Godigo Nogi Ugwaba Sabo Tęąbi Po Wabo Buku Dabe79 / mps_tbl
Te Israel dabego gedu haluasa po weyu, te Godigo augwali tau somainu yalio
1God, te gasa hani dabe dago tǫba asalio,tama augwaligo te naga we bidi dabeda dali hwįani ebao.Augwaligo te nago tedali wiegi yai be dwai ilama,tama meda mu pedelali.Tama augwaligo te Jerusalemdwai mu ilama, dolalio.2Augwaligo te we bidi dabe ela muyu,tama nago sę bidi dabe me ela tagalali,tama te ba dabe dali, te uni hasa dabe daligote augwaligo tigi tualio.3Te boi bidi dabego nago we bidi dabe ela munama,tama augwaligo kaneme gelama, tama te wę tiwaite Jerusalem tomodu pai.Tama augwaligo tigi dabepubulabo bidi deli me bidibeo.4Te da pąde bidalubo we bidi hani dabe,augwa te posobo po weyu, te gisugu weyu,tama te po dwai dabolo wali.5Genuai Bidio, nisu naga sogo nago dadewado po wabo me elalu, elaibawe?Te nago wado po wabote sesemane elaluabo homu eba, agawe?Te nago wado ebo me elalu,tama te sia bogoli elalubo tiwai eyu,tama me sula sogobe da, agawe?6Te nageba lotu po wasiąbo we bidi dabebanago te wado po wao,te we bidi dabe augwaligote nage tudiba mubo dao.7Magi baso meni, te hani dabeaugwaligo te nago hani we bidi dabe ela muani,tama augwaligo te nago tǫ mu dolai dao.8Tiyu, nago daba te dago wąį nǫų dabegodwai kolesaga yalide te dabolo dene maidalio.Megi da, nago te olo tau mabowiegi yai kolesaga dabolo yao, magi baso meni,te dago konealubo homu te bomo kimi meni yanio.9God, nage te da ma sabo God dao.Nago te naga genuai nogi sabodekoneama, te da tau sao.Nago da ma siyu, tama dago dwai sęgę tigidalite sela sąyao,tama dago te nago nogi ugwaba saibao.10Magi baso te gasa hani dabegodabolo te tiwai hanalu,“Te dagego God mena bidibo?” waibawe?Dago nago te gasa hani dabeba tedago kaneme gelali wei ponoyu,te dene mabo dago suabohomu ebao, magi baso meni,augwaligo te nago sę bidi dabe ela muai dao.11Nago te kalabuside bidibo bididabego gela wabo odao.Tama te nago genuai bomogo, nago te bidi dabete boi bidi dabego po weyu,te isimainao po wali bidi dabe, augwali ma sao.12Te boi bidi dabego nageba te dwai po wali.Tama tialima, Genuai Bidi, nagote augwaligo yali dwai kolesagate nogo a naga olama,me badu si sogo te wei ponao.13Nago te tama tibaso da,teda da naga we bidi dabe,da te nago sipsip wai tiwai yaibao,teda dago nageba te usu da weyu,gedu haluasa po sesemane sesemane sogo waibao.Tama te nosali nosali pedalubo wąį nǫų dabego,teda augwaligo me te nago nogi ugwaba saibao.