Godigo Nogi Ugwaba Sabo Tęąbi Po Wabo Buku Dabe13 / mps_tbl
Te Devitgo asęani balia po me deli dao.
Te Godigo aga tau somainu eyu, bidigo gedu haluasa po obao
1Genuai Bidi, nisu naga sogo nago te enadehomu kone ebo tagalubawe?Te bidada pabo sesemane sogo usu nama, agawe?Nisu naga sogo mu nago ena sula tagalobawe?2Te nisu naga sogo ena te dene tolomainu ebawe?Te nisu naga sogo ulade me hulidete eno haliga sęgę elaluaibawe?Nisu naga sogo ena te boi bidi dabedologode bididuaibawe?3Genuai Bidi, nage eno God da.Nago enade homu koneama,te eno gedu haluasa po wabo odao.Te ena isidali weyu, nago ena dąų ma walao.4Tama tialima, te boi bidi dabegote enade po me wasiąwaibao,“Dago aga aiyaba elaluali,” te kęnę po me wagobeo.Tama augwaligo ena tulalubaso,te wiegi yai homu pemene me idali weyu obao.5Tiali goli, ena da, eno te nago enasesemane godolo ebo kolesagadeeno homugo dąų walai dao.Tama eno wiegi yai homu pemene nageba ebao,magi baso meni, te nago ena tau saibao.6Awe, Genuai Bidi, te eno nago nogi ugwaba sabobalia po waibao. Magi baso meni, nago enabawiegi yai sę mu yai dao.