Matthew20
1Bơ yơng uôn tŏng trôk hư̆n ndrơm klăh di ju nau nêh tơm teh, jêng nêh sak juôi băh mông ôi măng no di mưn nêh mhŏ bruă ta mir ño kăn.2Mông hư̆n, jai jêh tŏng tŭ ư ru ta băl mhŏ bruă ăn ju đơ-niê mhŏ bruă ju nar, kăn yua hên mư̆t mŏng mir ño kăn di.3Jêh iên jai kăn sak năng ai mông tal pei, kăn so băl dơ dêh jai hên gŭk gai mŏng tŭk tăč blŏ.4Kăn ngơi ta hên: ‘Lĕ pu me ăn sak mư̆t mŏng mir ño tŏ, jêh iên năn nŏh mưn dơi geh, hư̆n ăñ jrăng ăn ta pu me.’5Jêh hư̆n hên hui gre. Jai wêh sak hư̆t năng ai mông tal pro jêh iên tal sư̆n, ăt kăn mhŏ klăh iên ya.6Jêh hư̆n, mông wêh sak năng ai mông tal măt muôi, kăn so băl dơ dêh gŭk ta iên, jêh iên kăn ngơi ta hên: ‘Pơp mhŏ pu me gŭk gai nar mho ta o ho?’7Hên ngơi ta kăn: ‘Bơ yơng so mau nêh mưn băl hi.’ Kăn ngơi ta hên: ‘Ăn pu me sak mư̆t lĕ mơt mŏng mir ño tŏ.’8Jêh hư̆n trôh mông mho, khua mir ño ngơi ta nêh năk iêl kăn di: ‘Ăn kuôl grăp nêh mhŏ mir trôh ta o jêh iên ƀơk prăk mưn ta hên, dŏng băh băl kơi dư̆t trôh ta băl mhei bôk.’9Jai jêh sak mơñ, đơ nêh nai mưn mŏng mông tal măt muôi, grăp nau hên dơi dơn ju đơ-niê.10Bơ băl mhŏ bruă băh mhei bôk, trôh ta iên, hên mĭn klăh iêu băn jrăng dơn ŏk hĭn, ƀê̆ dăh ăt hên dơn grăp nau ju đơ-niê.11Ƀê̆ dăh jai jêh hên dơn prăk hư̆n, hên ngơi rŭk ƀŭk yơng ta khua tơm teh,12klăh iêu: ‘Đơ băl mhŏ mưn ta kơi dư̆t hư̆n, hên mhŏ čuôm gu ju mông, ƀê̆ dăh khua ăn hên ndrơm ta băl hi, jêng băl tŭ pơp ăr măh nar mho ta pơp dôh al ktang.’13Ƀê̆ dăh boh pơp hư̆n, nêh tơm teh ngơi ta ju nau mŏng băl hên: ‘Wơ găp mi, ăñ so mhŏ djŏh ta pu me. So lăh pu me jêh tŏng tŭ ư ta ăñ ju đơ-niê lăh?14Ăn dơn prăk khôm me di jêh iên du yơh. Ƀê̆ dăh ăñ khơñ ăn ta băl nêh kơi dư̆t ho ăt ndrơm ta me ya.15Mdăh so mau pơp dơi ta ăñ no di mhŏ pơp ăñ khơñ ta grăp pơp ăñ mau? Mdăh măt me dlăng so găl bơ yơng ăñ mau nuih nhăm găl?’16Iên ya, nêh kơi dư̆t jrăng ñjêng bôk jêh iên nêh bôk jrăng ñjêng kơi dư̆t.”17Jăng jai sak trôh uôn Yê-ru-sa-lem, Yang Yê-su ndơm măt bar nau băl ƀing kna sak băk Khua Yang, jêh iên jai sak truông, Khua Yang ngơi ta hên:18“Dlăng ho, băl băn jai sak trôh uôn Yê-ru-sa-lem, jêh iên Kuôn Nêh nai jrăng jao ta băl khua mhŏ yang ram jêh iên băl khua tơ ti pơp bhiên, jêh hư̆n hên jrăng kčăh dôih khư̆t