Ephesians3
1Bơ yơng bruă hư̆n, ăñ, kăn Pôl, jêng nêh mnă Yang Tŏng Tlĕh Yê-su di yơng băh ŏh mi uôn lan ling lač —2bơ yơng ngăn ya ŏh mi jêh tuôm tŏng yơng ta bruă kĕ kriê pơp đač Yang Trôk di, jêng pơp jêh jao ta ăñ bơ yơng ŏh mi,3hui si pơp lăm ƀlang jêh ƀlang ta ăñ, hư̆n jêng pơp yuôm ndăp klăh di ăñ jêh čih pruô̆i tŏng tê̆ ho.4Jai jêh dlăng trôh pơp hư̆n, ŏh mi jrăng dơi gư̆t năl pơp gư̆t wơng ăñ ji yơng ta pơp yuôm ndăp Yang Tŏng Tlĕh di,5hư̆n jêng pơp so dơi lăm ƀlang ta ŏh kuôn pôl nêh mŏng grăp nuk luôr lak, jăng jai nar o, yơng băh Yang Ngăt Găl, pơp hư̆n jêh lăm ƀlang ta băl ƀing kna ƀrăh Khua Yang di wăt ta băl têh luôr —6hư̆n jêng: băl uôn lan ling lač jêng nêh dơn ngăn ju băk, jêng grăp khăn mŏng ƀơn săk jăn, jêh iên lĕ mơt nêh ju băk tăm phă pơp ƀuôn mŏng Yang Tŏng Tlĕh Yê-su mơn băh Pơp Găl,7bơ yơng Pơp Găl hư̆n ăñ dơi ñjêng ju nau dư̆k yơng băh pơp phă gai pơp đač Yang Trôk di, jêng pơp jêh ăn ta ăñ hui si bruă mhŏ pơp myang Yang di.8Pơp đač hư̆n jêh ăn ta ăñ — nêh kuôn nê̆ hĭn mŏng lĕ mơt băl đăo ƀrăh — no di têh sơm ta băl uôn lan ling lač pơp ndrŏng săh so dơi lơ lang Yang Tŏng Tlĕh di,9jêh iên ăn mhŏ klă ta grăp nau nêh u tŭk jêng bruă kĕ kriê pơp yuôm ndăp, jêng pơp jêh srôm ndăp dŏng băh grăp nuk mŏng Yang Trôk, Mtao rih ñjêng grăp pơp,10no di mông ho, băh pôl ƀrăh, pơp knhau so gư̆t bôl Yang Trôk di dơi lăm ƀlang ta băl khua kĕ kriê jêh iên đơ băl mau pơp dơi gŭk grăp tŭk tŏng trôk,11hui si pơp khơñ hui hai hư̆n jêng Yang Trôk jêh lăm nư̆m mŏng Yang Tŏng Tlĕh Yê-su, Khua Yang băn,12jêh iên mŏng Mtao hư̆n, băl băn mau nuih nhăm năñ jêh iên truông sak trôh mơñ Yang Trôk ta pơp dơi mơn băh pơp đăo mŏng Khua Yang.13Hư̆n yơh, ăñ dăn ŏh mi ei ru plơ̆ nuih bơ yơng pơp knap mñai ăñ ji yơng băh ŏh mi, hư̆n jêng lĕ mơt pơp knap mñai hư̆n jêng pơp guh ang ŏh mi di.14Yơng băh pơp hư̆n, ăñ čuôn krŭng ta măt Bap,15jêng Mtao băh Khua Yang, grăp pôl nhuôr tŏng trôk jêh iên mŏng sô̆ teh dơi mau năn,16ăn dăn Khua Yang, hui si pơp ndrŏng săh pơp guh ang Yang di, ăn ŏh mi ktang ta pơp myang băh Yang Ngăt Găl Khua Yang di mŏng nuông kuôn nêh,17no di Yang Tŏng Tlĕh gŭk mŏng nuih nhăm ŏh mi yơng băh pơp đăo, jai jêh dơi čăt rĕh jêh iên kjăp niêr mŏng pơp khăp khơñ,18no di ŏh mi ju băk ta lĕ mơt băl đăo ƀrăh, mau nư̆m pơp ktang no di gư̆t nư̆m đô̆ nă jêng lơ, djhak, jua, jru,19jêh iên ăn gư̆t năl grăp pơp gao hĭn pơp gư̆t wơng, hư̆n jêng pơp khăp Yang Tŏng Tlĕh di, no di ŏh mi dơi tôh bêng ta grăp pơp nư̆m nơn Yang Trôk di.20Ăn mĭn ta Mtao dơi mhŏ gao hĭn grăp pơp hư̆n jêng băl băn kuôl dăn mdăh ksiêm mĭn, hui si pơp myang jai mhŏ bruă mŏng băl băn,21dăn Khua Yang mau pơp guh ang mŏng pôl ƀrăh jêh iên mŏng Yang Tŏng Tlĕh Yê-su găn gao grăp nuk hui hai so gư̆t tôč. A-men.
FAR EAST BROADCASTING COMPANY