John8
1Mông hư̆n, Yang Yê-su sak čơng yôk Ô-liu.2Ƀê̆ dăh trôh ôi măng, Khua Yang wêh sak trôh hih ƀư̆n, jêh iên grăp nau nêh sak tŏng tuôm ta Khua Yang.3Mông hư̆n, băl tơ ti pơp bhiên jêh iên băl Pha-ri-si sak ndơp ju nau u ur nai mau ñư̆p jai mhŏ tih dŏng tư̆r, jêh hư̆n hên ăn de gŭk trip mŏng mbar.4Bơ yơng lông Khua Yang, hư̆n băl khua mhŏ yang ngơi ta Khua Yang no di hên mau pơp kčŭt tăm dăng ta Khua Yang: “Wơ khua tơ ti, de ho nai mau ñư̆p yơng ta pơp mhŏ tih dŏng tư̆r.5Gao băh iên, mŏng pơp bhiên, Mô-ih tơ tă ru ăn jăng mau đơ băl klăh iêu, bơ nar o, đa lăh me ngơi?”6Ƀê̆ dăh jai jêh gŭk mŏng sô̆, Yang Yê-su čih mŏng teh ta kuôn ti Yang di.7Mŏng mông hư̆n, hên lŏ wêh lup čêk, Khua Yang ngơk măt tŏng tê̆ jêh iên ngơi ta hên: “Nêh tơm mŏng pu me so mau pơp tih, ăn jăng mau tŏng de ho luôr hĭn.”8Jêh hư̆n čư̆p măt mŏng sô̆, Khua Yang wêh čih mŏng tĕh ta kuôn ti Yang di.9Jêh hư̆n, ju nau ju nau mŏng băl Yo Thaĭ hư̆n hên du, dŏng băh băl ram năm hĭn, tăl lĕ mơt dŏng hên du gơ gu, jêh iên hôm gu ju nau Khua Yang mŏng iên wăt ta de u ur jai gŭk mŏng mbar nuông.10Jêh hư̆n, jai ngơk măt tŏng tê̆, Yang Yê-su ngơi ta de u ur hư̆n: “U tŭk hên dơh? So mau nêh phat dôih e lăh?”11Jêh hư̆n de ngơi: “So hôm mau nêh, wơ Khua Yang.” Jêh hư̆n Yang Yê-su ngơi: “Ăñ ăt so phat dôih e ya. E du yơh, băh nar o ei ru hôm mhŏ tih.”]12Jêh hư̆n, Yang Yê-su wêh ngơi ta hên klăh iêu: “Ăñ jêng pơp ang ta dôn teh, nêh tơm gre ăñ ngĭn ngăn jrăng so sak mŏng tŭk ngo măng, ƀê̆ dăh mau pơp ang pơp brêh di.”13Ta kơi hư̆n, băl Pha-ri-si ngơi ta Khua Yang: “Me čŏng lăm nư̆k ta me tơm pơp lăm nư̆k me di jêng so năng tip.”14Yang Yê-su boh pơp jêh iên Khua Yang ngơi ta hên: “Wăt di lăh ăñ čŏng lăm nư̆k ta ăñ tơm, hư̆n pơp lăm nư̆k ăñ ji jêng năng tip ya. Bơ yơng ăñ gư̆t u băh tŭk ăñ trôh jêh iên u ta tŭk ăñ jrăng sak, ƀê̆ dăh pu me so gư̆t u băh tŭk ăñ trôh mdăh u ta tŭk ăñ jrăng sak.15Pu me phat dôih hui si lŏng săk; Ăñ so phat dôih ju nau nêh nơn.16Ƀê̆ dăh, ndă di ăñ phat dôih, hư̆n pơp phat dôih ăñ ji jêng geh ngĭn ngăn bơ yơng ăñ so gŭk ju nau, ƀê̆ dăh ăñ ju băk Bap, hư̆n jêng Mtao yua ăñ.17Gao băh iên, mŏng pơp bhiên pu me di tuôm čih klăh iêu pơp lăm nư̆k bar nau nêh di jêng năng tip.18Ăñ jêng nêh lăm nư̆k ta ăñ tơm, jêh iên Bap, jêng Mtao yua ăñ, lăm nư̆k yơng ta ăñ.”19Hư̆n yơh, hên ngơi ta Khua Yang: “U tŭk Bap me?” Yang Yê-su wêh lăh: “Pu me so gư̆t ăñ, ăt so gư̆t Bap ăñ; ndă di me gư̆t ăñ, hư̆n ăt pu me gư̆t Bap ăñ ya.”20Khua Yang ngơi pơp ho ta tŭk nai ăn prăk myơr, jăng jai tơ ti mŏng hih ƀư̆n, ƀê̆ dăh so mau nêh ñư̆p Khua Yang bơ yơng mông Khua Yang ñăm trôh.21Jêh hư̆n, Khua Yang wêh ngơi ta hên: “Ăñ du, jêh iên pu me jrăng juôi