Mak6
1Tigsas mukēg mahē nen, tō nivan lokse litiy vōnō nonon n̄a Nasaret, ba ige nonon mavan tatag kē.2Ba Lōqōn̄ M̄ōkheg, Tigsas meqtēg vatvatne n̄a lelo ēm̄ tatay. Ba mahē a ige sil moyon̄teg vel hohole del nonon en, kēy mamamakē aē a nēkēkēn, tō kēy vap so, “!Ēy! ?Wō kē melep nahaphap del gōh lōme ave? ?Tō kē melep nololmeyen gōh qeleave? ?Qeleave tō kē mak naphah nen?3Gēn nēglal kē. Ikē net bowoswos ēm̄, tita nonon Mere. Ēthēn wa Jemes, Jōsēp, Judas ba Simon. Ba ige yatētētan tog tiwag tō mi gēn agōh.” Ba kēy et malaklak te veg kē, kēy et buste kē.4Tō Tigsas mavap van hiy kēy so, “Ba net lēgēlgēg non Ḡod en, ige sil telepnō tegha tēdēmap kē. Ba ige telepnō nonon tiwag mi tiy ige nonon, kēy tit dēmap vēhte kē.”5Tō Tigsas et ak hōn te naphah lepnō anen, ba kē matan̄ ēwē namnen apwon yatkel gom, tō kēy mēwē lokse.6Ba Tigsas mamamakē aē a nēkēkēn veg ige sil telepnō nonon et dēmtig te kē. Tigsas mēvētleg lō ige hal nonon son̄wul nanm̄e vōyō, so kēy toytoy
Tō Tigsas mavan kēlkēl, kē mavan heylō me lepnō geh me nen, tō nivatvatne ige sil.7Bahnentō Tigsas mōlōl tiwag me ige hal nonon son̄wul nanm̄e vōyō, tō kē mavap van hiy kēy so, “Kimi wo mavan vel vōnō ba kimi vanvan vōvōyō lepnō vitwag.” Tō kē melep van naman hiy kēy so kēy vōy yak nuvu het den ige et.8Tō Tigsas mavap lokse van hiy kēy so, “Kimi wo mavan ba nitog tēytēy te hap bavanvan tēy lemtehal, qeleso, negengen, si natan̄ haphap, si nēsēm, ba kimi tēy ēwē nēqētōwtōw.9Ba atmi hey nasandol, ba nitog leplep se neleleh nonmi; atmi vantēy vēlēs mey a kimi hey tō anen.10Mahē a kimi wo mavan me lepnō vitwag en, ihēte den kēy wo melep vasgēt kimi, atmi tog vēlēs a lēm̄ nonon, gaydēn̄ a kimi van den napnō anen.11Sowo yatkel vōnō et lep vasgēt te kimi lēm̄ nonoy, kēy et yon̄teg te kimi, atmi vanyak den napnō nonoy. Ba atmi ohyeg veteg nēvētan den nayn̄omi veg ige telepnō anen. Igōhkē nēvēglal hiy kēy veg kēy mak nage mey a et tenenen te.”12Tō kēy van tō toytoy van hiy ige sil so kēy wulyis nēdēmdēm nonoy den negengenyeg.13Bahnentō kēy vōy lōlō woqse vu het den ige et, tō kēy lōwyeg nisim van hiy woqse et gom, tō kēy mēwē lok.14Ba Nēqēt Mayanag Herod moyon̄teg noyoy veg Tigsas, veg ige sil del hohole gatay kē a vel vōnō del en. Yatkel et vap so, “Wun Jon Vasugyon̄ mēh lokse den namatmat, tō naman nonon aē bakak vahah en.”15Ba