Luke2
1Bruă ĕh trôh mŏng lĕ nar hư̆n, hư̆n jêng ju mta pơp kčĕ băh Sê-sa Au-gut-tơ jêh tơ tă tar ƀar teh dih no di ngơp nŏh băl uôn lan.2Bruă nai ngơp nŏh uôn lan tal luôr ho geh trip mŏng nuk kăn Ki-ri-ni-u kĕ kriê čar Si-ri.3Lĕ mơt dŏng nêh nai du no di čih năn mŏng ră, grăp nau nêh nai du ta nguôl uôn tơm nai di.4Yô-sep ăt sak băh čar Ga-li-lê, du băh uôn ram Na-sa-ret sak trôh wăl Yu-đê, mư̆t uôn ram Đa-wit, tŭk nai năn jêng Ƀet-le-hem, bơ yơng kăn ting ju găp pôl jêh iên pôl nhuôr Đa-wit,5no di čih năn mŏng ră ju băk Ma-ri, jêng nêh jêh tŏng huôt ta kăn, jai trơ triêu.6Bruă ĕh trôh jăng jai hôm hên gŭk ta iên, hư̆n jêng nar de lai săk jêh trôh.7De lai săk ju nau kuôn tlau, jêng kuôn bôk de di, jêh iên de tuôn kuôn ta dhiêm, jêh hư̆n ăn ŏh nga mŏng mang băt, bơ yơng mŏng hih ñjŏh so mau tŭk ta hên.8Ăt mŏng wăl hư̆n ya, mau băl kĕ biêp jai gŭk ta tač lŏ, mŏng tluông măng năk iêl pôl biêp hên di.9Ju nau nêh myang Yang Trôk di lăm ƀlang ta măt hên, pơp guh ang Yang di đat ang jư̆m dar hên jêh hư̆n hên ndrăt jêh iên bhŭng tlŏh nŏh.10Nêh myang ngơi ta hên: “Man bhŭng, bơ yơng dlăng ho, ăñ ndơp ta pu me pơp găl čhô̆ brơn ngăn, pơp găl hư̆n jrăng ăn ta lĕ mơt nêh.11Bơ yơng nar o, ta uôn ram Đa-wit, Mtao Tŏng Tlĕh jêh nai lai săk ta pu me, Khua Yang jêng Yang Tŏng Tlĕh, jêng Yang Trôk!12Jêh iên ho jêng pơp lăm năl ta pu me: Pu me jrăng tŏng tuôm ta ju nau ŏh nga tuôn ta dhiêm, lăm bê̆ mŏng mang băt.”13Măp gu, ju pôl ka han băh trôk lăm ƀlang ju băk nêh myang hư̆n nơ nei Yang Trôk, klăh iêu:14“Pơp guh ang gŭk mŏng Yang Trôk ta tŭk jua hĭn,jêh iên mŏng teh, ngăp nge ta lĕ mơt nêh gŭk mŏng pơp mĭn găl Yang Trôk di.”15Bruă ĕh trôh jăng jai băl myang jêh yĕh băh hên du tŏng trôk, băl kĕ biêp tŏng ngơi ndăng hên: “Ngĭn ngăn, jơ̆ băn sak trôh ta Ƀet-le-hem jêh iên dlăng pơp găl hư̆n jêng bruă mhei trôh, jêng pơp Yang Trôk jêh lăm ƀlang ta băn.”16Mhăč mhôr hên sak, jêh hư̆n tŏng tuôm ta Ma-ri jêh iên Yô-sep, ju băk ŏh nga jăng jai bê̆ mŏng mang băt.17Jai jêh hên so, hên wêh têh hư̆t yơng ta pơp jêh têh sơm ta hên ta ŏh nga ho.18Đơ nêh tơm tŏng ăt nai hơ̆ hă gơ gu yơng ta lĕ mơt pơp jêh tơ têh ta hên yơng băh băl kĕ biêp.19Bơ Ma-ri de čih ñăt lĕ mơt pơp hư̆n, ksiêm mĭn mŏng nuih nhăm de.20Jêh hư̆n đơ băl kĕ biêp hên du, nơ nei jêh iên lăh găl Yang Trôk bơ yơng djăp mta pơp jêh hên tŏng jêh iên so, ndrơm klăh di pơp găl jêh têh sơm ta hên.21Jai jêh trôh pham nar no di čhiêt tau ta ŏh nga jêh mhŏ ru, kơt iên năn ŏh nga hư̆n nai năn jêng Yê-su, jêng năn yơng băh nêh myang lăm năn luôr ta ŏh nga dơi rih ñjêng mŏng ndư̆l mei.22Jêh iên jai nar lăm ƀrăh hên di hui si pơp bhiên Mô-ih jêh mhŏ ru, hư̆n hên sak ndơp ŏh nga ta Yê-ru-sa-lem no di myơr ta Yang Trôk23(ndrơm klăh di jêh čih mŏng pơp bhiên Yang Trôk, klăh iêu: “Grăp kuôn tlau luôr bôk nai jrăng ngơp jêng ƀrăh ta Yang Trôk”),24jêh iên ăn myơr pơp mhŏ yang hui si pơp jêh ti lăh mŏng pơp bhiên Yang Trôk di: “bar mlăm sư̆m găm mdăh bar mlăm sư̆m tơp kuôn”.25Jêh iên dlăng tŏ hư̆n, mau ju nau nêh ta Yê-ru-sa-lem năn kăn jêng Si-mê-ôn, kăn ho jêng nêh kpă jêh iên hur har jăng jai kăp găn pơp jôh lih uôn lan I-sra-el, jêh iên Yang Ngăt Găl gŭk băk kăn.26Pơp jêh lăm ƀlang ta kăn yơng băh Yang Ngăt Găl kăn jrăng so dơi so pơp khư̆t luôr ta kăn dơi so Mtao Tŏng Tlĕh Yang Trôk di.27Jêh iên yơng băh Yang Ngăt Găl kăn mư̆t mŏng hih ƀư̆n, mông mei bap ndơp ŏh nga Yê-su trôh no di nai mhŏ hui si pơp mưng jêh kčăh mŏng pơp bhiên ĕh rêng trôh ta ŏh nga hư̆n,28kăn hơk ŏh nga mŏng ti, nơ nei Yang Trôk, jêh iên kăn ngơi:29“Wơ Yang Trôk, mông ho, Yang ăn dư̆k Yang khư̆t mŏng pơp đăp nang trip klăh pơp ngơi Khua Yang di.30Bơ yơng măt ăñ jêh so pơp tŏng tlĕh Khua Yang di,31jêng pơp Khua Yang jêh prăp prê luôr ta măt grăp uôn lan.32Pơp ang ăn pơp lăm ƀlang trôh ta grăp uôn lan ling lač, jêh iên guh ang ta uôn lan I-sra-el Yang di.”33Bap jêh iên mei ŏh nga hên hơ̆ hă ta lĕ mơt pơp kăn ngơi yơng ta ŏh nga hư̆n.34Jêh hư̆n Si-mê-ôn dăn pơp găl jôn ta hên jêh iên ngơi ta Ma-ri, mei ŏh nga: “Dlăng tŏ, ŏh nga ho jêh kčăh ta pơp păk bông mdăh lăm ndŏk ŏk nêh mŏng I-sra-el, jêh iên jêng ƀơn pơp lăm năl no di nai tăm dăng —35gao băh iên, ƀơn pêh đao jrăng srăp blôh ngăt nhuôl e tơm — no di pơp mĭn ndăp mŏng nuông ŏk nuih nhăm dơi lăm ƀlang.”36Ta iên ăt mau u ur têh luôr An-ne, kuôn ur drôh kăn Pha-nu-ên di, ting ju găp pôl A-se. De u rañ ngăn ru, tuôm brêh băk sai pŏh năm ngơp dŏng băh de hôm ur drôh,37jêh hư̆n de gŭk ndrau trôh nar o jêh pham jăt puôn năm, ƀê̆ dăh so tuôm du băh hih ƀư̆n, de mhŏ bruă nar jêh iên măng ta pơp ngăl sa jêh iên kuôl dăn.38Jăng jai mau măt mŏng mông hư̆n, de ngơi pơp lăh găl Yang Trôk, jêh iên ngơi yơng ta ŏh nga ta grăp nau nêh jăng jai kăp găn pơp tŏng tlĕh Yê-ru-sa-lem di.39Jăng jai jêh hên mhŏ lĕ bruă hui si pơp bhiên Yang Trôk di, hên wêh du ta wăl Ga-li-lê, ta uôn ram hên di jêng Na-sa-ret.40Ŏh nga dŏk ta ram jêh iên ñjêng prăl kjăp, dơi mau bêng pơp gư̆t mĭn, jêh iên pơp đač Yang Trôk di gŭk băk ŏh nga hư̆n.41Grăp năm, bap mei Khua Yang sak ta Yê-ru-sa-lem no di ƀư̆n mŏng mar Găn Gao.42Jai Khua Yang mau măt bar năm, hên sak ta iên hui si pơp mưng nai mkra mar.43Jai jêh nar mar jêh lĕ, mông hư̆n hên jai sak truông du hih, kuôn sei Yê-su ăt hôm gŭk ta Yê-ru-sa-lem ya ƀê̆ dăh bap mei Khua Yang so gư̆t ôh.44Ƀê̆ dăh hên tôn lăh Khua Yang gŭk ju băk mŏng pôl sak truông, hư̆n yơh hên du ju nar sak truông, hư̆n kăh dư̆ng juôi Khua Yang mŏng găp pôl jêh iên ŏh mi.45Jêh iên hên juôi so dơi so, hên du hư̆t ta Yê-ru-sa-lem, lŏ wêh tư̆ng juôi Khua Yang.46Bruă ĕh trôh hư̆n jêng pei nar ta kơi, hên so Khua Yang mŏng hih ƀư̆n, jai gŭk mŏng nuông băl khua tơ ti, jai iêt hên jai lup hên.47Grăp nau nêh iêt pơp Khua Yang hên hơ̆ hă gơ gu yơng ta pơp gư̆t mĭn wăt ta pơp wêh lăh Khua Yang di.48Mei bap hơ̆ hă tlŏh nŏh jai jêh so Khua Yang, jêh iên mei Khua Yang ngơi ta Khua Yang: “Wơ kuôn, pơp mhŏ kuôn mhŏ ta mei bap klăh iên? Dlăng ho, bap me jêh iên ăñ rŭng răng ngăn sak tư̆ng juôi me.”49Khua Yang ngơi ta hên: “Pơp mhŏ mei bap juôi ăñ? Mei bap so gư̆t lăh, ăñ jrăng gŭk mŏng hih Bap ăñ?”50Ƀê̆ dăh so hên wơng pơp Khua Yang khơñ ngơi ta hên.51Jêh hư̆n Khua Yang sak băk mei bap, du ta uôn Na-sa-ret, jêh iên gưt dơk hên. Bơ mei Khua Yang čih kăh lĕ bruă hư̆n mŏng nuih nhăm de.52Yang Yê-su ƀrư̆ nar ƀrư̆ mbăč pơp gư̆t mĭn jêh iên ram jua, wăt mŏng pơp geh găl ta măt Yang Trôk jêh iên kuôn nêh.
FAR EAST BROADCASTING COMPANY