Luke17
1Jêh hư̆n Khua Yang ngơi ta băl ƀing kna Yang di: “So dơi so tlĕh băh pơp lăm pơp păk bông ƀă, ƀê̆ dăh knap mñai ta nêh tơm jêng yơng băh kăn, ĕh mau pơp păk bông!2Găl hĭn ta nêh hư̆n ndă di ju mlăm păl mau nai kăt tŏng ko kăn, jêh hư̆n nai čĕ kăn mŏng dak sĭ găl hĭn ăn kăn lăm păk bông ta ju nau mŏng băl ku sei ho.3Ăn răng ta săk tơm! Ndă ju nau mŏng ŏh mi pu me mhŏ tih, ăn ƀuăh mkra nêh hư̆n, jêh iên ndă nêh hư̆n niêl mlih, ăn đač ta kăn.4Khă nêh hư̆n mhŏ tih ta pu me trôh pŏh dơ̆ mŏng ju nar, jêh iên pŏh dơ̆ lŏ wêh ngơi ta pu me: ‘Ăñ niêl mlih,’ hư̆n pu me ăt jrăng đač un ta nêh hư̆n ya!”5Băl ƀing kna ngơi ta Khua Yang: “Dăn mbăč pơp đăo ta băl hi.”6Jêh hư̆n, Khua Yang wêh ngơi: “Ndă pu me mau pơp đăo ndrơm klăh di nggăr pai bi, hư̆n ndă di pu me ngơi ta tơm jhi yau ho klăh iêu: ‘Ăn me đơk mông tŏng tê̆ jêh iên tăm mŏng dak sĭ,’ hư̆n ăt ĕh gưt dơk pu me ya.7Ƀê̆ dăh nêh tơm mŏng pu me mau dư̆k sak kai lŏ mdăh kĕ biêp dŏng băh bri du hih jêh iên ngơi ta pŏng ĕh: ‘Sak gŭk ta jhưng sông sa ho gơñ’?8Mlih ta iên, so lăh geh nêh khua jrăng ngơi ta pŏng ĕh: ‘Ăn dŏng pơp sông sa ta ăñ, jêh iên đuôt yăn nuôi me đru ăñ jăng jai ăñ ñêt sông, ta kơi lĕ mơt bruă hư̆n, hư̆n kăh me dơi sông mơ’ lăh?9Khua hư̆n so ke ngơi pơp lăh găl ta dư̆k hư̆n ôh bơ yơng pŏng knai jêh mhŏ lĕ mơt pơp jêh nai tơ tă, geh ya?10Pu me ăt iên ya, năn mông pu me mhŏ jêh grăp bruă jêh nai jao ta pu me, ăn ngơi klăh iêu: ‘Hi jêng băl dư̆k so năng. Hi lăm jêh lĕ mơt ru pơp ăn hi mhŏ.’”11Bruă ĕh trôh mŏng mông jai sak truông trôh ta Yê-ru-sa-lem, hư̆n Khua Yang găn gao wăl mơñ mŏng mbar Sa-ma-ri ta Ga-li-lê.12Jăng jai Khua Yang mư̆t ju čăm uôn hư̆n, mau măt nau nêh dư̆n lôt sak drông Khua Yang, ƀê̆ dăh hên dŏk băh wăč13jêh iên hên pơk dơk dăn: “Wơ Khua Yang Yê-su, dăn đač un hi ƀă.”14Jai so hên, Khua Yang ngơi ta hên: “Ăn sak lăm ƀlang săk pu me ta băl khua mhŏ yang.” Jêh iên bruă ĕh trôh mŏng mông hên sak, hư̆n hên dơi ngôr.15Jêh hư̆n ju nau nêh mŏng hên hư̆n, jai jêh so klă săk jăn jêh dơi băh, kăn plŏ ta kơi, tĕh dơk nơ nei Yang Trôk.16Kăn čư̆p măt mŏng sô̆ ta jŏng Khua Yang, lăh găl Khua Yang. Kăn hư̆n jêng ju nau nêh Sa-ma-ri.17Hư̆n yơh, mông boh pơp, Yang Yê-su ngơi: “So lăh geh lĕ măt nau jêh dơi ngôr gơ gu ru lăh? Mă băl sư̆n nau u tŭk so?18Pơp mhŏ so mau nêh plŏ ta kơi nơ nei pơp guh ang ta Yang Trôk čuôm gu ju nau nêh uôn lan ta ling ho?”19Jêh hư̆n khua Yang ngơi ta kăn: “Ăn dŏk tŏng tê̆, jêh iên sak. Pơp đăo me jêh lăm băh me.”20Jai băl Pha-ri-si lup năn mông uôn Yang Trôk di jrăng trôh, Khua Yang têh ta hên, jêh iên ngơi: “Uôn Yang Trôk so trôh ta pơp dơi so ta măt ôh.21So mau nêh lŏ nă ngơi: ‘Dlăng ho, ta o!’ mdăh ‘Ta tŏ!’ Bơ yơng, ăn dlăng nư̆k, uôn Yang Trôk gŭk mŏng nuih nhăm pu me.”22Jêh hư̆n Khua Yang ngơi ta băl ƀing kna: “Jrăng mau ju nar hư̆n jêng pơp pu me khơñ so ju nar mŏng lĕ mơt nar Kuôn Nêh di, ƀê̆ dăh so pu me dơi so.23Jêh iên nai jrăng ngơi ta pu me: ‘Tŏ, ta tŭk tŏ!’ mdăh: ‘Ho, ta tŭk ho!’ Ei ru sak, ăt ei ru hui gre hên ya,24bơ yơng ndrơm klăh di ƀlĭp lơp ang băh wăl jŏng trôk ho đat ang trôh ta wăl jŏng trôh tŏ, hư̆n Kuôn Nêh ăt jrăng kơt iên ya.25Ƀê̆ dăh pơp trôh luôr hĭn ta Khua Yang jêng tŭ ŏk pơp knap mñai jêh iên nai ndrŏh lat yơng băh nuk ho.26Đô̆ nă bruă trôh mŏng nuk kăn Nô-ê lak, ĕh ăt jrăng kơt iên ya mŏng nuk Kuôn Nêh di.27Nai sông sa, ñêt, tăm sai, tăm gŭk — tăl trôh nar kăn Nô-ê mư̆t mŏng plŭng, jêh hư̆n dak ngăp trôh jêh iên lăm khư̆t lĕ mơt.28Klăh iên ya, ndrơm bruă jêh trôh mŏng nuk kăn Lot — nai sông sa, ñêt, tăč blŏ, suôi tăm, ndŏk hih,29ƀê̆ dăh mŏng nar kăn Lot du băh Sô-đôm, hư̆n mih iñ jêh iên bôk mau iñ lăč băh trôk, jêh iên jhu iñ sa lĕ mơt.30Bruă jrăng trôh klăh iên ya mŏng nar Kuôn Nêh lăm ƀlang.31Mŏng nar hư̆n, nêh tơm gŭk tŏng dôn hih ƀê̆ dăh ngăn drăp kăn hôm mŏng hih, hư̆n man wêh jư̆r no di sŏk ĕh; jêh iên klăh iên ya, nêh tơm gŭk mŏng tač lŏ hư̆n man du hih ju băk lĕ mơt pơp hư̆n ôh.32Ăn wêh kăh wơi ur kăn Lot di.33Nêh tơm juôi truông lăm tlĕh pơp brêh tơm jrăng nga ĕh, ƀê̆ dăh nêh tơm ndrŏh lơi hư̆n jrăng dơi lăm tlĕh ĕh.34Ăñ ngơi ta pu me, mŏng mơ măng hư̆n, jrăng mau bar nau nêh bê̆ ƀơn jhưng. Ju nau nêh nai jrăng sŏk, bơ nêh tŏ nai jrăng lơi.35Jrăng mau bar nau pĕh ba mŏng ju păl. Ju nau nêh nai jrăng sŏk, bơ nêh tŏ nai jrăng lơi.”36[Bar nau nêh gŭk mŏng mir, ju nau nêh nai jrăng sŏk, jêh iên nêh tŏ nai jrăng lơi.]37Jêh iên mông boh dơk, hên ngơi ta Khua Yang: “Wơ Khua Yang, u ta tŭk hư̆n?” Jêh hư̆n Khua Yang têh ta hên: “U ta tŭk mau săk khư̆t, sư̆m grăt ăt jrăng tăm ƀư̆n ta iên.”
FAR EAST BROADCASTING COMPANY