yatkel et vap so, “Wun ikē Elijah.” Bahnentō yatkelgi den kēy vap so, “Wun ikē net lēgēlgēg vitwag qele ige et lēgēlgēg tam̄ag.”16Mahē a Herod moyon̄teg noyoy geh gōh en, tō kē mavap so, “Igōhkē Jon Vasugyon̄ a no mehelm̄ēt tō nēnlon, ikē mēh lok me anen.”17Veg am̄ag Herod muwuhmat Jon so ak malaklak Herodias. Nakaka qelegēn. Am̄ag nalqōvēn Herodias en, ikē ēgnōn Filip a ēthēn Herod. Ba Herod mewseg Herodias den ēthēn tō nileg mi kē. Bastō Jon mohole tō van hiy Herod so, “Nele magatgoy so nēk tit leg vēhte mi ēgnōn ithi.” Ba veg bohohole gōh, Herodias mamatwolwol tō mi Jon, tō kē nemyōs so niwuh mat kē. Ba Herod et ukēg te kē veg Herod nemtēgteg. Herod nemtēgteg Jon veg kē nēglal so Jon net tenenen a noyon̄ hiy Ḡod, wa kē netgoy kē. Ba Herod mōm̄ōk Jon lēm̄ yētyēt ēwē. Mahē a kē moyon̄teg nohohole nonon Jon en, nohohole nan mowontig mi kē, ba kē nemlaklak vaga so niyon̄teg.21Lōqōn̄ vitwag, Herod mak negengen liwo bōqōn̄ wotwot nonon. Tō kē mēvētleg goy ige lililwo del a leln̄e mayanag nonon tiwag mi ige m̄agoy ige bepgapgal nonon, wa ige lililwo del Takalili so kēy van me bōqōn̄ wotwot nonon. Igōhkē namtehal a Herodias metsas so Jon tamat vēh aē.22Mahē Herod nimlaklak tiwag mi ige sil nen wah, nam̄alm̄al nonon Herodias nihayveg hay me tō nilaklak van lengoy. Tō kēy del memlaklak aē a nēkēkēn. Tō Herod mavap van hiy nam̄alm̄al en so, “Nahap te a nēk vēhge en, no telep van hiy nēk.”23Tō kē mavatvat maymay van hiy nam̄alm̄al en so, “Nahap te a nēk mōyōs den no en, no telep van hiy nēk, sowo yatkel yōnyōntey mino, no telep van hiy nēk.”24Kē moyon̄teg bah qelenen, tō kē nikalō ēgē tō nivap van hiy tita nonon wo, “?Wō no tēvēhge vēh nahap?”
Tita nonon meplu goy so, “Nēqtēn Jon Vasugyon̄.”25Bastō kē niplag lok me hiy mayanag, tō kē mavap van hiy kē so, “No nemyōs so nēk lep nēqtēn Jon Vasugyon̄, nēk m̄ōk veteg hōw letbey su, ba lep me hiy no a yipteg agōh.”26Mahē a mayanag moyon̄teg bah nohohole gōh en, kē mololwon a nēkēkēn. Ba veg kē mal vatvat maymay vatag a lengon ige del, tō kē tit leh vēhte nohohole nonon.27Tō vag tiwag ēwē kē nivētleg net vagapgal vitwag so nivan tēy me nēqtēn Jon. Tō net nan mavan me lēm̄ yētyēt nen tō nihelm̄ēt nēqtēn Jon,28ba mōm̄ōk hōw letbey su, ba melep me tō mohog van hiy nam̄alm̄al en. Tō nam̄alm̄al nan nihog van hiy tita nonon ēgēn.29Mahē a ige nonon