ăñ, jêh hư̆n pu me jrăng khư̆t mŏng pơp tih pu me tơm. Tŭk ăñ sak, pu me so dơi sak trôh.”22Hư̆n yơh băl Yo Thaĭ ngơi: “Năng ai kăn ho jrăng lăm khư̆t săk tơm, bơ yơng kăn ngơi: ‘Tŭk ăñ sak pu me so dơi sak trôh’?”23Jêh iên Khua Yang ngơi ta hên: “Pu me trôh băh teh sô̆, ăñ trôh băh trôk tê̆. Pu me ting ju teh dih ho, ăñ so geh ting ju teh dih ho ôh.24Hư̆n yơh, ăñ ngơi ta pu me klăh iêu pu me jrăng khư̆t mŏng pơp tih pu me tơm. Ndă di pu me so tip klă ăñ yŏng ngăn klăh iên, hư̆n pu me jrăng khư̆t mŏng pơp tih pu me tơm.”25Kơt iên, hên ngơi ta Khua Yang: “Nêh tơm me jêng?” Yang Yê-su ngơi ta hên: “Năn pơp jêh tuôm ăñ ngơi ta pu me dŏng băh mhei bôk.26Ăñ mau ŏk pơp khơñ ngơi jêh iên khơñ phat dôih yơng ta pu me. Khă iên tŭ, Mtao yua ăñ jêng ngĭn ngăn; jêh iên năn pơp ăñ tŏng băh Khua Yang hư̆n ăñ wêh têh lĕ mơt pơp hư̆n ta dôn teh.”27Hên so wơng ôh jăng jai Khua Yang têh sơm Bap ta hên.28Jêh hư̆n, Yang Yê-su ngơi ta hên: “Jăng jai pu me yông Kuôn Nêh tŏng tê̆, mông hư̆n pu me jrăng gư̆t klă ăñ yŏng ngăn klăh iên, jêh iên ăñ so čŏng mhŏ ju nau djăp pơp ôh. Ƀê̆ dăh, ăñ ngơi lĕ mơt pơp ho hui si Bap jêh tơ ti ăñ.29Mtao yua ăñ gŭk băk ăñ; Khua Yang so lơi ăñ ju nau, bơ yơng ăñ krĕh mhŏ bruă geh ta nuih nhăm Khua Yang.”30Jăng jai Khua Yang tơ ti pơp hư̆n, ŏk nêh mau nuih nhăm đăo ta Khua Yang.31Jêh hư̆n Yang Yê-su ngơi ta băl Yo Thaĭ jêh đăo ta Khua Yang: “Ndă pu me gŭk kjăp mŏng pơp ăñ ngơi, hư̆n pu me ngĭn ngăn jêng ƀing kna ăñ;32pu me jrăng gư̆t pơp ngĭn ngăn, jêh iên pơp ngĭn ngăn jrăng lăm tlĕh pu me.”33Hên boh pơp Khua Yang: “Hi jêng kuôn so A-bra-ham jêh iên ñăm tuôm mhŏ dư̆k ta nau nêh; pơp mhŏ me ngơi klăh iêu: ‘Pu me jrăng mau pơp êngiê’?”34Yang Yê-su wêh ngơi ta hên: “Ngĭn ngăn, ngĭn ngăn, ăñ ngơi ta pu me, klăh iêu nêh tơm mhŏ tih jêng dư̆k ta pơp tih.35Gao băh iên, dư̆k so dơi gŭk hui hai mŏng hih, ƀê̆ dăh Kuôn gŭk hui hai.36Kơt iên, ndă Kuôn lăm tlĕh pu me, hư̆n pu me jrăng dơi mau pơp êngiê ngĭn ngăn.37Ăñ gư̆t ru pu me jêng kuôn so A-bra-ham, ƀê̆ dăh pu me juôi truông lăm khư̆t ăñ bơ yơng pơp ngơi ăñ so mau tŭk mŏng pu me.38Ăñ ngơi năn pơp ăñ jêh so mŏng Bap; bơ pu me khăng mhŏ grăp bruă pu me tŏng băh bap pu me.”39Hên boh pơp jêh iên ngơi ta Khua Yang: “Bap hi di jêng A-bra-ham.” Yang Yê-su ngơi ta hên: “Ndă di pu me jêng kuôn so kăn A-bra-ham, ăt pu me jrăng mhŏ grăp bruă kăn A-bra-ham di ya.40Ƀê̆ dăh nar o, pu me lŏ juôi truông lăm khư̆t ăñ, jêng nêh jêh sơm ta pu me pơp ngĭn ngăn, hư̆n jêng pơp ăñ tŏng băh Yang Trôk. A-bra-ham so tuôm mhŏ pơp klăh iên.41Pu me mhŏ grăp bruă bap pu me di.” Hư̆n yơh, hên tŏng nhan ta Khua Yang: “Nai lai săk hi so mau yơng băh pơp dŏng tư̆r ôh, hi mau ju nau