Acts4
1Mông hư̆n, jăng jai hên hôm tŏng ngơi ta băl uôn lan, băl khua mhŏ yang, wăt băl khua ka han gak hih ƀư̆n jêh iên băl Sa-đu-sê măp gu trôh ta hên,2băl ĕh hao nuih ngăn bơ yơng bar nau hên jăng jai tơ ti lăh băl uôn lan jêh iên têh sơm pơp Yang Yê-su wêh dŏk brêh băh tŭk khư̆t.3Jêh hư̆n băl ĕh yơr ti ñư̆p bar nau hên jêh hư̆n nggruôn mŏng war găn trôh ang ôi tŏng o, bơ yơng mông hư̆n jêh ngo ru.4Ƀê̆ dăh ŏk nêh mŏng băl jai jêh tŏng pơp tơ ti hư̆n nai đăo, jêh iên nŏh băl tlơ tlau gu năng ai trôh ta prăm bau.5Bruă ĕh trôh mŏng nar ta kơi, băl kĕ kriê hên di ju băk băl khua u rañ jêh iên băl khua tơ ti pơp bhiên tăm ƀư̆n ta Yê-ru-sa-lem,6wăt An-ne, jêng khua mhŏ yang ram, jêh iên Kai-phe, Yô-han, A-lek-san-đơ jêh iên lĕ mơt nêh mŏng găp pôl khua mhŏ yang ram.7Jai jêh ăn bar nau hên gŭk mŏng mbar nuông, băl ĕh lup: “U băh pơp dơi, mdăh mŏng nêh tơm năn pu me mhŏ bruă hư̆n?”8Mông hư̆n, bơ yơng bêng dlai Yang Ngăt Găl, Pê-trôih ngơi ta hên: “Wơ băl khua kĕ kriê uôn lan jêh iên băl khua u rañ,9ndă nar o lup čêk hi yơng ta bruă găl jêh mhŏ ta ju nau nêh kuôp ji, hư̆n jêng yơng băh năn pơp kăn hư̆n dơi băh,10ho jêng pơp lĕ dŏng pu me wăt lĕ mơt băl uôn lan I-sra-el gư̆t gơ gu, hư̆n jêng mŏng năn Yang Tŏng Tlĕh Yê-su nêh Na-sa-ret, jêng Mtao jêh pu me pŏng đĭn ta jhi tăm kăng, jêng Mtao jêh Yang Trôk lŏ lăm brêh băh tŭk khư̆t, kơt iên mơn băh Mtao hư̆n nêh ho dơi prăl kjăp ta măt pu me.11Khua Yang jêng bôk mau jêh nai hêr mưč yơng băh pu me, hư̆n jêng băl lăm ndŏk hih, ƀê̆ dăh jêh ĕh ñjêng bôk mau tur hih.12So dơi mau pơp tŏng tlĕh băh nêh dơ dêh ôh, bơ yơng mŏng sô̆ trôk so mau năn dơ dêh dơi ăn ta kuôn nêh no di băn mơn băh iên dơi tlĕh.”13Jăng jai so pơp năñ kăn Pê-trôih jêh iên Yô-han, jêh iên gư̆t klă bar nau hên jêng nêh so riêm ră jêh iên jêng uôn lan dăh dan, hư̆n hên hơ̆ hă, jêh iên hên gư̆t năl băl bar nau ho, gư̆t klă bar nau hên tuôm gŭk băk Yang Yê-su.14Jêh hư̆n, bơ yơng hên so nêh tlơ tlau jêh dơi lăm băh dŏk băk bar nau hên, hư̆n băl ĕh so hôm nă wêh lŏ ngơi ôh.15Mông hư̆n, jai jêh yua hên du băh hih phat dôih, băl ĕh lŏ wêh trông čhai ju băk,16klăh iêu: “Đô̆ nă băn jrăng mhŏ ta băl ho? Hư̆n jêng yơng băh pơp myang jêh ĕh trôh klă nơn băh băl bar nau ho, klă ngăn ru ta lĕ mơt nêh jai gŭk brêh mŏng Yê-ru-sa-lem, jêh iên băn so dơi lŏ nhan ya.17Ƀê̆ dăh, no di bruă ho so hôm wêh pĕh hing ŏk mŏng mbar uôn lan, băn jrăng ghă hên so dơi wêh sŏk năn ho no di tơ ti lăh ta grăp nau nêh.”18Kơt iên, jai kuôl hên mư̆t mŏng hih, băl ĕh tơ tă so dơi têh sơm mdăh tơ ti lăh ju mta pơp mŏng năn Yang Yê-su ôh.19Ƀê̆ dăh jai kăn Pê-trôih ta Yô-han wêh lăh: hên ngơi ta băl ĕh “Geh ya jêng ta măt Yang Trôk hi gưt dơk pu me mdăh gưt dơk Yang Trôk? Ăn pu me ksiêm