Jon moyon̄teg noyoy veg kē, tō kēy van me tō lep nataqn̄ēn, tō tivig lelo qayan̄ a leqyo vet.30Tigsas mēvētleg tō ige hal bemgumgu vel vōnō, tō me atgiy en, kēy mōm̄ōl lok me hiy kē ba mavasemlō nahaphap del a kēy mak wa mavatne tō ige sil aē.31Tō Tigsas mavap van hiy ige nonon so, “Atmi van me. Gēn van mahē a net tateh aē, tō gēn m̄ōkheg tusu.” Veg woqse et vanvan me hiy Tigsas, yatkelgi vanvan me, yatkelgi m̄ōlm̄ōl lok, ak tō so Tigsas tiwag mi ige nonon tateh mahē geh a so kēy m̄ōkheg begengen.32Tō Tigsas tiwag mi ige nonon melep nōbō-ōt nen, tō kēy van me mahē vitwag a tateh et aē.33Ba mahē a Tigsas kēy mavan en, woqse et netgeh a kēy mēqyeg, tō met vēglal kēy. Tō ige sil gōh mahatig den napnō nonoy del, tō kēy meskiyak lō aslil tō mēdēn̄ me am̄ag mahē a Tigsas so nivan me aē en.34Vētmahē a Tigsas mevey kal hay aslil en, kē met a nisil liwo taqtō anen. Tō kē memgaysēn kēy, veg ikēy qeleso ige sipsip a tateh et so nietgoy kēy. Tō kē mavatne kēy mi woqse haphap.35Yipteg mahē nimyēpyep, tō ige non Tigsas mavan me hiy kē, tō kēy vap so, “Vētmahē gōh tateh gengen geh, ba yipteg nalo niyoy.36Itōk so nēk vētleg m̄ōlm̄ōl ige gōh tō kēy van lēm̄ wa lepnō a sisqet geh me agōh, tō kēy wēl negengen.”37Ba Tigsas mavap van hiy kēy so, “Atmi lep van negengen hiy kēy.”
Tō ige nonon mavap van hiy kē so, “?Qeleave? ?Nēk nemyōs so kemem wēl negengen mi nēsēm tey vagyō so ven̄en kēy aē?”38Tō Tigsas mavap van hiy kēy so, “?Wō nēbrēyt vēvēh aē nen? Atmi van ba et.”
Kēy metsas bah en, tō kēy mavap van hiy kē so, “Tēvēlēm wōy, tiwag mi nōmōmō wōy vōyō.”39Tō Tigsas mavap van hiy ige sil so kēy haghiy how liviwti vivitwag loyoplih m̄am̄al anen.40Tō ige sil mahaghiy hōw lēvēwti a nam̄adeg, yatkel viwti net m̄eldēl vag tiwag, ba yatkel viwti, ikēy son̄wul tēvēlēm.41Bahnentō Tigsas melep nēbrēyt tēvēlēm, tiwag mi nōmōmō vōyō nen, tō kē matkal hag alge ba mēvēwē Ḡod aē. Tō kē mōtōq woywoy nēbrēyt nan, ba melep van hiy ige tin̄qoy, tō kēy asēg van hiy ige sil. Bastō kē mōtōq lalat nōmōmō vōyō se qelenen, tō masēg se van hiy kēy.42Tō ige del megen a natqay misis qēt.43Tō kēy mehn̄ēn yakyak nagayte gengen a kēy megengen lēlēge tō en, natbey son̄wul nanm̄e vōyō a noy geh.44Nisil a megen negengen gōh, ikēy tey vag tēvēlēm, ba meptah vēlēs ige tam̄an.45Tō Tigsas mavap van hiy ige tin̄qoy nonon so kēy yem