2 Thessalonians3
1Ta kơi dư̆t, wơ ŏh mi, ăn kuôl dăn ta hi ƀă, no di pơp ngơi Yang Trôk di mhăč ĕh lar jêh iên pơp nơ nei, ăt klăh di jêh nai so mŏng ŏh mi,2jêh iên no di hi dơi tlĕh băh băl dăng bôk jêh iên djŏh ƀai, bơ yơng so geh lĕ mơt nêh mau pơp đăo gơ gu ôh.3Ƀê̆ dăh Yang Trôk, Mtao jrăng lăm kjăp jêh iên răng mgang ŏh mi băh băl ƀai, Yang Trôk jêng sĭt suôr.4Hi đăo kjăp mŏng Khua Yang yơng ta ŏh mi năn bruă ŏh mi jai mhŏ jêh iên jrăng mhŏ lĕ mơt pơp hi tơ ti lăh.5Dăn Yang Trôk têk lăm nuih nhăm ŏh mi mĭn ta pơp khăp Yang Trôk di jêh iên trôh ta pơp gir ăt Yang Tŏng Tlĕh di.6Nar o, wơ ŏh mi, mŏng năn Khua Yang băl băn jêng Yang Tŏng Tlĕh Yê-su, hi tơ ti lăh ŏh mi, no di ŏh mi diêr wăč băh băl đăo gŭk brêh so mau pơp bhiên jêh iên so hui gre pơp krĕh mưng hư̆n jêng pơp ŏh mi jêh sŏk dơn băh hi.7Bơ yơng nư̆k ŏh mi gư̆t ru đa lăh dơi mhŏ hui hi, yơng băh hi so gŭk brêh djơh rơh mŏng mbar ŏh mi ôh,8hi ăt so sa li pơp sông sa băh ju nau nêh ƀă, ƀê̆ dăh măng lo nar mhŏ bruă mŏng pơp ăr măh jêh iên dlĕh dlan no di so lăm jơ jŏk ta ju nau nêh mŏng ŏh mi,9so geh bơ yơng hi so mau pơp dơi ôh, ƀê̆ dăh no di hi dơi ăn hi tơm ñjêng pơp tô mô ta ŏh mi no di mhŏ hui hi.10Bơ yơng ngăn ya jăng jai hi hôm gŭk băk ŏh mi, hi krĕh jêh tơ ti ta ŏh mi pơp ho, klăh iêu: “Ndă di nêh tơm so khơñ mhŏ bruă nêh hư̆n ăt ei ru sa ya.”11Bơ yơng hi tŏng pĕh mŏng mbar ŏh mi mau ƀơ ƀă nêh gŭk brêh so mau pơp bhiên, so mhŏ bruă ƀê̆ dăh pra sak sơ su bruă jêng so geh bruă hên ôh.12Ƀê̆ dăh mŏng Khua Yang, jêng Yang Tŏng Tlĕh Yê-su, hi tơ tă jêh iên čhôl trôt lĕ mơt nêh klăh iên, no di hên dơi yua pơp sông sa hên tơm jai mhŏ bruă ju băk ta pơp gŭk miêt.13Bơ ŏh mi, ŏh mi ei ru ăr măh jai mhŏ bruă găl.14Gao băh iên, ndă di nêh tơm so čiêng gưt pơp ngơi hi mŏng ră ñuôr ho, ăn buôi nêh hư̆n — ei ru tăm nhŏng băk kăn, no di nêh hư̆n so dêh pơp prêng lau.15Ei ru dlăng nêh hư̆n klăh di băl rŏh, ƀê̆ dăh ăn čhôl trôt ndrơm klăh di ŏh mi tơm.16Dăn Yang Trôk tơm pơp đăp nang ăn ta ŏh mi pơp đăp nang băh grăp bruă mŏng grăp mông. Dăn Yang Trôk gŭk băk ta lĕ mơt ŏh mi.17Pơp kôh čhưn ho yơng băh ti ăñ tơm — kăn Pôl — hư̆n jêng têl kač năn mŏng grăp ră ñuôr. Ăñ krĕh čih klăh iên.18Dăn pơp đač Khua Yang băl băn, jêng Yang Tŏng Tlĕh Yê-su, gŭk băk ta lĕ mơt ŏh mi.
FAR EAST BROADCASTING COMPANY