John15
1“Ăñ jêng tơm ño ngăn, jêh iên Bap ăñ jêng nêh tăm ño.2Năn mbăh dhan mŏng ăñ so mau ple, hư̆n Khua Yang ndăč lat ĕh; jêh iên năn dhan ĕh mau ple, Khua Yang čhiêt mkra mbăh dhan hư̆n no di ĕh mau ple ŏk hĭn.3Pu me jêh dơi ƀrăh ru mơn băh pơp jêh ăñ tơ ti lăh ta pu me.4Ăn gŭk kjăp mŏng ăñ, jêh iên ăñ gŭk mŏng pu me. Đô̆ nă dhan ño so dơi ĕh čŏng mau ple ndă so ĕh gŭk mŏng tơm ño, hư̆n ăt kơt iên ya, so dơi pu me čŏng mau ple ndă so pu me gŭk kjăp mŏng ăñ.5Ăñ jêng tơm ño, pu me jêng mbăh. Nêh tơm gŭk kjăp mŏng ăñ, jêh iên ăñ gŭk mŏng nêh hư̆n, nêh hư̆n mau ŏk ple, ndă di yĕh băh ăñ, pu me so dơi mhŏ ju mta pơp ôh.6Ndă nêh tơm so gŭk kjăp mŏng ăñ, nêh hư̆n nai jrăng čĕ ta ling klăh di mbăh jêh ro, nai tŏng ƀư̆n ĕh ju tŭk jêh iên čĕ mŏng iñ, jêh hư̆n iñ jrăng sa lĕ mơt.7Ndă pu me gŭk kjăp mŏng ăñ, jêh iên pơp ngơi ăñ ĕh gŭk răn ƀăn mŏng pu me, ăn dăn năn pơp pu me khơñ, pơp hư̆n dơi ĕh ñjêng ta pu me.8Bap ăñ dơi mau pơp nơ nei mŏng pơp ho, hư̆n jêng pu me mau ŏk ple jêh iên pu me ñjêng ƀing kna ăñ ji.9Bap khăp khơñ ta ăñ đô̆ nă, ăñ ăt khăp khơñ ta pu me kơt iên ya. Ăn gŭk kjăp mŏng pơp khăp ăñ ji.10Ndă pu me ñôt kjăp pơp bhiên ăñ ji, hư̆n pu me jrăng gŭk kjăp mŏng pơp khăp ăñ, klăh di ăñ ñôt kjăp pơp bhiên Bap di jêh iên gŭk kjăp mŏng pơp khăp Khua Yang.11Jêh ăñ ngơi luôr ru pơp ho ta pu me, no di pơp čhô̆ brơn ăñ ji ĕh gŭk mŏng pu me, jêh iên pơp čhô̆ brơn pu me dơi ñjêng nư̆m nơn.12Ho jêng pơp bhiên ăñ ji, hư̆n jêng ăn pu me tŏng khăp ndăng tơm klăh di ăñ jêh khăp pu me.13So mau nêh mau pơp khăp ram hĭn klăh iêu — hư̆n jêng ju nau nêh săn pơp brêh kăn mlih ta băl găp mi kăn di.14Pu me jêng găp mi ăñ ji ndă pu me mhŏ hui grăp pơp ăñ tơ tă ta pu me.15Ăñ so ngơp pu me jêng dư̆k ôh, bơ yơng băl dư̆k so dơi gư̆t bruă khua kăn mhŏ. Ƀê̆ dăh jêh ăñ ngơp pu me jêng găp mi, bơ yơng grăp bruă jêh ăñ tŏng băh Bap ăñ ji, ăt ăñ nôh ƀlang ăn pu me gư̆t ya.16So geh pu me ôh săč ruăh ăñ, ƀê̆ dăh ăñ săč ruăh pu me jêh iên jao bruă ta pu me, no di pu me sak, mau ple, jêh iên ple pu me di dơi hôm, no di lĕ mơt pơp pu me sŏk năn ăñ kuôl dăn ta Bap, hư̆n Khua Yang jrăng ăn ta pu me.17Ăñ tơ ti ta pu me lĕ mơt pơp ho no di pu me tŏng khăp ndăng găp.18Ndă dôn teh hao nuih ta pu me, hư̆n ăn gư̆t nư̆k dôn teh jêh hao nuih ta ăñ luôr ta pu me.19Ndă pu me gŭk ting ju dôn teh, hư̆n dôn teh jrăng khăp ta nêh gŭk ting ju ĕh. Ƀê̆ dăh bơ yơng pu me so gŭk ting ju dôn teh, gao băh iên, ăñ jêh săč ruăh pu me băh mŏng mbar dôn teh, hư̆n yơh dôn teh hao nuih ta pu me.20Ăn kăh wơi pơp jêh ăñ ngơi ta pu me: ‘Nêh dư̆k so ram hĭn ta khua kăn.’ Ndă hên mhŏ ƀai ta ăñ, ăt hên jrăng mhŏ ƀai ta pu me; ndă hên ñôt gưt pơp ăñ, ăt hên jrăng ñôt gưt pơp pu me.21Ƀê̆ dăh yơng băh năn ăñ, hên jrăng mhŏ lĕ mơt bruă hư̆n ta pu me, bơ yơng hên so gư̆t năl Mtao yua ăñ.22Ndă so ăñ sak jêh iên tơ ti lăh ta hên, hư̆n hên so mau tih, ƀê̆ dăh nar o, so dơi hên mau truông no di hên plăč ta pơp tih hên di ôh.23Nêh tơm hao nuih ta ăñ ăt hao nuih ta Bap ăñ ya.24Ndă so ăñ mhŏ mŏng mbar hên grăp bruă so mau nêh dơ dêh dơi mhŏ, hư̆n hên so mau tih, ƀê̆ dăh nar o jêh hên so lĕ mơt ru lŏ wêh hao nuih ta ăñ wăt Bap ăñ ya.25Ƀê̆ dăh, pơp hư̆n no di dơi lăm nư̆k pơp jêh čih mŏng ră pơp bhiên hên klăh iêu: ‘Hên hao nuih li ta ăñ.’26Mông Mtao Jôh Lih trôh, hư̆n jêng Mtao trôh băh Bap jêng Mtao ăñ yua trôh ta pu me — jêng Yang Pơp Ngĭn Ngăn ĕh lôh băh Bap — Khua Yang jrăng têh sơm yơng ta ăñ.27Jêh iên pu me ăt têh sơm klăh iên ya, bơ yơng pu me gŭk băk ăñ dŏng băh mhei bôk.”
FAR EAST BROADCASTING COMPANY