ēgē lōbō-ōt, ba hō am̄ag tekel bē liwo, tō kēy van n̄a lelqelqevōnō vitwag, nahan Bētsayta. Ba Tigsas mahag qōtō so nivētleg m̄ōlm̄ōl ige sil lepnō nonoy.46Tō mahē a Tigsas mavap anqōn̄ nēwē bah hiy kēy en, tō kē nivēykal hag luwutwut tō kē nitatay.47Vētmahē a niqtēg mēlēglēg en, nōbō-ōt mal dēn̄ me lēvētne bē liwo, ba Tigsas mahgen lapgetō aslil.48Ba Tigsas netgeh a kēy hōhō tō lōbō-ōt en. Ba kēy yon̄teg nememeh bōhōhō, veg kēy hōhō goy namte len̄. Ba mahē ninognog meyen me wah, Tigsas nivan me hiy kēy, a kē nivanvan apwo bē. Tō Tigsas nivan basay kēy so nivan tasga.49Ba mahē a kēy met kē a nivanvan me apwo bē en, ba kēy dēmdēm so natmat. Tō kēy gaygayka ēgēn,50veg kēy del met kē, tō kēy memtēgteg a nēkēkēn. Ba Tigsas mavap ēgē van hiy kēy so, “Tig maymay. !Ino agōh! Kimi nitog mētēgteg.”51Tō Tigsas niyem kal hag hiy kēy nen, wah, nelen̄ nitay. Tō kēy mamamakē aē a nēkēkēn,52veg kēy et ēglal m̄ōleg te nitiy dēmdēm ne vahah a Tigsas mak tō en, a bēbrēyt tēvēlēm. Veg nēqtēy namaymay wowoh.53Tigsas tiwag mi ige tin̄qoy mavan lege lēbē liwo nen, mēdēn̄ napnō vitwag, nahan Kēnēsaret, tō kēy mēlēg maymay nōbō-ōt van anen.54Ba mahē a kēy mēvēykal hay aslil, ige telepnō nen met vēglal Tigsas.55Tō kēy siksikyak vel vōnō, tō vēl me ige gom. Kēy mahah me ige gom a leqe nonoy, tō vantēy kēy me hiy Tigsas avetē kē aē.56Vel mahē a kē nivan aē en, kēy vantēy me ige gom hiy kē. Ige telepnō susu wa lelqelqevōnō, wa vel vōnō tegtegha geh me anen, ba kēy leveteg ige gom del a tenepnō. Tō kēy vēhge Tigsas so kē niukēg ige gom so tan̄qal ēwē nagloglo malmal nonon. Tō ige del a kēy mak qelenen en, kēy mēwē lokse.
Tō Tigsas mavan kēlkēl, kē mavan heylō me lepnō geh me nen, tō nivatvatne ige sil.7Bahnentō Tigsas mōlōl tiwag me ige hal nonon son̄wul nanm̄e vōyō, tō kē mavap van hiy kēy so, “Kimi wo mavan vel vōnō ba kimi vanvan vōvōyō lepnō vitwag.” Tō kē melep van naman hiy kēy so kēy vōy yak nuvu het den ige et.8Tō Tigsas mavap lokse van hiy kēy so, “Kimi wo mavan ba nitog tēytēy te hap bavanvan tēy lemtehal, qeleso, negengen, si natan̄ haphap, si nēsēm, ba kimi tēy ēwē nēqētōwtōw.9Ba atmi hey nasandol, ba nitog leplep se neleleh nonmi; atmi vantēy vēlēs mey a kimi hey tō anen.10Mahē a kimi wo mavan me lepnō vitwag en, ihēte den kēy wo melep vasgēt kimi, atmi tog vēlēs a lēm̄ nonon, gaydēn̄ a