Mak8
1Lōqōn̄ tegha se, nisil liwo mahaytiwag me hiy Tigsas, ba negengen nagay mabah. Bahnentō Tigsas mōlōltiwag me ige tin̄qoy nonon, tō mavap van hiy kēy so,2“No nemgaysēn ige sil agōh, veg kēy mal tog vatag mi no nōqōn̄ vētēl, tō negengen nagay mal qēt.3So no wo mēvētleg m̄ōlm̄ōl kēy a et gengen te en, nataqn̄ēy tem̄geygey bamaygay a metehal, Wa yatkelgi den kēy, napnō nonoy yeh tewiwi.”4Ba ige tin̄qoy nonon mavap van hiy Tigsas so, “?Wō gēn telep me negengen nagay lōme ave? Mahē gōh yeh den napnō.”5Tō Tigsas mēvēhge lokse kēy wo, “?Ba nēbrēyt vēvēh mi kimi?”
Kēy vap so, “Liviyō.”6Tō Tigsas mavap van hiy ige sil so kēy hag hiy hōw lēvētan. Bastō kē melep nēbrēyt liviyō nen, ba mēvēwē Ḡod aē. Tō kē mōtōq woywoy bah en, tō nilep van hiy ige nonon so kēy asēg van hiy ige sil. Tō kēy mak qeleanen.7Ba yatkel mōmō susu se aē. Tō Tigsas matatay goy bah nōmōmō geh nen en, tō kē nilep van hiy ige nonon so kēy aseg se van hiy ige sil en.8Ige sil del megen toqsis qēt, tō lēkle gengen, ige nonon mehn̄ēn yakyak nagayte gengen a kēy megengen lēlēge tō en, natbey liviyō.9Ige sil a megen negengen nan en, ikēy tege tey vag vet, ba meptah ēwē ige tam̄an. Tō me atgiy, Tigsas nivētleg m̄ōlm̄ōl kēy lepnō nonoy.10Wa Tigsas tiwag mi ige tin̄qoy nonon van tō yem kal ēgē lōbō-ōt, tō kēy van dēn̄ mahē vitwag nahan Dalmanuta.11Tō yatkel Farisi mavan me tō meqtēg vēyvavaleh mi Tigsas. Kēy soksok nēvēglal den lōtōk en so helet etgal kē.12Ba Tigsas moyon̄teg nehet yeh lēdēmdēm nonon, tō kē mōm̄ōkheg apap aē ba mavap so, “?Bahap tō kimi qiyig gōh nemyōs so et nēvēglal? Hēyhēywē, nok vap van hiy kimi so kimi tit et vēhte nēvēglal qeleanen.”13Tō Tigsas nivan veteg ige Farisi, tō niyem lokse lōbō-ōt nen, tō nivan tekel bē liwo.14Ba ige non Tigsas mololqōn̄ so lep te gengen se, veg kēy melep nēbrēyt vitwag woy ēwē lōbō-ōt.15Tō Tigsas mohole vētday van hiy kēy so, “Kimi etgoy galsi kimi den nis nonon ige Farisi wa nis non Herod.”16Tō kēy vēy hohole lok hiy kēy mahgey so, “Kē mohole qelenen veg gēn et lep teme nēbrēyt.”17Ba Tigsas nēglal nēdēmdēm nonoy, tō kē mavap so, “?Bahap tō kimi vēy hohole hiy kimi so nēbrēyt tateh? ?Qeleave, kimi et et vēglal qete? !Niqtimi namaymay a namaymay wowoh!18Namtami aē, ba kimi et et vēglal te nahap vitwag. Nēdēln̄ami aē, ba kimi et yon̄teg vēglal te nahap vitwag. ?Wō kimi mal lolqōn̄ nahap a gēn mak tō ōk?19?Mahē a no melep nēbrēyt tēvēlēm, no mōtōq woywoy tō melep van hiy ige tey vag tēvēlēm, me atgiy, kimi mehn̄ēn yak nagayte gengen nen natbey vēvēh?”
