Luke15
1เหว่หล่ะเน้อ ช้องพ้าซีกอช้อง แฮ ช้องหมื่อโจ่ช้อง พ่ะยี่โซ ย้องแซอูโล๊ะ ฉ่องลาซ้องหย่ะโท้แฟ่งโละ2ฟาริสี แฮ อ่ะแจข่ำผิซ้องช้อง เจ่จ๊ะก็ช้องหมื่อโจ่ช้องย้อง โต๋จู่แฮ ฮ่อเป๊โจ่ค้าโละ3พ่ะยี่โซ โต๋จู่ย้อ เจ่เป๊แฟ่งว่ะ4เซอะกี้ลาย ต๊ะโล่หร่อยโตลิ้งป๊ะ ต่ะโตผิแย่ ก่อเซ้ก่อโตเติ๊งโห นาจู่ตีะโล่ต่ะโตเน้อจ๋องต๊ายโหก๊ะหล่ะ5ต๊ะโล่ต่ะโต ผิแย้ เน้อพู่เลมะ ยู้คื่อลื้อจ๊องลี้เสย6เอี๊ยะคาลือมะ คาปูโต๋ฉ่องแฮโต๋อิ๊งเติ๋งเติ้ง ย้องคู้หลือ เคี๊ยะมะฉ่องย้องหยิ่งลีก่ะเค เพาะวาโต๋ต๊ะโล่ย้องภู่เหอ7พ่ะยี่โซ จุีงย้องเอ๊าะว่ะ ช้องต่ะยอนาโวสื่อแพ่ง สือแหม่ะมื่อแมะ ถะหล่ะตะเลป๊ะ ขว้างโสจาแมะ ช้องกอเซ๊กอโค่ ถะแตก่ะแมะ เชอจุ๊งแซะนาโวม่่ะก๋าซื่อ8ขะโมเน้อสะแต้งเซ้บ๊ะจา มะต่ะแป่งตอโก ป๊ะมี่เปออิ๊ง แยซาจ๊องต๊ายจ๋นกว่าโซ๊ภู่9ต๊ายภุ่เมาะโต๊จู้ลาช่องย้องคู้หล่ะเคี๊ยะม้ออิ้งเติ๋งเติ้งฉ่องย้องก่ะลือพองแหโต๋ช่องย้องเอ๊าะว่ะงาแฮจองลี้หล่ะเพาะว่าสะแต๊งผิแย้เน้อโวขื่อโห10เจอะฮะโง้นอจู่ย้องผิจ๋าย้องยิ่งลีก่ะเคียเพาะว่าช้องหมื่อโจ่สึแผง11ผิจ๋าอัีวว่าก่ะโผ่ตะยอมะโหล่ยี่ยอจาปี่12โหล่ยื้อซ้องโต่ปูย้องเอ๊าะว่า ปู ซมบ๊ะโหล่ลาหย่ะโหล่ย้องผเผอะปี่หล่ะก่ะ โต่ปูโหล่ยี่ยอย้องซมบ๊ะเผอะปี๋13โค้โล่ยีข่าแตงโหล่ยื้อช้องซับซมบ๊ะแย้ตอคอยเฮ่อภูเลเคี๊ยะมาซับซมบ๊ะลิ๊งเต้อคอย14ซมบ๊ะลิ๊งคอลิ๊งเทเคียวมะโจ่ต้องหย่ะม่ะจาโห่15คาปูฉ่องเอีียะยี้เย้เคีียะมาฉ่องโต่ย้องเตล่วงว่ะก่ะลิงเล16คาปูว่ะลาตู่โจ่ลี้ข่อเง้อช่องโต๋ย้องต่ะแหยงแตกี้เป๋โจ่17โต่แฟ่งสึมะ เจ่ตอหลาว่ะงาปูโลนุ่งโคโล่ก่ะเมี่ยวกี๋ฮ่อเจียะเติ๊งเซ่เติ๊งซา ข่ะเง้อโง๊หี้ยิ้วอีองโท้เซียะ18โง้งาปูวะเลซุฮะ เคียะมะงาูย้องเอ๊าะว่า ปู โง้ถะหละแฮนาย้อขว้างเผจา19โง้ปูลาโหล่อู๊หม่ะปึ่ง งาย้อนาลาโลแจ้งเป๊อู๊หล่ะ20คาโต๋ปูว่าเล ขะเง้อเห่อเห่อแตยี้ โต๋ปูโต๋โล่ย้องแม้วมะนาโวโส่ปี้ เพืองเยี้ยะโต๋โล่ย้องกาเฮิ่งเติ้งเย้21โต๋โล่โต๋ปูย้องเอ๊าะว่า ปู โง้ถะหล่ะแฮนาย้อเคเพียะโง้นาโล่อุ้งหม่ะปึ้งโห่22คะนี๋โต๋ปูโต๋โลนุ๋งย้องเอ๊าะว่าปีะคาโคะมื่อที่ซุคาย้อเป๊ติงโละ ทุ๊งหล่ะนี๋วะทุ่งโละปี้ เคียะมะคีเนาะทุ่งโละปี้23เคียะมะโยะทูทูเสือโจ่ลิงโม่ลิงแม๊โละ24เพาะว่างาลาโล่เฮ้อซิ้วหย่ะโก่แตะโละ ผิแย้วกี๋โก่ภู่โละ เซอะจุ๊งขว้างโสจาค่ะน๋า25โต๋โล่ฮื่อซ้องเตล่องยิ้วลาวาโต๋ลาเอี๊ยะโท้คาลือมะด๊นตี๊โวเกี่ยวลือเคียะมะฉ่องแยทาแม้วลือ26คาโต๋โลนุ๋งต่ะยอย้องคู้หลา เฮ้อจ๊ะเหอ27โต๋โลนุ๋งเอ๊าะตอยว่า นาลานุ๋งลือฮะเคียะมะนาปูโย่โต๋ยาโมตะโตกะเสือเพาะว่าโต๋โล่ยี่มื่อโจ่มื่อคาลือ28โต๋ปีอุ้งขะหนานะหม่ะย่องอุ๊งเล โต๋ปู ตอคู๊โละ29ข่ะเง้อคาโต๋ปูย้องเอ๊าะว่า ปู น้อเติ้งแหะป๊ะโง้นาย้องจาซ้ายเคละโคะโล่ปี โง้นาย้องแก้งม่ะเรือเติ้งขะเง้อน้องาย้องต๊าโล่ตะโตแตกี้ฉ่องหมูย้องลิงหย่ะหม่ะเปีีย30ขะเง้อนาโล่เฮ้อมะนาซับซมบั๊ดลิ้งคอย ขะโมซัมพี่เจอคอ น้อโย้เสือคาย้อลิงกี๊31โต๋ปูโต๋โล่ย้องเอ๊าะว่า โล่ยะ น้องาแฮยี้ตะล้อเว่หล่างาลาหยะทูซิ้งทูแย้งนาหยะเผียะก๊อตึฮะ32ขะเง้อนือเฮ้อแส้งงาจู่โม่แมะยิ่งลีเคก่ะตี้ เพาะว่านานุ๋งซิ้วหย่ะโก่แตะโลก๊าเจอ พิ่วหยะก่ะพู่โละ
Son Light Foundation