kimi van den napnō anen.11Sowo yatkel vōnō et lep vasgēt te kimi lēm̄ nonoy, kēy et yon̄teg te kimi, atmi vanyak den napnō nonoy. Ba atmi ohyeg veteg nēvētan den nayn̄omi veg ige telepnō anen. Igōhkē nēvēglal hiy kēy veg kēy mak nage mey a et tenenen te.”12Tō kēy van tō toytoy van hiy ige sil so kēy wulyis nēdēmdēm nonoy den negengenyeg.13Bahnentō kēy vōy lōlō woqse vu het den ige et, tō kēy lōwyeg nisim van hiy woqse et gom, tō kēy mēwē lok.14Ba Nēqēt Mayanag Herod moyon̄teg noyoy veg Tigsas, veg ige sil del hohole gatay kē a vel vōnō del en. Yatkel et vap so, “Wun Jon Vasugyon̄ mēh lokse den namatmat, tō naman nonon aē bakak vahah en.”15Ba yatkel et vap so, “Wun ikē Elijah.” Bahnentō yatkelgi den kēy vap so, “Wun ikē net lēgēlgēg vitwag qele ige et lēgēlgēg tam̄ag.”16Mahē a Herod moyon̄teg noyoy geh gōh en, tō kē mavap so, “Igōhkē Jon Vasugyon̄ a no mehelm̄ēt tō nēnlon, ikē mēh lok me anen.”17Veg am̄ag Herod muwuhmat Jon so ak malaklak Herodias. Nakaka qelegēn. Am̄ag nalqōvēn Herodias en, ikē ēgnōn Filip a ēthēn Herod. Ba Herod mewseg Herodias den ēthēn tō nileg mi kē. Bastō Jon mohole tō van hiy Herod so, “Nele magatgoy so nēk tit leg vēhte mi ēgnōn ithi.” Ba veg bohohole gōh, Herodias mamatwolwol tō mi Jon, tō kē nemyōs so niwuh mat kē. Ba Herod et ukēg te kē veg Herod nemtēgteg. Herod nemtēgteg Jon veg kē nēglal so Jon net tenenen a noyon̄ hiy Ḡod, wa kē netgoy kē. Ba Herod mōm̄ōk Jon lēm̄ yētyēt ēwē. Mahē a kē moyon̄teg nohohole nonon Jon en, nohohole nan mowontig mi kē, ba kē nemlaklak vaga so niyon̄teg.21Lōqōn̄ vitwag, Herod mak negengen liwo bōqōn̄ wotwot nonon. Tō kē mēvētleg goy ige lililwo del a leln̄e mayanag nonon tiwag mi ige m̄agoy ige bepgapgal nonon, wa ige lililwo del Takalili so kēy van me bōqōn̄ wotwot nonon. Igōhkē namtehal a Herodias metsas so Jon tamat vēh aē.22Mahē Herod nimlaklak tiwag mi ige sil nen wah, nam̄alm̄al nonon Herodias nihayveg hay me tō nilaklak van lengoy. Tō kēy del memlaklak aē a nēkēkēn. Tō Herod mavap van hiy nam̄alm̄al en so, “Nahap te a nēk vēhge en, no telep van hiy nēk.”23Tō kē mavatvat maymay van hiy nam̄alm̄al en so, “Nahap te a nēk mōyōs den no en, no telep van hiy nēk, sowo yatkel yōnyōntey mino, no telep van hiy nēk.”24Kē moyon̄teg bah qelenen, tō kē nikalō ēgē tō nivap van hiy tita nonon wo, “?Wō no tēvēhge vēh nahap?”
