Matthew11
1Bruă trôh jăng jai Yang Yê-su jêh tơ ti măt bar nau băl ƀing kna Yang di ru, Khua Yang du băh iên no di tơ ti lăh jêh iên têh sơm mŏng grăp uôn ram băl uôn lan di.2Mông hư̆n, Yô-han, jai băh war mnă tŏng pĕh yơng ta grăp bruă mhŏ Yang Tŏng Tlĕh di, hư̆n mơn băh băl ƀing kna kăn di jêh yua sak,3hên lup Khua Yang: “Khua jêng Mtao jrăng trôh, mdăh băl hi hôm kăp găn Mtao dơ dêh?”4No di boh dơk, Yang Yê-su ngơi ta hên: “Jêh du băh o, ăn têh sơm hư̆t ta Yô-han năn pơp pu me so jêh iên tŏng.5Nêh tiêh dơi so, nêh kuet dơi sak, nêh dư̆n lôt dơi ngôr, nêh tư̆k dơi wơng tŏng, nêh khư̆t dơi wêh brêh jêh iên nêh knap mñai dơi iêt Pơp Găl.6Jêh iên đơ nêh tơm so ĕh păk bông yơng băh ăñ hư̆n jêng nêh găl jôn.”7Mông hư̆n, jai jêh băl hư̆n du ru, Yang Yê-su dư̆ng ngơi ta băl uôn lan yơng ta kăn Yô-han: “Pu me sak mŏng tŭk tač ndrăñ năn pơp pu me dlăng — tơm prŏh ĕh nggŏh yơng băh čal lăh?8Ndă so geh kơt iên hư̆n pu me trôh ta iên năn pơp čiêng dlăng — ju nau nêh čư̆t sŏh čhum ao yuôm nhăp lăh? Dlăng tŏ hư̆n, nêh čư̆t čhum ao yuôm nhăp nai gŭk mŏng hih mtao.9Gao băh iên, pu me trôh ta iên năn pơp čiêng dlăng — ju nau nêh têh luôr lăh? Ăñ ngơi ta pu me, geh ru jêh iên gao hĭn ta nêh têh luôr ya.10Hư̆n jêng yơng ta kăn hư̆n mau pơp čih ho:‘Dlăng tŏ, Ăñ jai yua nêh bi la Ăñ ji sak ta măt kuôn, kăn jrăng weh truông kuôn di ta măt kuôn.’11Ngĭn ngăn, ăñ ngơi ta ŏh mi, so mau ju nau nêh jêh dơi săč ruăh mŏng lĕ mơt nêh jêh u ur lai săk jêng ram hĭn ta Yô-han Ƀap-tit, ƀê̆ dăh nêh kuôn nê̆ ngăn mŏng čar tŏng trôk jêng ram hĭn ta kăn.12Ƀê̆ dăh, dŏng băh nar kăn Yô-han Ƀap-tit trôh iêu, čar tŏng trôk tŭ dră măt ta pơp djŏh, jêh iên đơ băl jhŏng ƀai yua pơp prăl ktang sŏk sua ĕh.13Bơ yơng lĕ mơt pơp têh luôr wăt ta pơp bhiên jêh ngơi luôr ru trôh kăn Yô-han;14jêh iên ndă ŏh mi mau nuih nhăm sŏk ruôm, kăn hư̆n yơh jêng Ê-li, nêh jrăng trôh.15Nêh tơm mau tôr no di iêt, ăn iêt.16Ƀê̆ dăh ăñ jrăng tŏng ndrơm nuk ho ta năn pơp? Nuk ho ndrơm klăh di băl kuôn sei gŭk tŭk tăč blŏ, ĕh tŏng ndơm ndăng ĕh,17klăh iêu: ‘Băl hi ôh lôt ta pu me, ƀê̆ dăh pu me so muñ kdŏ. Băl hi srăč nư̆ng ƀê̆ dăh pu me so ñim.’18Bơ yơng Yô-han trôh, so sông ăt so ñêt, hư̆n hên ngơi: ‘Kăn hư̆n jêh čak mư̆t.’19Kuôn Nêh trôh, sông jêh iên ñêt, hư̆n hên ngơi: ‘Dlăng kăn tŏ hư̆n, ju nau nêh he sa, ju nau nêh mbŭk nơm, jôk kuăng ta băl rư̆ng jia jêh iên băl tih djŏh!’ Ƀê̆ dăh pơp knhau dơi nai so nư̆k mơn băh băl kuôn de di.”20Jêh hư̆n, Yang dư̆ng ƀuăh ñjăm đơ uôn ram mŏng iên lĕ mơt pơp myang Yang di dơi mhŏ mŏng grăp tŭk hư̆n, bơ yơng hên so čiêng niêl mlih.21“Knap yơh me, Kô-ra-sin! Knap yơh me, Ƀêt-sai-đa! Bơ yơng ndă lĕ mơt bruă myang jêh mhŏ mŏng mbar pu me dơi mhŏ ta Ti-rơ wăt uôn Si-đôn, năng ai băl ĕh jêh niêl mlih mŏng ao kdô jêh iên mŏng dô̆ buh băh yau ru.22Iên tŭ, Ăñ ngơi ta pu me, jrăng mau pơp nghơč ta Ti-rơ jêh iên Si-đôn mŏng nar phat dôih ŏk hĭn ta pu me.23Bơ me, Ka-ƀê-na-um, me mĭn nai jrăng hơk me tăl trôh tŏng trôk? Me jrăng jư̆r trôh uôn băl khư̆t. Ndă di grăp bruă myang jêh dơi mhŏ mŏng mbar me dơi mhŏ ta Sô-đôm, năng ai uôn hư̆n hôm ĕh gŭk tăl trôh nar o.24Iên tŭ, Ăñ ngơi ta pu me, mŏng nar phat dôih, grăp pơp jrăng nghơč ta uôn Sô-đôm ŏk hĭn ta pu me.”25Mŏng mông hư̆n, Yang Yê-su pŏk dơk dăn: “Wơ Bap, jêng Yang rih ñjêng trôk jêh iên teh, kuôn nơ nei Bap, bơ yơng Bap jêh srôm ndăp lĕ pơp ho ta băl knhau wăt băl gư̆t mĭn, ƀê̆ dăh lăm ƀlang ĕh ta băl kuôn sei.26Ngăn ya, wơ Bap, bơ yơng kơt iên jêng pơp geh ta măt Bap.27Lĕ mơt bruă jêh Bap ăñ ji jao ta ăñ; so mau nêh gư̆t Kuôn čuôm gu Bap, ăt so mau nêh gư̆t Bap čuôm gu Kuôn jêh iên đơ nêh tơm ndă Kuôn khơñ ăn gư̆t.28Ăn sak ta ăñ, wơ lĕ mơt nêh tơm ăr măh jêh iên tung añ jŏk, jêh hư̆n ăñ jrăng ăn ta ŏh mi pơp mdei.29Ăn sŏk tung nung ăñ ji tŏng nik ŏh mi jêh iên riêm băh ăñ, bơ yơng ăñ mau nuih băn ưn jêh iên lăm rôč săk, jêh hư̆n ŏh mi jrăng dơi mau pơp gŭk mdei ta ngăt nhuôl ŏh mi di.30Bơ yơng nung ăñ ji lưih tung jêh iên pơp tung ăñ ji jêng nghơč čhiêu.”
FAR EAST BROADCASTING COMPANY