Tō kēy vap so, “Natbey son̄wul nanm̄e vōyō.”20Tō Tigsas mavap lokse so, “?Vētmahē a no melep nēbrēyt liviyō tō mepn̄en ige sil tey vag vet, me atgiy kimi mehn̄ēn yak nagayte gengen natbey vēvēh?”
Kēy mavap so, “Liviyō.”21Tō Tigsas mavap van hiy ige nonon so, “?Ba qeleave, kimi et et vēglal qete no?”22Tō Tigsas tiwag mi ige nonon mavan heylō me lelqelqevōnō n̄a Bētsayta. Tō yatkel et mavantēy me namatbē vitwag hiy Tigsas, tō kēy mēvēhge maymay Tigsas so kē nitan̄ namnen apwon so niak wē kē.23Tō Tigsas mētēy namnen namatbe nan, tō nivantēy yak kē den nalo vōnō. Tō kē minih van lemtan namatbē nan, ba mōm̄ōk namnen apwon, tō nivēhge kē so, “?Wō nēk net vēglal yatkel haphap?”24Tō net nan met kal hag, ba metet kēlkēl tō kē mavap so, “O-oh, no met ige et kēy vanvan kēlkēl, ba ikēy qeleso nēqētēnge ēwē.”25Tō Tigsas nitan̄ lokse namnen n̄a lemtan namatbē en, tō kē metet, wah, namtan niwē galgalsi.26Tō Tigsas mohole maymay van hiy kē so, “Nēk nitog vanvan lokse van lelo vōnō anen, ba nēk m̄ōl togolgol n̄a lepnō nōnōm.”27Tō Tigsas tiwag mi ige tin̄qoy nonon mavan me den Bētsayta a Kalili, tō kēy mavan vel vōnō susu sisqet Sisaria Filipae. Mahē a kēy vanvan me metehal nen, ba kē mēvēhge van hiy ige tin̄qoy wo, “?Ige sil vap so ino ihē?”28Tō kēy meplu goy kē so, “Yatkel et vap so inēk Jon Vasugyon̄, ba yatkel et vap so inēk Elijah, net lēgēlgēg non Ḡod. Wa yatkel et vap so inēk vitwag den ige et lēgēlgēg non Ḡod tam̄ag.”29Tō Tigsas mēvēhge kēy wo, “?Ba kimi vap so ino ihē?”
Pita meplu goy kē so, “Inēk Kraēs.”30Tō Tigsas mōlgontegoy kēy so nitog vasemlō nohohole gōh van hiy ige sil, so ikē Kraēs.31Tō Tigsas meqtēg vatvatne ige nonon, ba kē mavap so, “Ninti Et toyon̄memeh liwo. Ige et lililwo, tiwag mi ige lililwo goy ige pris, wa ige vatvatgo Bele en, kēy tet buste kē. Tō kēy tuwuh mat kē, ba lēkle qōn̄ vētēl en kē tēh lokse.”32Tigsas mavasemlō nohohole gōh van hiy ige nonon a nemtawle galsi. Ba Pita melep kē tekel metehal tō niqtēg hole maymay van hiy Tigsas so nigatgoy kē.33Ba Tigsas mat kēlē me hiy ige nonon, tō kē nihole maymay van hiy Pita. Kē mavap so, “Satan, nēk vayak den no. Nēdēmdēm nōnōm et dēmdēm non Ḡod te, ba nēdēmdēm non net vēlēs.”34Tigsas mōlōl me ige sil tiwag mi ige tin̄qoy nonon, so kēy van me hiy kē, tō kē nivap van hiy kēy so, “Net wo nemyōs so nidam tatag no, kē nitēygoy nēdēmdēm nonon den nahap a kē mahgen nemyōs, tō kē niywu nowolwol nonon, tō nidam tatag no.35Net mey a nemyōs so nivaēh nēh nonon lemyam gōh en, kē tak qelen̄ nēh nonon. Ba net a nēh nonon teqlen̄ veg no, wa veg boyoy ēwē mino en, kē tetsas nēh lap.36?So net wo nilep qēt nahaphap del a kē nemyōs lemyam gōh en, ba nēh nonon niqlen̄ aē, wo itōk mi kē?37?Wō nahap aē lemyam a so tēwēl yak nēh non net den namatmat?38Net a nataqn̄ēn nimamayge so nivasemlō nahek wa nohohole mino lengon ige gengenyeg a nitig kēlē Ḡod qiyig gōh en, Ninti Et tēlēn̄lēn̄teg se kē babah ne qōn̄, mahē kē nivan me mi nēlēn̄as non Imam, wa tiwag mi ige in̄sel yon̄.”
