Godigo Nogi Ugwaba Sabo Tęąbi Po Wabo Buku Dabe86 / mps_tbl
Te Devitgo asęani gedu haluasa po me deli dao.
Godigo aga tau somainogo, bidigo te gedu haluasa po wali
1Genuai Bidi, ena bomo meniama,tama ena digi ena tau sabo usu ebeo.Tama tialima, eno homugo nagoeno gedu haluasa po wabo odolama,te ena tau sao.2Nago ena ma siyu, tama ena me isigobeo,magi baso meni, ena nage wali asai.Nage da, te eno God dao.Ena naga sę bidi da, tama eno konealubohomu nageba muai,tama tiyu, nago ena tau sao.3Naga digi nage eno God dao.Ya, nago ena homu dene eyu,tau mabo kolesaga enaba yao.Tigidali sogo, giligade me hulide,eno gedu haluasa po nageba wabo dao.4Genuai Bidi, nago eno haligawiegi yai pemene mu ilao, te naga sę bidi dao.Magi baso meni, eno gedu haluasa ponageba naga wabo dao.5Genuai Bidi, nagote wiegi yai sę mu elama,tama nago eno dwai sęgę sela sąbo dao.Nago te nageba gedu haluasa po wabowe bidi tigidali wei mu eyu,tama naga homugo augwali dali kęą pai dao.6Genuai Bidi, nago eno gedu haluasapo wabo bugagia odao.Eno nageba i wabo, te nago ena dalihomu dene eyu, tau somainu wali.Eno i wabo odao.7Te eno nageba i wabo sogo,te nago ena tau sabo dao.Tama tiyu, tigidali sogo ena sęgę tolobaso,eno te nageba gedu haluasa po waibao.8Genuai Bidi, te God nage tiwai me deli elalubeo.Te Israel hani isąwai dabegoaugwa god wabo nai dabe da,augwali te tibo god dabe naga dao.Nago augwali aiyaba elaluai.Tama te bidi me deligo te nagoebo sę tobage tiwai me elalubeo.9Tigidali hani we bidi nago augwali nigali,te augwaligo lotu po wainogo eyu,nageba kidu sugunagasaibao,tama augwaligo te nago nogi ugwaba saibao.10Magi baso meni, nago naga te genuai bomo elaluyu,tama nago te we bidigoisiąbo genuai sę dabe ebo dao.Tama nago naga te haniani wiegi wiegi yai sę ebo dao.Nagaduba deli naga, nage God mu dao.11Genuai Bidi, eno homugo te nago eno emainu ebokolesaga te ena bugagia ola mao,tama eno te nago mu po wali sesemane paibao.Te ena bugagia ola mayu,te eno nageba naga konealu, tama eno nago sęsesemane sogo yaibao.12God, eno Genuai Bidi, eno te usu da wabote eno homu sesego nageba mobao.Tama eno nago genuai nogite sesemane bidada pabo sogo ugwaba saibao.13Magi baso meni, nago sesemane sogoena wei mu ebo dao.Nago ena te isabode ma dobola selama,tama ena te isibo bidi dabego pesageba pabeo.14God, megi te hagoma ebo bidi dabe meba aselama,tama ena dali hwįainu ebao.Te dwai sę ebo bidi dabego te bidi hasi homu dene eyu,tau sabo kolesaga eyu, me sogobeo,tama augwali sisinama, ena ela muainu yali.Augwaligo te nago po wali me pisąwai,augwaligo te sela sąyu naga ebo dao.15Tiali goli, Genuai Bidi, nagedete homu dene ebo,me olo tau mabo wiegi yai kolesagapągąnalubao, tama nage da, te bobobageguni yai bidi dao.Nago da wei mu eyu,tama nago homugo da dali kęą mu pai dao.16Nage enaba ma aselama,ena homu dene eyu, tau sao.Ena bomo mao, tama ena ma sao, magi baso meni,eno nago sę ebo te ena idago yali tiwai ebo dao.17Genuai Bidi, eno homugote nago ena wei ebo da homu ebote nago enabolo ola mao.Tama te boi bidi dabego suyu, te nago ena tau siyu,te dąų walobo te augwa konemainu yao.Tama augwa ebo kolesagade te augwahale mu somainu yao.