Hebrews3
1Kơt iên, wơ ŏh mi ƀrăh ngôr, jêng băl gŭk mŏng pơp kuôl ndơm băh trôk, ăn dlăng nư̆k ta Nêh Bi La jêh iên Khua Mhŏ Yang Ram pơp têh sơm băn di, hư̆n jêng Yang Yê-su,2jai sĭt suôr ta Mtao jêh kčăh Khua Yang, ndrơm klăh di kăn Mô-ih mŏng hih Yang Trôk ya.3Bơ yơng Mtao ho jêng nêh năng ta pơp guh ang ram hĭn kăn Mô-ih, ndrơm klăh di nêh mhŏ hih nai mpŭ ŏk hĭn ya ta hih kăn mhŏ hư̆n.4Bơ yơng grăp mlăm hih yơng băh plang ti nêh lăm ndŏk, ƀê̆ dăh Yang Trôk jêng Mtao rih ñjêng djăp pơp no.5Kăn Mô-ih ñjêng nêh sĭt suôr klăh di nêh dư̆k mŏng lĕ mơt hih Yang Trôk, no di ĕh ñjêng klăh di pơp têh sơm nư̆k hư̆n jêng grăp pơp nai jrăng tŏng ngơi ta nar ta kơi;6ƀê̆ dăh Yang Tŏng Tlĕh, klăh di ju nau Nêh Kuôn mŏng hih Yang Trôk (băn jêng hih Yang di ndă băn ñôt kjăp pơp đăo mŏng nuih nhăm jêh iên klăh di pơp nôh ƀlang yơng ta pơp čang mơn băn di).7Hư̆n yơh, geh trĭp klăh di pơp Yang Ngăt Găl ngơi:“Nar o, ndă băl kuôn iêt dơk Khua Yang,8hư̆n ei ru băl kuôn mhŏ dăng nuih klăh di mông tăm dăng lak,mŏng lĕ mơt mông nar găn gao pơp lông dlăng mŏng tač ndrăñ9hư̆n jêng tŭk pang yo pu me tăm dăng ta ăñ mŏng pơp hên lông dlăng ăñ, jêh hư̆n hên so lĕ mơt bruă Ăñ mhŏ10mŏng puôn jăt năm. Hư̆n yơh, ăñ hao nuih ngăn ta băl mŏng nuk hư̆n,jêh iên Ăñ ngơi: ‘Băl ĕh sak hui hai mŏng truông suô̆ băh nuih nhăm tŏ,ƀê̆ dăh so tuôm băl ĕh gư̆t ôh truông ƀăng Ăñ ji.’11Klăh di Ăñ kăt săk mŏng pơp hao nuih ăñ ji:‘… Băl ĕh so dơi mư̆t mŏng pơp mdei Ăñ ji ôh!’”12Wơ ŏh mi, ăn răng yơh, ơn nuih nhăm so đăo djŏh ƀai ĕh jrăng lôh băh ju nau nêh mŏng mbar ŏh mi, hư̆n jêng nêh ndrŏh wăč băh Yang Trôk khăng brêh.13Ƀê̆ dăh, ăn tŏng čhôl trôt ndăng găp ta grăp nar, tăl trôh mông hôm nai jrăng năn jêng “nar o” no di so mau ju nau nêh mŏng ŏh mi ĕh ñjêng krăk dăng yơng băh pơp mblơm băh pơp tih.14Bơ yơng băl băn jêh ñjêng nêh mhŏ bruă băk Yang Tŏng Tlĕh, khă bi băn ñôt kjăp pơp đăo băn di băh mhei tăl trôh tôč dư̆t,15klăh di pơp jêh nai têh sơm ru:“Nar o, ndă băl kuôn tŏng dơk Khua Yang,nuih nhăm băl kuôn ei ru mhŏ krăk dăng klăh di mông tăm dăng lak.”16Bơ yơng nêh tơm jêh iêt Khua Yang ru ƀê̆ dăh ăt wêh tăm dăng? So mau nêh băh gu lĕ mơt băl jêh du băh čar Ê-jip mơn băh kăn Mô-ih lăh?17Ƀê̆ dăh Khua Yang hao nuih ta nêh tơm mŏng puôn jăt năm? Yŏng ngăn so lăh geh ta băl mhŏ tih, jêng săk khư̆t hên ĕh bông drak mŏng tač ndrăñ lăh?18Jêh iên Khua Yang kăt săk ta nêh tơm jrăng so dơi mư̆t mŏng pơp mdei Yang di, so lăh geh ngơi ta băl so gưt dơk lăh?19Băn so nư̆k ru hên so mau pơp dơi no di mư̆t mŏng iên yơng băh nuih nhăm krăk dăng.
FAR EAST BROADCASTING COMPANY