ta Khua Yang19jêh iên jrăng jao Khua Yang ta uôn lan ta ling no di nai mưč mač, pŭ yat jêh iên pŏng đĭn ta jhi tăm kăng. Jêh hư̆n mŏng nar tal pei, Khua Yang jrăng dŏk brêh.”20Mông hư̆n, mei bar nau kuôn tlau Sê-ƀê-đê di wăt ta băl kuôn de sak mơñ ta Khua Yang, čư̆p măt jêh iên kôh dăn ju mta pơp băh Khua Yang.21Jêh hư̆n Khua Yang ngơi ta de: “Năn pơp e khơñ?” De ngơi ta Khua Yang: “Dăn ăn no di bar nau kuôn tlau ho ăñ ji ju nau dơi gŭk đăh ma, jêh iên ju nau gŭk đăh kiêu khua mŏng uôn tŏng trôk Yang di.”22Ƀê̆ dăh jai boh dơk, Yang Yê-su ngơi: “Pu e so gư̆t năn pơp pu e dăn ƀă. Bar nau ŏh mi ho dơi ñêt kčok mơñ ăñ jrăng ñêt ya?” Hên ngơi ta Khua Yang: “Băl hi dơi ñêt ya.”23Khua Yang ngơi ta hên: “Wăt di lăh ŏh mi jrăng ñêt kčok ăñ ji, ƀê̆ dăh no di gŭk ju đăh ma mdăh gŭk đăh kiêu ăñ so geh jêng bruă ăñ kčăh ôh, ƀê̆ dăh hư̆n jêng thêm ta băl jêh nai prăp prê yơng băh Bap ăñ ji.”24Jai jêh tŏng pơp ho, măt nau ƀing kna mhŏ nuih ta bar nau ŏh mi hên.25Ƀê̆ dăh trôh mông jêh kuôl hên sak mơñ, Yang Yê-su ngơi: “Ŏh mi gư̆t ru đơ băl khua mtao grăp uôn lan ta ling hên kmhal uôn lan, jêh iên băl khua ram hên lăm ƀlang pơp dơi hên tŏng nai.26Mŏng ŏh mi so mau kơt iên ôh. Mlih mŏng iên, ndă nêh tơm khơñ ñjêng ram mŏng mbar ŏh mi, ăn nêh hư̆n ñjêng nêh đru bruă ŏh mi di,27jêh iên nêh tơm khơñ ñjêng bôk mŏng ŏh mi ăn nêh hư̆n ñjêng dư̆k ŏh mi di,28ndrơm klăh di Kuôn Nêh jêh sak trôh so mau ăn nai mhŏ bruă, ƀê̆ dăh sak no di mhŏ bruă, jêh iên myơr pơp brêh tơm klăh di nŏh tuai un pơp tih ta ŏk nêh.”29Jêh hư̆n jai hên du băh uôn Yê-ri-kô, ju pôl uôn lan ŏk hui gre Khua Yang.30Jêh iên dlăng tŏ, bar nau nêh tiêh jai gŭk ta kêng truông. Jai jêh hên tŏng ru Yang Yê-su sak găn gao, hên ôr tĕh, klăh iêu: “Wơ Yang, Kuôn mtao Đa-wit dăn tlŏng đač băl hi.”31Bê̆ dăh băl uôn lan ôt bar nau hên, ăn hên gŭk miêt, ƀê̆ dăh hên ôr tĕh hĭn, klăh iêu: “Wơ Yang, Kuôn mtao Đa-wit, dăn đač un hi.”32Jai jêh hŏng ta iên, Yang Yê-su kuôl hên trôh jêh iên lup: “Năn pơp pu me khơñ ăñ mhŏ ta pu me?”33Hên ngơi ta Khua Yang: “Wơ Yang, hư̆n jêng dăn ăn ta băl hi dơi ang măt.”34Mông hư̆n, yơng băh nuih tlŏng đač, Yang Yê-su bi tŏng măt hên. Mhăč rŏk, hên dơi ang măt jêh iên hui gre Khua Yang.
FAR EAST BROADCASTING COMPANY