Profet Jeremaiago Po Elalubo Buku49mps_tbl
Genuai Bidigo te Amon dabeba dwai dene mawaibao
1Genuai Bidigo po te Amon dabede elalubao. Agai te tiwai po wali,“Magi yaliwe?Te Israel dabego ogwa dabe meni yani homu elama,te augwa aya dabego tǫ dabe doado bage sogobeda, agawe?Te augwali elalubadi yaibaso da,teda magi baso te Amon dabe,te tibo god Molekgo hani dabego,te Gat hanigo tǫ saliwe?Te magi baso te Amon dabe te Gat hanigo taun dabebabidigi pai dawe?2Ena Genuai Bidi, eno te po obao,mu tama eno bodolu muani sogo me deli elalubao,tama te sogo eno te boi bidi dabego te taun Rabateba hwįgi pomainogo tagala palaibao,te kantri Amongo genuai taun dao.Augwaligo te taun dolama,te olo pobele bage du holali tiwai elalueibao.Te boi bidi dabego te genuai taun pąde elalubo buludabe siago ulaibao.Tama nosali, te Israel dabego te Amon dabego sali tǫma saibao.Te Genuai Bidi, eno po dao.”3“Dage Hesbon hanu Amon hani we bidi dabe,dagego bomonama gela wao,magi baso meni, te taun Ai dolalio.Dage Raba taun we bidi dabe, dagego gela waiyąo,dagego te hobede ebo ugwa gudama,te hobede ebo tęąbi wao.Te dage wi painogo, me badu udayu, gelama,gasa badu udayu yao.Magi baso meni, te boi bidi dabego Molek saibao,duga te tibo god, te gasa kantriba sela pelama,kalabus igi paibao,te aga pris dabe dali me, dage Amon tobolu bididabe me,te kalabus paibao,” te po wali.4“Amon, nago koneai, te nago odogo malu bulu te mupolalubao,te nago sesemane sogo nago te bulude wiegi yai naihauwa pedalubo po minama, te pemene ebao.Nage hagoma ebo we, magi baso nagote tiwai po wabo dawe?Nago te naga mone me doado bagede homu konepalama te po wali,‘Dego ena dali hwįagasaibawe?’ wali.5Tialima, odao.Ena God, Tigidali Bomo Elalubo Genuai Bidi,eno po dolo obao,te nage pąde bidibo hani tigidali eno hodolama,te augwaligo nage wi dwai mu ilagasaibao.Te augwaligo dage Amon dabe sela sąbaso,te dage tigidali tǫ habuba wi tedela pelawaibao.Te dage ma sisinabo bidi meni yaibao,” wali.6“Tialima, nosali eno dage bidibo te wiegi yai mapedalumainogo yaibao.Ena Genuai Bidi, eno te po wai dao,” wali.
Genuai Bidigo dwai dene te Idom dabeba mawaibao
7Genuai Bidigo te Idom kantride po elalubao.Tigidali Bomo Elalubo Genuai Bidi, agai te tiwai po wali,“Magi yaliwe? Te Teman hanu we bidi dabego te wiegiyai homu kolesaga munu me elalubo homu menida, agawe?Te augwaligo wiegi yai homude koneani kolesaga tehagawali da, agawe?8Dage Dedan we bidi dabe, dage te taun tagalama,wi peyu, tama te masigi ola be dabeba geme bugagiaduala sigi pao.Magi baso meni.Ena Genuai Bidigo eno te dene mabo sę ebo sogo mu teIdomba pedelaibao,dage Isogo hani, te dage dolaibao.Te sogo eno te dagego dwai kolesaga yali wei ponaibao,”wali.9“Te bidi dabego te wain du ina yani tau yai sagasobosogo,te augwaligo tigidali me sogobeo. Menio.Te meba augwaligo ela soaibao.Te nai wi sabo bidi hulide asu,te augwaligo godolo yali nai naga sabo dao.10Tialima, eno te Isogo wąį nǫų hani dabeba dwaidene mabo sogo,eno dagego nai doado bage tigidali dolaibao.Eno dagego geme duala sabo pesage tigidali dolama,te dage geme ma duala sogobeo.Te dage Idom badi, te dage pąde bidibo hani dabe,dage tigidali dolaibao.Tama te Idom hani tigidali mu silaibao.11Tialima, dage Idom dabego duga wai puluba dabedehomu si