nư̆k yơh.20Bơ yơng hi so dơi mdei ngơi yơng ta lĕ mơt grăp pơp jêh hi tuôm so jêh iên tŏng.”21Jêh hư̆n, jai jêh rơm rap, băl ĕh phưi hên du, bơ yơng so dơi so pơp tih no di băl ĕh dơi kmhal hên ôh, bơ yơng bhŭng ta băl uôn lan, yơng băh grăp nau nêh nai nơ nei Yang Trôk yơng ta bruă jêh trôh.22Bơ yơng nêh tlau hư̆n, jêng nêh mơn băh pơp myang ho lăm băh, kăn jêh khăñ puôn jăt năm ru.23Mông hư̆n, jai jêh nai phưi êngiê, hên sak tŏng tuôm ta ŏh mi băl đăo hên di jêh iên wêh tơ têh hư̆t lĕ mơt pơp băl khua mhŏ yang ram wăt băl khua u rañ jêh ngơi ta hên.24Jai jêh tŏng pơp hư̆n, hên ju ni ai kuôl dăn ta Yang Trôk jêh iên dăn: “Wơ Yang Trôk, Khua Yang jêng Mtao tơm rih ñjêng trôk, teh jêh iên dak sĭ, wăt ta lĕ pơp păm gŭk mŏng iên,25jêng Mtao, mơn băh pang yo hi yơng Yang Ngăt Găl, băh dơk Đa-wit dư̆k Yang di, jêh ngơi klăh iêu:‘Pơp mhŏ grăp čar hao nuih,jêh iên grăp uôn lan mhŏ mnăč dăh dan?26Grăp mtao mŏng dôn teh prê tăm mblăh,jêh iên lĕ băl khua ram tŏng ƀư̆n ju tŭktăm dăng ta Khua Yang jêh iên tăm dăng ta Mtao tŭ truôč dak ndriêng Yang di.’27Bơ yơng yŏng ngăn ya, kăn Hê-rôt jêh iên Ƀôn-sơ Pi-lat, wăt ta grăp uôn lan ta ling jêh iên uôn lan I-sra-el, jêh tŏng ƀư̆n ju băk mŏng uôn ram ho tăm dăng ta Dư̆k ƀrăh Yang di jêng Yang Yê-su, jêng Mtao Khua Yang truôč dak ndriêng,28no di mhŏ lĕ mơt grăp bruă băh plang ti Khua Yang jêh iên pơp mĭn Yang di jêh čuôn luôr jrăng trôh.29Mông ho, wơ Yang Trôk, dăn ksiêm dlăng un pơp rơm rap hên di, jêh iên ăn ta băl dư̆k Yang di tơ ti lăh pơp ngơi Khua Yang ta lĕ pơp năñ30jai Khua Yang yơr ti Yang di no di dơi lăm băh pơp kuôp ji, grăp têl ndrơh jêh iên lĕ mơt bruă myang dơi ĕh trôh mơn băh năn Dư̆k ƀrăh Yang di, jêng Yang Yê-su.”31Mông jêh hên kuôl dăn, ta tŭk hên ƀư̆n hư̆n ĕh nggơ nggăr, jêh hư̆n lĕ mơt dŏng hên bêng dlai Yang Ngăt Găl gơ gu jêh iên têh sơm pơp ngơi Yang Trôk ta nuih nhăm năñ.32Mông hư̆n, pôl ŏk đơ băl jêh đăo hên mau ju nuih nhăm jêh iên ju pơp mĭn. So mau nêh dlăng ju mta pơp mŏng lĕ mơt pơp no hên mau jêng pơp hên tơm ôh, ƀê̆ dăh hên dlăng, lĕ mơt pơp hư̆n jêng pơp ju băk.33Ta pơp myang ktang, băl ƀing kna têh sơm pơp lăm nư̆k yơng ta pơp wêh dŏk brêh Yang Yê-su di, jêh iên pơp đač ram gŭk tŏng grăp nau hên.34Bơ yơng so mau ju nau nêh kƀăh mŏng mbar hên ôh, yơng băh lĕ mơt nêh tơm mau teh bri mdăh hih tư̆m, jêh dơi tač, hên sak ndơp prăk jêh hên mau hư̆n,35jêh hư̆n sak ăn ta jŏng băl ƀing kna, jêh iên tăm phă prăk hư̆n ta lĕ mơt nêh hui si pơp khơñ yua mdê mdê.36Mông hư̆n, Yô-sep, nêh băl ƀing kna kuôl jêng Ƀa-na-ƀa (năn hư̆n lơ lang jêng Kuôn Pơp Jôh Lih), jêng nêh Lê-wi, uôn Čip-rơ,37jai jêh kăn blŏ lôk lŏ kăn di, kăn sŏk prăk sak ndơp jêh iên ăn ta jŏng băl ƀing kna.
FAR EAST BROADCASTING COMPANY