2 Timothy3
1Ƀê̆ dăh ăn me gư̆t pơp ho, hư̆n jêng mŏng nar tôč dư̆t, jrăng trôh nuk knap mñai.2Bơ yơng nai jrăng khăp ta săk nai tơm, khăp prăk kăk, mbŭ săk, mhŏ mgao, krĕh ngơi djŏh, so dơn dơk mei bap, so gư̆t kăh tôr, so ƀrăh ngôr,3so mau pơp khăp, so tŏng guôp, krĕh ngơi djŏh, so gư̆t răng, khăp tŏng pŭ, so khơñ ta pơp nhăp găl,4lhiăr, jơñ nuih, čŏng mbŭ săk tơm, khăp ta pơp tŏng liê̆ hĭn khăp Yang Trôk.5Hên pra mhŏ klăh di gư̆t mpŭ, ƀê̆ dăh hên ndrŏh lat pơp myang pơp gư̆t mpŭ. Ăn diêr wăč băh băl hư̆n.6Bơ yơng mŏng hên mau nêh mư̆t muôč hih nai, mblơm băl u ur plư̆p mblo, bêng pơp tih djŏh, băl ĕh mblơm ta djăp pơp he khơñ,7riêm răn ƀăn ƀê̆ dăh so dơi ĕh ndơp hên trôh ta pơp gư̆t wơng pơp ngĭn ngăn.8Đô̆ nă kăn Yan-net ta kăn Yam-ƀe tăm dăng ta kăn Mô-ih lak, băl ho ăt hên tăm dăng ta pơp ngĭn ngăn klăh iên ya, hên jêng băl mau pơp mĭn rai lêk, hên jêng nêh pra đăo gu bôk dih.9Ƀê̆ dăh so dơi hên sak wăč hĭn ôh, bơ yơng pơp plư̆p mblo hên di ĕh jrăng pơl klă nơn ta măt grăp nau nêh, ăt ndrơm klăh di ĕh lăm pơl pơp plư̆p mblo băl bar nau hư̆n ya.10Ƀê̆ dăh me jêng nêh hui gre trip pơp tơ ti lăh, pơp gŭk brêh, tŭk kčăh, pơp đăo, nuih nhăm gir ăt, pơp khăp khơñ, pơp gŭk kjăp ăñ ji,11grăp pơp nai mhŏ djŏh, ăt ndrơm klăh di pơp knap mñai jêh trôh ta ăñ mŏng uôn An-ti-ôt, ta I-kô-ni, ta Lit-trơ, lĕ mơt pơp hư̆n jêh ăñ tŭ gơ gu ru. Jêh iên Yang Trôk lăm tlĕh ru ăñ băh lĕ mơt pơp hư̆n.12Ngăn ya, lĕ mơt nêh khơñ brêh gư̆t mpŭ mŏng Yang Tŏng Tlĕh Yê-su nai jrăng mhŏ djŏh gơ gu.13Ƀê̆ dăh băl djŏh ƀai jêh iên băl mblơm ndôl ĕh jrăng mbăč ŏk hĭn mŏng pơp djŏh ƀai, mblơm nai jêh iên nai mblơm hên.14Khă iên tŭ, ăn me gŭk kjăp mŏng lĕ mơt pơp jêh me riêm jêh iên đăo, bơ yơng me gư̆t nêh tơm băh me riêm ĕh,15jêh iên dŏng băh ku sei lak ru, me riêm Ră Ƀrăh, ĕh dơi ăn ta me gư̆t mĭn trôh ta pơp tŏng tlĕh mơn băh pơp đăo mŏng Yang Tŏng Tlĕh Yê-su.16Lĕ Ră Ƀrăh yơng băh Yang Trôk tơm khôm nhăm, jêh iên jêng pơp tŭ dơn ta pơp tơ ti lăh, ƀuăh, mkra, lăm riêm nêh mŏng pơp geh tŏng,17no di nêh Yang Trôk di dơi ñjêng nư̆m nơn, prăp prê nư̆m ta grăp bruă găl.
FAR EAST BROADCASTING COMPANY