Godigo Nogi Ugwaba Sabo Tęąbi Po Wabo Buku Dabe84 / mps_tbl
Bidigo te Godigo be wei mu yali
1Te Tigidali Bomo Elalubo God, eno nago bewei mu ebao.2Ena tede bidabo homu wei mu ebao.Te eno homu kolesaga tigidaligote nago be wei mu ebao.Te tigigo, me homu tigidaligo, eno tewiegi yai pemene ebo tęąbi po nageba obao,God te bidabo ula elalubo God dao.3Genuai Bidi Te Tigidali Bomo Elalubao,nage te king, me eno God dao.Te dwasianu ba dabe te nago alta pąde be sęnama,tama augwaligote augwa wai dabe tonalubo dao.4Te nago bede bidalubo we bidi dabeaugwa te bugai homu mu elama bidibo dao,tama sesemane sogo augwa te tęąbi po weyu,tama nago nogi ugwaba sabo dao.5Te we bidi dabe augwa te nagede bomo selama,tama te Saion bulu duba pabo homu wei elama,augwa te sesemane pemene yabo homu ebo dao.6Augwa pelayu, te wa pai bulu odogo pesageba dulama,tama te bulude te wę ulu hauwapedalubo pesage elalubao.Tama te kigamu tulubage tulama, tama te dedagebate węgo pągąbo dao.7Te bidi dabe bilama, te bomo yai pedelaibao.Te augwali pelama, te Saionba sabolama,tama te God bidibo sueibao.Aga te tigidali tibo godidete ugwadu elalubo God dao.8Genuai Bidi, nage te Tigidali Bomo Elalubo God,te eno gedu haluasa po wabo odao.Nage te Jekopgo God,te olo bugagia munama, eno po odao.9God, nago dago kingba wiegi yai sę yao.Naga digi aga sa mubaso, tama aga te king bidibao.10Te ena deli sogo nagate nago tempel bede bidibaso da,tego te 1,000 sogo te gasa bulude bidibote aiyaba mu elaluai.Ena te ena Godigo be sunumidedolaluabo homu wei mu ebao.Tiali goli, ena te dwai bidi dabegobede bidabo hagela homu ebo dao.11Genuai Bidi, te da seselalubo bidi,te dago genuai nogi elalubo king dao.Agai te olo tau sabo wiegi yai kolesaga dabolo eyu,tama daba genuai nogi mayu yali.Agai te bugagia dolasa bilibo we bidi dabedete mena nai me deli me dąų me ela sogobeo.12Godigo Te Tigidali Bomo Elalubao,te nageba konealubo homu dąų wabo we bidi dabe,augwa te wiegi yai pemenesesemane emainu yagameo!