me igio.Te aya dage isibaso da, te ena digi eno dagegowai puluba dabe tonalueibao.Te dagego we dabe augwa digi ena nogoba mumainogoyaibao,” wali.12Genuai Bidigo te tama po wali, “Eno te hauwa we bidi dabeba te dwai dene mabo sę yaibao. Te augwaligo dwai sę genuai me isąbadi tagalao, te eno dene augwaliba mawaibao. Te Idom, nago homugo eno nage ela soaiba homu eba, agawe? Mu menio. Eno nage me ela soagobeo. Eno nageba me te dene mawaibao.13Ena Genuai Bidi, te ena nogide digi eno te tiwai mu po obao, eno te dagego polalubo taun Bosra dwagila mu dolaibao, te aga olo bulu pesage tiwai pedelaibao. Te gasa hani we bidi dabego eno te sę te taun Bosraba yali sę po odama, te augwa wi elama, dwai midigi saibao. Te augwa te Bosrabolo te dwai posobo po waibao. Te hanigo te augwa boi bidi dabede dwai posobo po wabo sogo da, augwa te tiwai po waibao, ‘Dage te Bosra taun dolali tiwai gilama yagameo.’ Eno te tǫ kantri Idom taun tigidali dolama, te dolali te tiwai sesemane elaludaibao,” wali.14Genuai Bidigo ena Jeremaiabolo walali,te agai te we bidi hani dabeba te po magi poomainogo te bidi me deli tagala palu,te tiwai po walio,“Dage tigidali sisinama, te Idomba hwįgi pao.Hogodama, te boi hwįgi pabo sisi yao,” wali.15Genuai Bidigo te tǫ kantri Idomba waliyu,te po wai, “Idom, odao.Eno nage te olo nai me tama tiwai te gasa hani we bididabe tomode pedalumainogo ilaibao.Te augwaligo nage begela mu dolaibao.16Nago te gasa hani we bidi dabe wi mu ilama,te nago nage te polalubo mu da homu yali.Tialima, naga digi tibo po ola mawai.Nago genuai taun te bulu du pesage daide ugwaduelaluali.Tialima, te nago taun te ba kemodagego be daideugwadu sę ebo tiwai elalubo, te tagalao,te nage eno aiyaba kekasa duleibao.Te Genuai Bidi, eno po dao.”17Genuai Bidigo te tiwai po wai, “Idom dolama,te bidi dabe wi ilibo nai pedelama, elalueibao.Te gasa hani we bidi dabe te badu aselabo sogo,te augwa Idom sulama,te augwa midigi dwai mu selama, nogo hogwayu,te wi umagi mu yaibao.18Polobadu eno te taun si Sodom me Gomora dolobadi,te pąde elaluali taun dabe me dolali,tama te bulu pesage dabe olo mu tama elaluai.Te ena Genuai Bidi, eno te po obao,te tobage sę naga te Idomba pedelama, tede bidi deli me bidigobeo.19Te genuai uni hasa laiongo aga bulu tomo buside tewę Jordan tagalama,te sipsip dabe augwa te wiegi yai nosai tubo sę ebomadi pedelaibao.Tama pedelama, polo mu tama te laiongo te sipsip dabedaboa sabo dao.Te tiwai me, deli sogo naga mu tama,eno te Idom dabe augwa tǫde bidali ela gudulaibao.Tama eno te tǫ tonaluabo bidi me deli nigilaibao,” wali.“Eno tama tebo sogo, mena bidigo ena dali konila powaibawe?Te dego eno bomo tobage elalubawe?Te mena tobolu bidigo enaba boi bidi yaibawe?20Te eno te tǫ pedai Teman we bidi dabeba yabo sę,me te gasa Idom kantri pedai badu yabo sę,te eno homu kone palai elalubo,te bugagia olo muao.Eno te we bidi dali, wai puluba dabe me,tigidali sela sąwaibao,te laiongo te sipsip tigidali ela munama,te augwa tigi kekasa pabo tiwai yaibao.Te Idom tǫgo digi eno te ebo sęde dwai midigi muyaibao.21Te kantri tǫ Idom degasa dulubo sogo da,te bugusu wabo genuai pedelama,te tǫ mumunu ilama, te mali ebo tiwai ilaibao.Tama te Idom dabego gela u wabo te genuai pedalubosę eyu,te mama yai tamu ąį Retsi wabo tamu ąį dąįba usunugi paibao.22Te boi bidi dabe umagia aselama,te Bosra taun dolainogo ebao,te ba kemodage ugwaba bola holama,te tobolu nisiba mage bula selama, aiyaba dulama,te aga bogo diligasa dulu,te hasa bolo elibo tiwai yaibao.Tama te sogo te Idom ami dabewi elama, homu si yaibao,te we dabego wai ame nainogo tigi dene ebo tiwaiyaibao,” wali.Genuai Bidigo te kantri Damaskusba dwai dene mawaibao wali
