Hebrews8
1Kơt iên, pơp yuôm bhăn čiêng ngơi mŏng pơp ho jêng klăh iêu: Băn mau ju nau khua mhŏ yang ram klăh iên, jêng Mtao jai gŭk đăh ma jhưng mtao Mtao Kdrăm Ka ăh tŏng grăp tal trôk,2ju nau nêh dư̆k mŏng tŭk ƀrăh ngôr jêh iên tư̆m dhiêm ngơ ngăn yơng băh Yang Trôk tơm lăm ndŏk, so geh kuôn nêh ôh.3Bơ yơng grăp nau băl khua mhŏ yang ram nai jao no di hên myơr lĕ pơp myơr wăt pơp mhŏ yang, yơng hư̆n yơh, Mtao hư̆n ăt mau ju mta pơp ya no di myơr ta jhưng mhŏ yang.4Kơt iên, ndă di Khua Yang hôm mŏng dôn teh, ngĭn ngăn yơh Khua Yang so mhŏ khua mhŏ yang ram ôh, bơ yơng jêh mau nêh myơr pơp mhŏ yang hui si pơp bhiên ru;5hư̆n jêng băl mhŏ bruă hui si kdrăp jêh iên rup băh lĕ mơt pơp tŏng trôk, klăh di Mô-ih jêh tuôm nai tơ tă jai mơñ kăn lăm jêh tư̆m dhiêm, bơ yơng Yang Trôk ngơi: “Ăn răng, me jrăng mhŏ djăp pơp hui si rup jêh nôh ƀlang ru ta me tŏng dôn yôk.”6Ƀê̆ dăh nar o, jêh Khua Yang sŏk dơn ju mta bruă ram hĭn dŏng ŏk, Khua Yang ăt jrăng ñjêng Mtao bi la ta pơp tăm guôp găl hĭn dŏng iên ya, hư̆n jêng pơp tăm guôp jêh nai dơn ru knang tŏng grăp pơp ƀuôn găl hĭn.7Ndă di pơp tăm guôp tal muôi hư̆n so mau ju mta pơp bhơi, ƀăh jai mŏng pơp tăm guôp tal bar ho so hôm mau nơn.8Bơ yơng jăng jai ƀuăh ñjăm băl uôn lan, Yang Trôk ngơi:“Ăn dlăng ho, mông nar hư̆n jai trôh, Yang Trôk ngơi:Ta kơi ho ăñ jrăng mkra pơp tăm guôp mheita băl I-sra-el jêh iên ta băl Yu-đa;9so hôm knang hui si pơp tăm guôphư̆n jêng pơp ăñ mkra ta băl pang yo hênmŏng nar ăñ kŏng ti hênno di têk lăm hên du băh čar Ê-jip,bơ yơng so hên khơñ gŭk mŏng pơp tăm guôp ăñ ji,ăñ ndrŏh lat hên,Yang Trôk ngơi.10Bơ yơng ho jêng pơp tăm guôp Ăñ mkra ta băl I-sra-el ta kơi lĕ mơt nar hư̆n,Yang Trôk ngơi,jai Ăñ ăn pơp bhiên Ăñ mŏng bôk dlo hên,Ăñ jrăng wêh čih ĕh mŏng nuih nhăm hên ya,jêh iên Ăñ jrăng ñjêng Yang Trôk ta hên,jêh iên hên jrăng ñjêng ju uôn lan thêm ta Ăñ.11Ngĭn ngăn so hên jrăng tơ ti băl uôn lan hênwăt băl ŏh mi hên di, klăh iêu: ‘Ăn gư̆t năl Yang Trôk,’bơ yơng lĕ mơt dŏng hên jrăng gư̆t năl Ăñ,dŏng băh băl kuôn nê̆ ngăn mŏng hên trôh ta nêh ram.12Bơ yơng Ăñ jrăng băn dhư̆ yơng ta grăp bruă so kpă hên mhŏ,jêh iên ngĭn ngăn so hôm Ăñ lŏ wêh kăh wơi ta pơp tih hên ya.”13Bơ yơng bruă ngơi jêng “mhei”, hư̆n Khua Yang ngơp pơp tăm guôp tal muôi ñjêng pơp yau, năn pơp jêh ĕh ñjêng yau jêh iên jêng djơ̆h rơh klăh di pơp jêh nga rai ru.
FAR EAST BROADCASTING COMPANY