Kēy vap so, “Liviyō.”6Tō Tigsas mavap van hiy ige sil so kēy hag hiy hōw lēvētan. Bastō kē melep nēbrēyt liviyō nen, ba mēvēwē Ḡod aē. Tō kē mōtōq woywoy bah en, tō nilep van hiy ige nonon so kēy asēg van hiy ige sil. Tō kēy mak qeleanen.7Ba yatkel mōmō susu se aē. Tō Tigsas matatay goy bah nōmōmō geh nen en, tō kē nilep van hiy ige nonon so kēy aseg se van hiy ige sil en.8Ige sil del megen toqsis qēt, tō lēkle gengen, ige nonon mehn̄ēn yakyak nagayte gengen a kēy megengen lēlēge tō en, natbey liviyō.9Ige sil a megen negengen nan en, ikēy tege tey vag vet, ba meptah ēwē ige tam̄an. Tō me atgiy, Tigsas nivētleg m̄ōlm̄ōl kēy lepnō nonoy.10Wa Tigsas tiwag mi ige tin̄qoy nonon van tō yem kal ēgē lōbō-ōt, tō kēy van dēn̄ mahē vitwag nahan Dalmanuta.11Tō yatkel Farisi mavan me tō meqtēg vēyvavaleh mi Tigsas. Kēy soksok nēvēglal den lōtōk en so helet etgal kē.12Ba Tigsas moyon̄teg nehet yeh lēdēmdēm nonon, tō kē mōm̄ōkheg apap aē ba mavap so, “?Bahap tō kimi qiyig gōh nemyōs so et nēvēglal? Hēyhēywē, nok vap van hiy kimi so kimi tit et vēhte nēvēglal qeleanen.”13Tō Tigsas nivan veteg ige Farisi, tō niyem lokse lōbō-ōt nen, tō nivan tekel bē liwo.14Ba ige non Tigsas mololqōn̄ so lep te gengen se, veg kēy melep nēbrēyt vitwag woy ēwē lōbō-ōt.15Tō Tigsas mohole vētday van hiy kēy so, “Kimi etgoy galsi kimi den nis nonon ige Farisi wa nis non Herod.”16Tō kēy vēy hohole lok hiy kēy mahgey so, “Kē mohole qelenen veg gēn et lep teme nēbrēyt.”17Ba Tigsas nēglal nēdēmdēm nonoy, tō kē mavap so, “?Bahap tō kimi vēy hohole hiy kimi so nēbrēyt tateh? ?Qeleave, kimi et et vēglal qete? !Niqtimi namaymay a namaymay wowoh!18Namtami aē, ba kimi et et vēglal te nahap vitwag. Nēdēln̄ami aē, ba kimi et yon̄teg vēglal te nahap vitwag. ?Wō kimi mal lolqōn̄ nahap a gēn mak tō ōk?19?Mahē a no melep nēbrēyt tēvēlēm, no mōtōq woywoy tō melep van hiy ige tey vag tēvēlēm, me atgiy, kimi mehn̄ēn yak nagayte gengen nen natbey vēvēh?”
Tō kēy vap so, “Natbey son̄wul nanm̄e vōyō.”20Tō Tigsas mavap lokse so, “?Vētmahē a no melep nēbrēyt liviyō tō mepn̄en ige sil tey vag vet, me atgiy kimi mehn̄ēn yak nagayte gengen natbey vēvēh?”
