James5
1Bơ mông ho, ăn dlăng nư̆k ho, đơ băl ndrŏng săh, ăn ôr ñim jêh iên mbriêu tĕh bơ yơng pơp knap mñai pu me jai trôh.2Ngăn drăp pu me ôm lêk lĕ ru, bơ čhum ao pu me ĕh ñjêng pơp sa ta te rĕh.3Măh jêh iên ƀak pu me lĕ briñ jiê̆ jêh iên pơp ôm lêk ĕh jrăng jêng pơp lăm nư̆k tăm dăng ta pu me, jêh iên ĕh jrăng sa luôn lŏng săk pu me klăh di iñ. Pu me jêh ñăt thêm ngăn drăp pu me mŏng grăp nar tôč dư̆t.4Dlăng tŏ hư̆n, prăk khôm băl mhŏ bruă mưn, hư̆n jêng lĕ mơt băl riêk ba mŏng grăp tač lŏ pu me di, prăk hư̆n hôm ĕh gŭk mŏng kdô pu me, ĕh jai ôr mbriêu tĕh ngăn, wăt ta dơk ñim biêk băl riêk ba hư̆n jêh trôh ta tôr Yang Trôk băl pôl ka han.5Pu me gŭk brêh tui si khơñ jêh iên pliă plia mŏng dôn teh. Pu me lăm mă mŭng nuih nhăm pu me ta nar mhŏ čĭ.6Pu me kčăh tih jêh iên lăm khư̆t nêh geh găl, nêh hư̆n so tăm dăng ta pu me.7Kơt iên, wơ ŏh mi, ăn gir ăt tăl trôh nar Khua Yang trôh. Dlăng tŏ hư̆n, nêh mhŏ mir kăr kăp găn ple kao yuôm bhăn băh teh, gir ăt kăp găn ple kao hư̆n tăl trôh mông teh dih dơi dơn mih bôk yăn jêh iên tôč yăn.8Ăn ŏh mi gir ăt klăh iên ya. Ăn lăm kjăp nuih nhăm ŏh mi bơ yơng pơp trôh Yang di jêh mơñ ru.9Wơ ŏh mi, ei ru ƀuăh ñjăm tăm dăng ndăng găp, no di ơn ŏh mi tŭ pơp phat dôih. Tŏ hư̆n, Mtao Phat Dôih jai dŏk ta ƀăng hih.10Wơ ŏh mi, ăn mhŏ hui yơng ta pơp tŭ knap jêh iên gir ăt grăp băl têh luôr, lĕ mơt nêh sŏk năn Khua Yang tơ ti lăh.11Dlăng ho, băl băn ngơp lĕ mơt nêh kjăp pơp mĭn jêng mau pơp găl jôn. Ŏh mi tuôm tŏng ru pơp gir ăt kăn Yop di, jêh iên ŏh mi jêh so pơp khơñ Yang Trôk di, bơ yơng Khua Yang ndrŏng nuih nhăm tlŏng đač jêh iên băn dhư̆.12Ƀê̆ dăh, luôr hĭn, wơ ŏh mi ăñ ji, ei ru kăt săk, ei ru tơ to trôk mdăh tơ to teh mdăh djăp mta pơp kăt săk dơ dêh. Ƀê̆ dăh, “mau” ăn ngơi mau, jêh iên “so mau” ăn ngơi “so mau”, no di ơn ĕh lăč ŏh mi mŏng pơp phat dôih.13Mŏng ŏh mi mau mơh nêh jai tŭ pơp knap? Ăn nêh hư̆n kuôl dăn. Mau ya nêh čhô̆ brơn? Ăn nêh hư̆n muñ nơ nei.14Mau ya nêh mŏng ŏh mi tŭ pơp kuôp ji? Ăn nêh hư̆n ndơm băl khua u rañ mŏng pôl ƀrăh trôh jêh iên mŏng năn Khua Yang, ăn hên kuôl dăn un ta nêh hư̆n, truôč dak ndriêng ta kăn.15Pơp kuôl dăn mŏng pơp đăo jrăng đru dŏng nêh kuôp ji jêh iên Yang Trôk jrăng têk nêh hư̆n dŏk. Ndă nêh hư̆n mhŏ pơp tih, nêh hư̆n jrăng dơn pơp ndrŏh tih.16Kơt iên, ăn tŏng sơm pơp tih ndăng găp jêh iên kuôl dăn ndăng găp no di ŏh mi dơi băh pơp kuôp ji. Pơp kuôl dăn băh nêh geh tŏng mau pơp myang jêh iên mau pơp dơi.17Kăn Ê-li jêng ju nau nêh klăh di băl băn, jêh iên kăn kuôl dăn lĕ nuih nhăm kăn dăn ei ru ăn mau mih, hư̆n trôk so mau mih mŏng čar pei năm pro khe.18Jêh hư̆n kăn wêh kuôl dăn, hư̆n kăh trôk mau mih, jêh iên teh dih mau băt ja.19Wơ ŏh mi ăñ ji, ndă mau nêh mŏng ŏh mi du wăč băh pơp ngĭn ngăn, jêh iên mau nêh lăm ndơp nêh hư̆n du kơi,20hư̆n ăn gư̆t klăh iêu nêh tơm dơi mlih băl mau pơp tih du băh truông suô̆ nga hên di, nêh hư̆n dơi lăm tlĕh ngăt nhuôl pŏng hên băh pơp khư̆t, jêh iên lăm ndăp ŏk mŏk pơp tih djŏh.
FAR EAST BROADCASTING COMPANY