Bap, hư̆n jêng Yang Trôk.”42Yang Yê-su ngơi ta hên: “Ndă Yang Trôk jêng Bap pu me di, hư̆n ăt pu me khăp ta ăñ ya, bơ yơng ăñ trôh băh Yang Trôk, jêh iên mau măt ta o, yơng ăñ so čŏng sak, ƀê̆ dăh Khua Yang tơm yua ăñ sak.43Pơp mhŏ so pu me wơng pơp tŏng ngơi ăñ ji ho? Hư̆n jêng yơng băh pu me so dơi wơng pơp ăñ.44Pu me gŭk mŏng bap pu me, hư̆n jêng yang djŏh, jêh iên pu me khơñ mhŏ hui si pơp he khơñ bap pu me di. Dŏng băh mhei lak kăn jêng băl lăm khư̆t nêh jêh iên so gŭk kjăp mŏng pơp ngĭn ngăn, bơ yơng so mau pơp ngĭn ngăn mŏng kăn. Jăng jai kăn ngơi pơp huôk jăr, hư̆n jêng kăn ngơi hui si knuih kăn tơm bơ yơng kăn jêng băl ngơi huôk jêh iên jêng bap ta pơp ngơi huôk.45Ƀê̆ dăh bơ yơng ăñ ngơi ngơ ngăn, hư̆n so pu me tip ăñ.46Nêh tơm mŏng pu me dơi sơm ăñ mau pơp tih? Ndă ăñ ngơi pơp ngơ ngăn, pơp mhŏ so pu me tip ăñ?47Nêh tơm gŭk ting ju Yang Trôk nêh hư̆n iêt pơp Yang Trôk; bơ yơng pơp hư̆n pu me so iêt yơng băh pu me so gŭk ting ju Yang Trôk.”48Băl Yo Thaĭ boh pơp jêh iên ngơi ta Khua Yang: “So lăh geh hi ngơi lăh, yơng me jêng nêh Sa-ma-ri jêh iên yang djŏh mư̆t?”49Yang Yê-su ngơi: “Ăñ so mau yang djŏh mư̆t, ƀê̆ dăh, ăñ nơ nei Bap ăñ, bơ pu me lŏ mưč ăñ.50Gao băh iên, so ăñ tư̆ng juôi pơp guh ang ta ăñ tơm, mau ƀơn Mtao tư̆ng juôi jêh iên phat dôih.51Ngĭn ngăn, ngĭn ngăn, ăñ ngơi ta pu me, ndă nêh tơm ñôt kjăp pơp ngơi ăñ, nư̆k ngăn yơh nêh hư̆n jrăng so hôm so pơp khư̆t tăl trôh hui hai.”52Băl Yo Thaĭ ngơi ta Khua Yang: “Mông ho hi gư̆t klă ru me jêh yang djŏh mư̆t. Kăn A-bra-ham wăt băl têh luôr jêh khư̆t, ƀê̆ dăh me ngơi: ‘Ndă nêh tơm ñôt kjăp pơp ngơi ăñ, nư̆k ngăn yơh nêh hư̆n jrăng so găn pơp khư̆t tăl trôh hui hai.’53Ndă iên me jêng ram hĭn ta pang yo A-bra-ham hi di, jêng ju nau nêh jêh khư̆t lăh? Đơ băl têh luôr ăt jêh khư̆t ya. Me mĭn me jêng nêh tơm?”54Yang Yê-su ngơi: “Ndă ăñ čŏng nơ nei ăñ tơm, hư̆n pơp guh ang ăñ ji jêng dăh dan; Bap ăñ jêng Mtao tơm nơ nei ăñ, ƀê̆ dăh pu me wêh ngơp Mtao hư̆n klă Khua Yang jêng Yang Trôk pu me di.55Pu me so tuôm gư̆t Khua Yang, ƀê̆ dăh ăñ gư̆t Khua Yang. Jêh iên ndă ăñ ngơi klăh iêu: ‘So Ăñ gư̆t Khua Yang,’ hư̆n ăñ jêng nêh ngơi huôk klăh pu me ya. Ƀê̆ dăh, ăñ gư̆t Khua Yang jêh iên ñôt kjăp pơp ngơi Khua Yang.56A-bra-ham, Pang yo pu me čhô̆ brơn no di dơi so nar ăñ ji, kăn dơi so ru jêh iên čhô̆ brơn.”57Hư̆n jêng băl Yo Thaĭ ngơi ta Khua Yang: “Me năm trôh prăm jăt năm, ƀê̆ dăh me dơi so A-bra-ham lăh?”58Yang Yê-su ngơi ta hên: “Ngĭn ngăn, ngĭn ngăn, ăñ ngơi ta pu me, luôr ta mau kăn A-bra-ham, ăñ KHĂNG MAU.”59Hư̆n yơh, hên dôñ bôk mau no di jăng tŏng Khua Yang, ƀê̆ dăh Yang Yê-su diêr băh iên jêh hư̆n du băh hih ƀư̆n.
FAR EAST BROADCASTING COMPANY