1 Peter5
1Kơt iên, ăñ — ăt jêng khua u rañ jêh iên jêng nêh so nư̆k yơng ta pơp knap mñai Yang Tŏng Tlĕh di, ăt jêng nêh dơn ju băk pơp guh ang mơñ nôh ƀlang — dăn čhôl trôt băl khua u rañ mŏng mbar ŏh mi:2Ăn têk lăm pôl biêp dêt Yang Trôk di mŏng mbar ŏh mi, ăn mhŏ bruă ruông năk — ei ru mhŏ klăh di pơp mgô̆, ƀê̆ dăh ăn prê ưm nuih nhăm čŏng khơñ mhŏ hui pơp Yang Trôk khơñ — ăt so mhŏ ta nuih nhăm he khơñ mau pơp tŭ dơn ƀê̆ dăh ăn mhŏ ta pơp hur har čhô̆ brơn;3jêh iên ăt so mhŏ klăh di ju nau khua kĕ kriê nêh Yang Trôk jêh jao, mlih ta iên, ăn ñjêng pơp tô mô ta pôl dêt hư̆n.4Jêh hư̆n trôh mông Mtao Kĕ Biêp Ram dơi lăm ƀlang, ŏh mi jrăng sŏk dơn đuôn mtao guh ang so rai lêk.5Iên ya, wơ băl drôh nu, ăn gưt ta băl u rañ. Lĕ mơt ŏh mi ăn sŏh knuih lăm rôč săk ndăng găp, bơ yơng Yang Trôk tăm dăng ta băl rik săk, ƀê̆ dăh ăn pơp đač ta nêh lăm rôč săk.6Hư̆n yơh, ăn lăm rôč săk mŏng sô̆ plang ti myang Yang Trôk no di Yang hơk ŏh mi tŏng tê̆ mŏng nuk geh guôp,7jai jêh jao grăp pơp rŭng răng ŏh mi di ta Khua Yang, bơ yơng Khua Yang ruông năk ŏh mi.8Ăn ngĕh măt, ăn ñjrăng. Băl rŏh ŏh mi di, jêng yang djŏh, ndrơm klăh di tla mhư̆r nggriñ, kăp iêm jư̆m dar, ĕh juôi nêh tơm dơi ĕh sa luôn.9Ăn tăm dăng ta ĕh, ăn gŭk kjăp mŏng pơp đăo, ŏh mi gư̆t ru lĕ mơt nêh đăo băn di mŏng grăp dôn teh ăn tŭ ju băk lĕ mơt pơp knap klăh iên ya.10Ƀê̆ dăh jai jêh tŭ pơp knap ƀê̆ nar, Yang Trôk mau ŏk pơp đač, Mtao jêh kuôl ndơm ŏh mi trôh ta pơp guh ang hui hai Yang di mŏng Yang Tŏng Tlĕh, Yang tơm jrăng lăm ndŏk mhei, lŏ lăm ñjêng no di ktang jêh iên sĭt suôr.11Dăn pơp myang Yang Trôk kĕ kriê tăl trôh hui hai. A-men.12Mơn kăn Sil-wăñ, ju nau nêh mi sĭt suôr tui si pơp ăñ ksiêm, ăñ čih tlăh čŭn ta ŏh mi, jôh lih jêh iên lăm nư̆k ho jêng pơp đač ngĭn ngăn Yang Trôk di. Ăn gŭk kjăp mŏng pơp đač hư̆n.13Pôl ƀrăh mŏng uôn Ƀa-ƀi-lôn, jêh săč ruăh klăh di ŏh mi, kôh čhưn ŏh mi. Kăn Mak, kuôn tlau ăñ ji, ăt iên ya.14Ăn kôh čhưn ta pơp tŏng čư̆m khăp khơñ.
Dăn pơp đăp nang gŭk băk ta lĕ mơt ŏh mi hư̆n jêng băl gŭk mŏng Yang Tŏng Tlĕh.
Dăn pơp đăp nang gŭk băk ta lĕ mơt ŏh mi hư̆n jêng băl gŭk mŏng Yang Tŏng Tlĕh.
FAR EAST BROADCASTING COMPANY