Matthew4
1Jêh hư̆n Yang Yê-su dơi mư̆t mŏng tač ndrăñ yơng băh Yang Ngăt Găl no di tŭ yang djŏh mblơm.2Jêh hư̆n, jai jêh ngăl sông sa puôn jăt nar jêh iên puôn jăt măng, mông hư̆n Khua Yang nguôt.3Jai jêh sak mơñ, yang djŏh ngơi ta Khua Yang: “Ndă me jêng Kuôn Yang Trôk, ăn yua pơp ngơi no di grăp bôk mau ho dơi ñjêng ƀăñ.”4Ƀê̆ dăh boh pơp hư̆n, Khua Yang ngơi: “Mau pơp čih: ‘Kuôn Nêh jrăng brêh so geh mơn băh ƀăñ gu ôh, ƀê̆ dăh hư̆n jêng mơn băh grăp pơp ngơi ĕh lôh băh dơk Yang Trôk.’”5Jêh hư̆n yang djŏh lăm ndơp Khua Yang mư̆t mŏng uôn ram ƀrăh, ĕh ăn Khua Yang dŏk ta tŭk jua hĭn tŏng hih ƀư̆n,6Jêh hư̆n ngơi ta Khua Yang: “Ndă me jêng Kuôn Yang Trôk, ăn čĕ săk me mŏng sô̆ gơñ, bơ yơng mau pơp čih, klăh iêu: ‘Yang jrăng tơ tă dơk yơng ta kuôn jêh iên ăn băl myang Yang di,’ jêh hư̆n: ‘Hên jrăng hơk kuôn mŏng ti hên di, ơn dăh jŏng kuôn ĕh đăm tŏng bôk mau.’”7Yang Yê-su wêh ngơi ta ĕh: “Gao băh iên, mau ya pơp čih: ‘Kuôn jrăng so lông dlăng Khua Yang, jêng Yang Trôk kuôn di.’”8Wêh ju dŏ hư̆t, yang djŏh ndơp Khua Yang čơng tŏng yôk jua hĭn jêh iên ăn Khua Yang dlăng lĕ mơt grăp čar mŏng dôn teh wăt ta pơp drưh ang ĕh di.9Jêh iên ĕh ngơi ta Khua Yang: “Ăñ jrăng ăn ta me lĕ mơt grăp pơp ho, ndă me kôh mpŭ ăñ, ta pơp buôn săk mŏng sô̆.”10Mông hư̆n, Yang Yê-su ngơi ta ĕh: “Sa-tan, ăn du gơñ! Bơ yơng mau pơp čih: ‘Kuôn jrăng kôh mpŭ Yang Trôk, jêng Yang Trôk kuôn di, jêh iên kuôn jrăng mhŏ bruă čuôm gu ta ju nau Khua Yang.’”11Jêh hư̆n yang djŏh du băh Khua Yang, jêh iên dlăng tŏ, băl myang trôh jêh iên dư̆ng đru bruă Khua Yang.12Mông hư̆n, jai jêh tŏng ru Yô-han jêh nai ñư̆p, Khua Yang du iêu čar Ga-li-lê.13Jêh du băh Na-sa-ret, Khua Yang sak gŭk brêh mŏng uôn ram Ka-ƀê-na-um kêng dak sĭ, mŏng teh Sa-ƀu-lôn jêh iên Nep-ta-li,14no di dơi lăm nư̆k pơp jêh ngơi luôr ta nêh têh luôr Ê-sai, klăh iêu:15“Teh Sa-ƀu-lôn ta teh Nep-ta-li,truông sak iêu dak sĭ, đăh tŏ dak kruông Yô-đan,hư̆n jêng čar Ga-li-lê jêng teh băl uôn lan ling lač di —16Uôn lan gŭk mŏng tŭk ngo măngjêh so pơp ang ram,jêh iên ju băk ta băl gŭk mŏng wăl teh jêh hư̆n gui pơp khư̆t,mông hư̆n pơp ang ĕh trang ang tŏng hên.”17Dŏng băh iên, Yang Yê-su dư̆ng tơ ti lăh jêh iên ngơi: “Ăn niêl mlih, bơ yơng čar tŏng trôk jêh trôh mơñ.”18Mông hư̆n, jai sak jŏng ta hang dak sĭ Ga-li-lê, Khua Yang so bar nau ŏh mi, Si-môn, nai krĕh kuôl jêng Pê-trôih, jêh iên An-drê, jêng ŏh kăn di, jai čĕ jal mŏng dak sĭ bơ yơng hên jêng nêh ñư̆p ka.19Jêh iên Khua Yang ngơi ta hên: “Ăn sak gre ăñ, hư̆n ăñ jrăng lăm ñjêng pu me ñjêng băl gư̆t trăh nêh.”20Mhăč rŏk, jai jêh ndrŏh jal hên, hên gre Khua Yang.21Jêh băh iên sak hư̆t, Khua Yang so bar nau ŏh mi dơ dêh, Ya-kơ kuôn kăn Sê-ƀê-đê, jêh iên Yô-han, ŏh kăn, mŏng plŭng băk ta Sê-ƀê-đê, bap hên di, jai rư̆m jal kăn jêh iên Khua Yang kuôl ndơm hên,22jêh iên mhăč rŏk, jai jêh ndrŏh lat plŭng ta bap hên di, hên gre Khua Yang.23Jêh iên Khua Yang sak tŏ o mŏng grăp čar Ga-li-lê, tơ ti lăh mŏng hih ƀư̆n băl uôn lan di, têh sơm Pơp Găl yơng ta čar tŏng trôk, wăt ta pơp lăm băh grăp pơp kuôp ji jêh iên pơp kuet wiên mŏng uôn lan.24Pơp pĕh hing yơng ta Khua Yang ĕh wao tăl trôh ta bêng čar Si-ri, jêh iên nai sak ndơp ta Khua Yang grăp nau nêh kuôp ji, geh ta grăp mta pơp ji jêh iên ji kôr mdê mdê yơng băh yang jhat mư̆t, lu prơ prăm, kuet wiên, jêh iên Khua Yang lăm băh ta hên.25Pôl băl uôn lan ŏk hui gre Khua Yang băh Ga-li-lê, Đê-ka-ƀô-lơ, Yê-ru-sa-lem, Yu-đê jêh iên đăh tŏ dak kruông Yô-đan.
FAR EAST BROADCASTING COMPANY