Hebrews10
1Bơ yơng pơp bhiên — băh gu ĕh mau rup grăp pơp nhăp găl mơñ trôh, so geh rup ngơ ngăn đơ pơp hư̆n di ƀă — so tuôm dơi ĕh lăm nư̆m nơn đơ nêh sak mơñ Yang Trôk ta pơp mhŏ yang ƀă ƀê̆ dăh hên jrăng myơr pơp mhŏ yang grăp năm.2Ndă di dơi, pơp mhŏ yang trôh mông ho ăt jêh ăn mdei lat ru, bơ yơng đơ băl kôh mpŭ so hôm hên ñôt pơp prêng yơng băh pơp tih ôh, jai jêh nai lăm ƀrăh ngôr hên ju dŏ gu djăp lĕ mơt lăh?3Mlih mŏng iên, yơng ta grăp pơp mhŏ yang hư̆n, jêng ƀơn pơp lăm kăh wơi ta pơp tih grăp năm.4Bơ yơng mham ndrôk kuăng jêh iên bei kuăng so dơi lăm ngôr pơp tih ƀă.5Hư̆n yơh, jai mư̆t mŏng dôn teh, Khua Yang ngơi:“So Yang Trôk khơñpơp mhŏ yang jêh iên pơp myơr,ƀê̆ dăh jêh Khua Yang prê ju mlăm săk jăn ta Kuôn;6Khua Yang ăt so khơñpơp mhŏ yang pô̆ jêh iên pơp mhŏ yang tuai tih ya.7Jêh hư̆n, ăñ ngơi: ‘Dăn dlăng ho, Kuôn jêh trôh —hui si pơp ngơi mŏng ră čih yơng ta kuôn —no di lăm jêh pơp khơñ Khua Yang, wơ Yang Trôk!’”8Jai Khua Yang ngơi pơp klăh iên ru: “Khua Yang so khơñ pơp mhŏ yang jêh iên pơp myơr, wăt ta pơp mhŏ yang pô̆ jêh iên pơp mhŏ yang tuai tih. Khua Yang ăt so khăp ta grăp pơp hư̆n ya” (ƀê̆ dăh nai myơr ĕh hui si pơp bhiên),9jêh hư̆n, Khua Yang ngơi: “Dăn dlăng ho, Kuôn sak lăm jêh pơp khơñ Yang di.” Khua Yang ndrŏh lat pơp tal muôi lak no di lăm ndŏk pơp tal bar.10Yơng băh pơp khơñ hư̆n, lĕ dŏng băn dơi mau pơp ƀrăh ngôr mơn băh pơp myơr săk jăn Yang Tŏng Tlĕh Yê-su no di ĕh ñjêng pơp mhŏ yang ju dŏ djăp lĕ.11Ngăn ya, lĕ mơt băl khua mhŏ yang grăp nar hên dŏk mkra pơp mhŏ yang jêh iên hên krĕh myơr pơp mhŏ yang, ƀê̆ dăh so dơi ĕh lăm nga lat pơp tih ôh.12Ƀê̆ dăh Khua Yang, yơng băh lĕ mơt pơp tih băn myơr pơp mhŏ yang čuôm gu ju dŏ tăl trôh hui hai, Khua Yang gŭk rŏk ta kêng đăh ma Yang Trôk,13kăp găn dŏng băh mông hư̆n tăl trôh mông đơ băl rŏh Khua Yang gŭk mŏng tŭk juôt jŏng Yang di.14Bơ yơng băh gu mơn ƀơn băh pơp mhŏ yang hư̆n, Khua Yang ăn lĕ mơt băl ƀrăh ngôr dơi ñjêng nư̆m nơn tăl trôh hui hai.15Jêh iên Yang Ngăt Găl ăt lăm nư̆k un băl băn ya, bơ yơng ta kơi hư̆n Khua Yang ngơi:16“Ho jêng pơp tăm guôp ăñ jrăng mkra ta hênta kơi lĕ mơt nar hư̆n, Yang Trôk ngơi,jai ăñ ăn pơp bhiên ăñ ji mŏng nuih nhăm hên,ăñ jrăng wêh čih pơp hư̆n tŏng bôk mĭn hên ya.”17Jêh hư̆n:“Ngĭn ngăn yơh so hôm ăñ jrăng wêh wơi ta pơp tih hên ôhmdăh grăp bruă pliă plia hên ya.”18Ƀê̆ dăh u tŭk mau pơp ndrŏh grăp pơp tih hư̆n, tŭk hư̆n so hôm wêh mau pơp mhŏ yang tuai tih ôh.19Kơt iên, wơ ŏh mi, băn dơi mau nuih nhăm năñ mư̆t mŏng tŭk ƀrăh ngôr mơñ băh mham Yang Yê-su,20jêng Mtao jêh mkra ru ta băl băn ƀơn truông sak mhei jêh iên brêh găn gao păng