23Genuai Bidigo te kantri tǫ Damaskusde po elalubao. Agai te tiwai po wali,“Te taun Damaskus taun si Hamat me Arpat webidi augwaligo te dwai nai augwaliba pedelabo poodama,te augwali midigi dwai mu yalio.Augwali wi ebaso, te bugagia me dugulalubeo.Augwali te tiwai te nambisde genuai ąį dini asu,te bugagia bidisąbo tiwai ebo dao.24Te Damaskus taun we bidi dabe te bomo mumeni yani.Augwali te we me deli wi painogo ebo tiwai yali,tialima aga te wi dwai mu elama, te aga usu ebeo.Augwali te genuai dene me sęgę elaluali,te wego wai tega painu dene ebo tiwai yai dao,”wali.25Te taun Damaskusde bidali bidi me deligo te powali,“Te taun da, genuai nogi elalubaso,te ena wiegi yai pemene yali.Tiali goli, te boi bidi dabe teba pedalubaso,te magi baso te we bidi augwali te taun tagalama, wipabewe?” te po wali.26“Ena Tigidali Bomo Elalubo Genuai Bidi, eno podolo obao,te sogo te boi bidi dabego te Damaskus gesi ogwabidi dabe ela munama,te augwali bidi sisinama, po mibopesagede degasa pai munalua paibao.Te boi bidi dabego te Damaskus ami bidi dabetigidali ela muaibao.27Eno te taun Damaskus bagulali obo isigo ulama,tama te isigo te king Benhadatgo bomai be dabe mesiago daibao,” wai dao.Genuai Bidigo te Kedar dabe me Hasor dabe augwaliba dwai dene mawaibao
28Genuai Bidigo po te Kedar hanide me te wa pai tǫ pedai Hasorde elalubao. Te Babilon king Nebukatnesargo boi hwįnama, te hani dabe aiyaba elaluai. Hasia bolo God Genuai Bidigo te Kedargo boi bidi dabeba te po walali,“Dage hogodama, te Kedarba boi hwįgi pao.Te giliga pedalubo pedai badu te we bidi mu silao.29Te ugwa be dabe, me te augwaligo sipsip dabe,me te ugwa bede mubo ugwa dabe,me te augwaligo gasa nai dabe selama, te sela pao.Te augwaligo kamel dabe me sela pao.Te augwaliba e tama i wao,‘Te dage wi ilibo nai, te tigidali badu elalubao.’Te po augwaliba i wao,” Genuai Bidigo te po wali.30Tama Genuai Bidigo te taun Hasor we bidi augwaliba te tiwai po wali,“Dage wi peyu, te digibulu mu masigi ola be dabebageme bugagia duala sigi pao, magi baso meni,te Babilon king Nebukatnesargoagai dage dolabo sę yabo nai dabete homu konea sai elalubo dao,” wali.31Genuai Bidigo te Babilon dabeba te tiwai po wai,“Dage hogodama peyu,te bugagia dugulalu, te magi naime delide homu kone isąbo hani we bidiba boihwįgi pao.Augwaligo taun obo meni dao.Te gasa hani we bidi dabe augwali pąde me bidibeo.32Dagego augwaligo te kamel dabe,me genuai bulmakau hani dabe,me sipsip dabe tigidali me sagameo.Te augwa gebo badu tobolu nisipęwadage togobo bidi hani dabe eno sela sąnama, teaugwali tedela paibao.Ena Genuai Bidigo,eno te tǫ pedai tigidali badu boi bidipedalumainogo ilama,tama te dene mabo sę ebo sogo mugote Hasor dabe gegaibao.33Tama Hasor te uni yowigo bulu pesage pedelama,te aga dolali sesemane tama elalueibao.Tama te taun olo mu elalu, tede bidi me bidigobeo,”wali.