John17
1Jêh Yang Yê-su ngơi lĕ pơp hư̆n jêh hư̆n ngơk măt tŏng trôk, Khua Yang ngơi: “Wơ Bap, mông jêh trôh, dăn lăm guh ang Kuôn Bap di, no di Kuôn dơi lăm guh ang Bap,2bơ yơng Bap jao ru ta Kuôn pơp dơi ta lĕ mơt pơp păm brêh, no di nêh tơm jêh Bap jao ta Kuôn, hư̆n Kuôn jrăng ăn ta băl hư̆n pơp brêh hui hai.3Bơ ho jêng pơp brêh hui hai, no di lĕ mơt băl hư̆n gư̆t năl Bap, Yang Trôk ngĭn ngăn čuôm gu ƀơn, jêh iên Yang Tŏng Tlĕh Yê-su, jêng Mtao Bap yua sak trôh.4Kuôn jêh lăm guh ang Bap mŏng dôn teh, lăm jêh lĕ bruă jêh Bap jao ta Kuôn no di Kuôn mhŏ.5Wơ Bap, nar o dăn Bap lăm guh ang Kuôn ta măt Bap ta pơp guh ang hư̆n jêng Kuôn krĕh mau ju băk Bap luôr ta mau dôn teh.6Kuôn lăm ƀlang ru năn Bap ta lĕ mơt nêh jêh Bap jao ta Kuôn mŏng dôn teh. Hên jêng nêh Bap di, Bap jao hên ta Kuôn, jêh iên hên ñôt gưt pơp ngơi Bap.7Nar o, hên jêh gư̆t klă lĕ mơt bruă jêh Bap jao ta Kuôn jêng băh Bap,8bơ yơng jêh Kuôn ăn ta hên lĕ mơt pơp jêh Bap ăn ta Kuôn, hên sŏk lĕ pơp ngơi hư̆n jêh iên hên gư̆t nư̆k ru Kuôn trôh băh Bap, jêh iên hên đăo nư̆k Bap yơh yua Kuôn sak.9Kuôn dăn un ta hên. So Kuôn dăn un ta dôn teh, ƀê̆ dăh ăn ta nêh tơm jêh Bap jao ta Kuôn, bơ yơng hên jêng nêh Bap di.10Lĕ mơt pơp Kuôn di jêng pơp Bap; klăh di pơp Bap di jêng pơp Kuôn, jêh iên Kuôn mau pơp guh ang mŏng mbar hên.11So hôm Kuôn gŭk mŏng dôn teh ôh, ƀê̆ dăh hên gŭk mŏng dôn teh, bơ Kuôn du ta Bap. Wơ Bap Ƀrăh Ngôr, dăn guôm čăng hên mŏng năn Bap jêng năn Bap jêh ăn ta Kuôn, no di hên dơi ñjêng ƀơn, klăh di Băn ya.12Jăng jai hôm Kuôn gŭk băk hên, Kuôn guôm čăng hên mŏng năn Bap jêng năn Bap jêh ăn ta Kuôn. Kuôn năk iêl hên hư̆n yơh so mau ju nau nêh mŏng hên dơi nga, băh gu ju nau kuôn jêh kčăh ta pơp rai lêk, no di pơp ngơi Ră Ƀrăh dơi ñjêng nư̆k.13Ƀê̆ dăh nar o, Kuôn du ta Bap, jêh iên Kuôn ngơi lĕ pơp ho mŏng dôn teh no di hên mau pơp čhô̆ brơn Kuôn di dơi ñjêng nư̆m nơn mŏng hên.14Kuôn jêh ăn pơp Bap ngơi ta hên, jêh iên dôn teh hao nuih ta hên bơ yơng hên so gŭk ting ju dôn teh, ndrơm klăh di Kuôn so gŭk ting ju dôn teh.15So Kuôn dăn no di Bap sŏk lat hên băh dôn teh, ƀê̆ dăh ăn Bap guôm čăng hên băh băl djŏh ƀai.16Hên so gŭk ting ju dôn teh, ndrơm klăh di Kuôn so gŭk ting ju dôn teh.17Dăn Bap lăm ƀrăh ngôr hên ta pơp ngĭn ngăn; pơp ngơi Bap jêng ngĭn ngăn.18Đô̆ nă Bap yua Kuôn sak trôh mŏng dôn teh, ăt Kuôn jrăng yua hên mŏng dôn teh kơt iên ya.19Yơng băh hên Kuôn čŏng lăm ƀrăh ngôr, no di hên tơm ăt ñjêng ƀrăh ngôr mŏng pơp ngĭn ngăn ya.20Ƀê̆ dăh so mau băh gu Kuôn dăn ta băl ho ôh, ƀê̆ dăh ăn ta nêh tơm đăo ta Kuôn yơng băh pơp ngơi hên di ya,21no di lĕ mơt hên ñjêng ƀơn, klăh di Bap mŏng Kuôn jêh iên Kuôn mŏng Bap, no di hên ăt dơi gŭk mŏng Băn ya, no di dôn teh gư̆t nư̆k Bap jêh yua Kuôn trôh.22Pơp guh ang jêh Bap ăn ta Kuôn, hư̆n ăt jêh Kuôn ăn ta hên ya, no di hên dơi jêng ƀơn, klăh di Băn jêng ƀơn.23Kuôn gŭk mŏng hên, jêh iên Bap gŭk mŏng Kuôn no di hên dơi nư̆m nơn ñjêng ƀơn, ăn dôn teh gư̆t nư̆k Bap yua Kuôn trôh, jêh iên Bap jêh khăp khơñ hên klăh di Bap jêh khăp khơñ Kuôn.24Wơ Bap, nêh tơm jêh Bap jao ta Kuôn, Kuôn khơñ ngăn u ta tŭk Kuôn gŭk hư̆n hên ăt gŭk ta iên băk Kuôn no di hên so pơp guh ang Kuôn di, jêng pơp guh ang jêh Bap ăn ta Kuôn, bơ yơng Bap khăp khơñ Kuôn luôr ta rih ñjêng trôk teh.25Wơ Bap Geh Tŏng, wăt di lăh dôn teh so gư̆t năl Bap, ƀê̆ dăh Kuôn gư̆t Bap; jêh iên đơ băl ho gư̆t nư̆k Bap jêh yua Kuôn trôh.26Kuôn jêh lăm ƀlang năn Bap ta hên, jêh iên Kuôn jrăng wêh lăm ƀlang ya, no di pơp khăp jêh Bap ăn ta Kuôn ĕh gŭk mŏng hên, jêh iên Kuôn ăt gŭk mŏng hên ya.”
FAR EAST BROADCASTING COMPANY