2 Corinthians9
1Yơng ta bruă đru ta băl đăo ƀrăh, hư̆n ăñ so hôm wêh čih ta ŏh mi ôh.2Bơ yơng ăñ gư̆t ru pơp hur har ŏh mi di, pơp ăñ bi la ta ŏh mi ta băl đăo uôn Ma-sê-đuan, hư̆n jêng hih ƀư̆n ta A-čai jêh prăp prê băh năm lak ru, jêh iên nuih nhăm dôh dăñ ŏh mi di jêh trôt ŏk nêh hĭn.3Ƀê̆ dăh ăñ jêh yua ŏh mi ƀơ ƀă, no di pơp nơ nei hi ta ŏh mi so ĕh ñjêng dăh dan mŏng bruă ho, no di ŏh mi dơi prê klăh di ăñ jêh ngơi.4Ơn dăh, ndă mau bar pei nau băl đăo ta uôn Ma-sê-đuan sak băk ăñ jêh iên so mŏng ŏh mi ñăm prăp prê, hư̆n hi jrăng prêng — jêng ñăm ngơi ta ŏh mi — bơ yơng pơp hi knang hư̆n.5Hư̆n yơh ăñ mĭn trôt ŏh mi hư̆n jêng bruă yuôm, no di hên sak luôr ta ŏh mi jêh iên prăp prê rŏk pơp ăn gai jêh ƀuôn ho ta ŏh mi, no di mau pơp prăp prê hư̆n ndrơm klăh di ju mta pơp găl, jêh iên so mau pơp mhăl ôh.6Nar o, ăñ ngơi pơp ho: nêh tơm răh ƀê̆ hư̆n jrăng riêk ƀê̆, jêh iên nêh tơm răh mŏng pơp găl hư̆n jrăng riêk mŏng pơp găl.7Grăp nau nêh myơr hui si băn jêh kčăh luôr mŏng nuih nhăm, so mau băh pơp ênguôt mdăh băh pơp mhăl, bơ yơng Yang Trôk khăp nêh myơr ta nuih nhăm čhô̆ brơn.8Jêh iên Yang Trôk dơi ăn khăñ khăh grăp pơp găl ta ŏh mi, no di răn ƀăn mŏng djăp mta pơp, mau nư̆m lĕ mơt pơp yua, ŏh mi dơi mau khăñ khăh mŏng grăp bruă găl.9Klăh di mau pơp čih:“Nêh tơm phă gai, nêh tơm ăn ta băl ƀun ƀin,pơp kpă nêh hư̆n hôm tăl trôh hui hai.”10Nar o, Mtao phă nggăr til ta nêh răh jêh iên ƀăñ no di ñjêng pơp sông sa jrăng phă ta pơp khăñ khăh, jrăng lăm ñjêng nggăr til ŏh mi di ŏk hĭn, lăm ñjêng pơp kpă ŏh mi dơi mau ŏk ple,11jai jêh dơi khăñ khăh mŏng djăp mta pơp ta lĕ nuih nhăm bliêh, jêng pơp ndơp trôh ta pơp lăh găl Yang Trôk mơn băh băl băn,12bơ yơng bruă đru ho so čuôm gu jêng dơi lăm djăp pơp khơñ băl đăo ƀrăh, ƀê̆ dăh wêh lăm ăn ta ŏk nêh myơr pơp lăh găl Yang Trôk,13bruă tŏng đru ho jêng lăm nư̆k no di hên nơ nei Yang Trôk bơ yơng gưt Pơp Găl Yang Tŏng Tlĕh di jêh iên ŏh mi jêh lăm ƀlang jêh iên yơng băh pơp tŏng đru ŏh mi di ta hên jêh iên ta grăp nau nêh,14wăt mŏng pơp kuôl dăn hi di yơng ta ŏh mi, čang mơn ngăn dơi tŏng tuôm ta ŏh mi bơ yơng pơp đač ram Yang Trôk di ta ŏh mi.15Myơr pơp lăh găl Yang Trôk bơ yơng pơp phă gai Yang di so dơi lơ lang ôh!
FAR EAST BROADCASTING COMPANY