติ่งแห คาย้องผะยี่โซเอ๊าะหยะแฟ่งเติ่งตอโละ หมือคุยวาหู่โท้เต๊คุง น้อโท้เจ่ว่างาย้องหม่ะเติ่งสึซิ้งสะโท้เจ่62เปโตรวี๊ตอหละโตขะหนะนะ63ช้องผะยี่โซย้องแหยะละ ผะยี่โวย้องตื้อยาะเย้ยเค64เซ้อจุ๊งผะยี่โซย้องพะลาชอวะปื๋อเคียะมะโน้เติ้งว่า เอ๊าะหล่ะน่าเว้อนาย้องเตื้อแต65เว้อจุีงเจโน้แว้งขะหนะนะ ผะยี่โซย้องหน่องนื่อขะหนะนะ66แนซ่องขาลือมะเก่กุ้งโฮแน๋มู้ โฮแน๋ช้องป๊องมู้ แฮคู่ก๊ดซ้องมู้ ป๊ะชู่เคโละ เคียะมะผะยี่โซย้องโต๋จู่ลาแซงวะปี่ตาโล้67เซ้อจุ๊งเจ่ว่า งาจู่ย้องเอ๊าะหล่ะน่า น้อคริสต์หม่ะเง๋อม่า ผะยี่โซจุ๊งย้องเตาะว่า งาอั๊วกี๋ นาจู่กี้หม่ะเจือแน68ลาวางาลานาจู่ย้องโน้เตื้องป๊ะ นาจู่กี้หม่ะเตาะมึงแกงฮะ69ขะเง้อฮิแตเลป๊ะ ช้องหล่ะโหล่ผิจ๋าเปโค้จาลาหล่ะโม๋เซ้โมโท้ยี้ตื๊อโห70เซ้อจุ๊งมดมู้ผะยี่โซโน้เติ้งว่า เท้เง้อป๊ะ น้อกี้ผิจ๋าลาโล่แนะ ผะยี่โซเตาะแหว่า นาโค้อั๊วเซ้เง้อมะแน71เซ้อจุ๊งเจ่ตอหล่ะว่า งาจู่ผะแย่งป๋าโก่เคียวแน ในเมื่องาจู่โต๋ข่วยวะแตโวเกี่ยวโห

Son Light Foundation

https://app.library.bible/content/1f90dc59bfba4465