dhiêm, čiêng ngơi ta săk jăn Khua Yang,21jêh iên ju nau khua mhŏ yang ram kĕ kriê tŏng hih Yang Trôk di,22hư̆n yơh băn khơñ Yang Trôk ta nuih nhăm ngĭn ngăn mŏng pơp kčăh nư̆k băh pơp đăo, nuih nhăm jêh nai prĕ mham rao ƀrăh băh pơp mĭn djŏh ƀai jêh iên săk jăn jêh nai rao ta dak sang ƀrăh.23Ăn băn ñôt kjăp pơp jêh băn têh sơm yơng ta pơp čang mơn băn di ei ru rŭng răng, bơ yơng Mtao ƀuôn hư̆n jêng sĭt suôr.24Jêh hư̆n ăn băn tŏng đru ndăng găp no di băn čhôl trôt yơng ta nuih nhăm khăp khơñ jêh iên grăp bruă nhăp găl,25ei ru ndrŏh lat pơp tăm ƀư̆n băn klăh di ƀơ ƀă nêh krĕh mhŏ, ƀê̆ dăh ăn băn tŏng čhôl trôt ndăng găp, jêh iên năn mông ŏh mi so nar hư̆n mơñ trôh dŏng iên hư̆n ăn ŏh mi ndôl mhŏ klăh iên hĭn ya.26Ndă di băn jêh gư̆t pơp ngĭn ngăn ru ƀê̆ dăh băn čŏng mhăl mhŏ tih, hư̆n so hôm wêh mau pơp mhŏ yang tuai tih ôh,27ƀê̆ dăh băh gu hôm kăp găn đhir ngit yơng ta pơp phat dôih jêh iên iñ dôh ñjrăng hăr sa đơ băl tăm dăng.28Grăp nau nêh, ndă di hên ndrŏh lat pơp bhiên Mô-ih knang ta bar mdăh pei nau nêh so nư̆k, nai jrăng lăm khư̆t so hôm wêh đač.29Đa lăh ŏh mi mĭn ta nêh juôt lên Kuôn Yang Trôk, jêh iên dlăng mham tăm guôp jêng dăh dan ƀơ̆ ñơ̆ — ƀăh mơn băh mham hư̆n, kăn dơi ƀrăh ngôr — jêh iên mưč mač Yang Ngăt Găl pơp đač, kăn hư̆n năng ta pơp kmhal jŏk hĭn băh iên ya?30Bơ yơng băn gư̆t ru Mtao ngơi: “Pơp rŭ nua jêng bruă ăñ ji; ăñ jrăng sak rŭ.” Wêh ngơi ya: “Yang Trôk jrăng phat dôih uôn lan Yang di.”31Ĕh lăč mŏng ti Yang Trôk Khăng Brêh jêng pơp đhir ngit ngăn yơh!32Ƀê̆ dăh ăn wêh kăh wơi đơ nar ta luôr lak, ŏh mi jêh dơi sŏk dơn pơp pơk ang ru, hư̆n jêh ŏh mi tŭ ju mta pơp tŏng mblăh ram băh ŏk pơp knap mñai,33mông ho ŏh mi tŭ pơp nai hêr mưč wăt ta pơp nai mhŏ ƀai ta măt băl uôn lan, ƀê̆ dăh mau ya mông băn ñjêng nêh tŏng bhă ta băl tŭ pơp knap mñai klăh iên.34Bơ yơng ŏh mi mau nuih nhăm gư̆t tŏng đač ta băl nai nggruôn, jêh iên ŏh mi tŭ ư ăn nai sua ngăn drăp ŏh mi di ta pơp čhô̆ brơn, bơ yơng ŏh mi gư̆t ŏh mi mau ngăn drăp găl hĭn jêh iên hôm hui hai.35Kơt iên, ei ru ŏh mi ndrŏh lat pơp đăo kjăp ŏh mi di, hư̆n jêng pơp jrăng dơn ju khăn pơp khôm ram.36Bơ yơng ăn ŏh mi riêm pơp kăp găn gir ăt, no di jêh mhŏ hui pơp khơñ Yang Trôk, mông hư̆n ŏh mi dơi dơn pơp ƀuôn.37“Bơ yơng so hôm yau ƀă,Mtao jai sak jrăng trôh, jêh iên jrăng so la ƀă.38Ƀê̆ dăh nêh kpă ăñ ji jrăng brêh yơng băh pơp đăo;ƀê̆ dăh nêh tơm lŏ du ta kơi, mông hư̆n ngăt nhuôl ăñ so hôm găl ta nêh hư̆n ôh.”39Ƀê̆ dăh băl băn so gŭk mŏng tŭk ĕh plơ̆ nuih trôh ta tŭk rai lêk ôh, mlih mŏng iên băn gŭk mŏng pơp đăo ĕh lăm ndơp trôh tŭk guôm čăng ngăt nhuôl.
FAR EAST BROADCASTING COMPANY