Kēy mavap so, “Liviyō.”21Tō Tigsas mavap van hiy ige nonon so, “?Ba qeleave, kimi et et vēglal qete no?”22Tō Tigsas tiwag mi ige nonon mavan heylō me lelqelqevōnō n̄a Bētsayta. Tō yatkel et mavantēy me namatbē vitwag hiy Tigsas, tō kēy mēvēhge maymay Tigsas so kē nitan̄ namnen apwon so niak wē kē.23Tō Tigsas mētēy namnen namatbe nan, tō nivantēy yak kē den nalo vōnō. Tō kē minih van lemtan namatbē nan, ba mōm̄ōk namnen apwon, tō nivēhge kē so, “?Wō nēk net vēglal yatkel haphap?”24Tō net nan met kal hag, ba metet kēlkēl tō kē mavap so, “O-oh, no met ige et kēy vanvan kēlkēl, ba ikēy qeleso nēqētēnge ēwē.”25Tō Tigsas nitan̄ lokse namnen n̄a lemtan namatbē en, tō kē metet, wah, namtan niwē galgalsi.26Tō Tigsas mohole maymay van hiy kē so, “Nēk nitog vanvan lokse van lelo vōnō anen, ba nēk m̄ōl togolgol n̄a lepnō nōnōm.”27Tō Tigsas tiwag mi ige tin̄qoy nonon mavan me den Bētsayta a Kalili, tō kēy mavan vel vōnō susu sisqet Sisaria Filipae. Mahē a kēy vanvan me metehal nen, ba kē mēvēhge van hiy ige tin̄qoy wo, “?Ige sil vap so ino ihē?”28Tō kēy meplu goy kē so, “Yatkel et vap so inēk Jon Vasugyon̄, ba yatkel et vap so inēk Elijah, net lēgēlgēg non Ḡod. Wa yatkel et vap so inēk vitwag den ige et lēgēlgēg non Ḡod tam̄ag.”29Tō Tigsas mēvēhge kēy wo, “?Ba kimi vap so ino ihē?”
Pita meplu goy kē so, “Inēk Kraēs.”30Tō Tigsas mōlgontegoy kēy so nitog vasemlō nohohole gōh van hiy ige sil, so ikē Kraēs.31Tō Tigsas meqtēg vatvatne ige nonon, ba kē mavap so, “Ninti Et toyon̄memeh liwo. Ige et lililwo, tiwag mi ige lililwo goy ige pris, wa ige vatvatgo Bele en, kēy tet buste kē. Tō kēy tuwuh mat kē, ba lēkle qōn̄ vētēl en kē tēh lokse.”32Tigsas mavasemlō nohohole gōh van hiy ige nonon a nemtawle galsi. Ba Pita melep kē tekel metehal tō niqtēg hole maymay van hiy Tigsas so nigatgoy kē.33Ba Tigsas mat kēlē me hiy ige nonon, tō kē nihole maymay van hiy Pita. Kē mavap so, “Satan, nēk vayak den no. Nēdēmdēm nōnōm et dēmdēm non Ḡod te, ba nēdēmdēm non net vēlēs.”34Tigsas mōlōl me ige sil tiwag mi ige tin̄qoy nonon, so kēy van me hiy kē, tō kē nivap van hiy kēy so, “Net wo nemyōs so nidam tatag no, kē nitēygoy nēdēmdēm nonon den nahap a kē mahgen nemyōs, tō kē niywu nowolwol nonon, tō nidam tatag no.35Net mey a nemyōs so nivaēh nēh nonon lemyam gōh en, kē tak qelen̄ nēh nonon. Ba net a nēh nonon teqlen̄ veg no, wa veg boyoy ēwē mino en, kē tetsas nēh lap.36?So net wo nilep qēt nahaphap del a kē nemyōs lemyam gōh en, ba nēh nonon niqlen̄ aē, wo itōk mi kē?37?Wō nahap aē lemyam a so tēwēl yak nēh non net den namatmat?38Net a nataqn̄ēn nimamayge so nivasemlō nahek wa nohohole mino lengon ige gengenyeg a nitig kēlē Ḡod qiyig gōh en, Ninti Et tēlēn̄lēn̄teg se kē babah ne qōn̄, mahē kē nivan me mi nēlēn̄as non Imam, wa tiwag mi ige in̄sel yon̄.”
The Seed Company