Tita nonon meplu goy so, “Nēqtēn Jon Vasugyon̄.”25Bastō kē niplag lok me hiy mayanag, tō kē mavap van hiy kē so, “No nemyōs so nēk lep nēqtēn Jon Vasugyon̄, nēk m̄ōk veteg hōw letbey su, ba lep me hiy no a yipteg agōh.”26Mahē a mayanag moyon̄teg bah nohohole gōh en, kē mololwon a nēkēkēn. Ba veg kē mal vatvat maymay vatag a lengon ige del, tō kē tit leh vēhte nohohole nonon.27Tō vag tiwag ēwē kē nivētleg net vagapgal vitwag so nivan tēy me nēqtēn Jon. Tō net nan mavan me lēm̄ yētyēt nen tō nihelm̄ēt nēqtēn Jon,28ba mōm̄ōk hōw letbey su, ba melep me tō mohog van hiy nam̄alm̄al en. Tō nam̄alm̄al nan nihog van hiy tita nonon ēgēn.29Mahē a ige nonon Jon moyon̄teg noyoy veg kē, tō kēy van me tō lep nataqn̄ēn, tō tivig lelo qayan̄ a leqyo vet.30Tigsas mēvētleg tō ige hal bemgumgu vel vōnō, tō me atgiy en, kēy mōm̄ōl lok me hiy kē ba mavasemlō nahaphap del a kēy mak wa mavatne tō ige sil aē.31Tō Tigsas mavap van hiy ige nonon so, “Atmi van me. Gēn van mahē a net tateh aē, tō gēn m̄ōkheg tusu.” Veg woqse et vanvan me hiy Tigsas, yatkelgi vanvan me, yatkelgi m̄ōlm̄ōl lok, ak tō so Tigsas tiwag mi ige nonon tateh mahē geh a so kēy m̄ōkheg begengen.32Tō Tigsas tiwag mi ige nonon melep nōbō-ōt nen, tō kēy van me mahē vitwag a tateh et aē.33Ba mahē a Tigsas kēy mavan en, woqse et netgeh a kēy mēqyeg, tō met vēglal kēy. Tō ige sil gōh mahatig den napnō nonoy del, tō kēy meskiyak lō aslil tō mēdēn̄ me am̄ag mahē a Tigsas so nivan me aē en.34Vētmahē a Tigsas mevey kal hay aslil en, kē met a nisil liwo taqtō anen. Tō kē memgaysēn kēy, veg ikēy qeleso ige sipsip a tateh et so nietgoy kēy. Tō kē mavatne kēy mi woqse haphap.35Yipteg mahē nimyēpyep, tō ige non Tigsas mavan me hiy kē, tō kēy vap so, “Vētmahē gōh tateh gengen geh, ba yipteg nalo niyoy.36Itōk so nēk vētleg m̄ōlm̄ōl ige gōh tō kēy van lēm̄ wa lepnō a sisqet geh me agōh, tō kēy wēl negengen.”37Ba Tigsas mavap van hiy kēy so, “Atmi lep van negengen hiy kēy.”
Tō ige nonon mavap van hiy kē so, “?Qeleave? ?Nēk nemyōs so kemem wēl negengen mi nēsēm tey vagyō so ven̄en kēy aē?”38Tō Tigsas mavap van hiy kēy so, “?Wō nēbrēyt vēvēh aē nen? Atmi van ba et.”
Kēy metsas bah en, tō kēy mavap van hiy kē so, “Tēvēlēm wōy, tiwag mi nōmōmō wōy vōyō.”39Tō Tigsas mavap van hiy ige sil so kēy haghiy how liviwti vivitwag loyoplih m̄am̄al anen.40Tō ige sil mahaghiy hōw lēvēwti a nam̄adeg, yatkel viwti net m̄eldēl vag tiwag, ba yatkel viwti, ikēy son̄wul tēvēlēm.41Bahnentō Tigsas melep nēbrēyt tēvēlēm, tiwag mi nōmōmō vōyō nen, tō kē matkal hag alge ba mēvēwē Ḡod aē. Tō kē mōtōq woywoy nēbrēyt nan, ba melep van hiy ige tin̄qoy, tō kēy asēg van hiy ige sil. Bastō kē mōtōq lalat nōmōmō vōyō se qelenen, tō masēg se van hiy kēy.42Tō ige del megen a natqay misis qēt.43Tō kēy mehn̄ēn yakyak nagayte gengen a kēy megengen lēlēge tō en, natbey son̄wul nanm̄e vōyō a noy geh.44Nisil a megen negengen gōh, ikēy tey vag tēvēlēm, ba meptah vēlēs ige tam̄an.45Tō Tigsas mavap van hiy ige tin̄qoy nonon so kēy yem ēgē lōbō-ōt, ba hō am̄ag tekel bē liwo, tō kēy van n̄a lelqelqevōnō vitwag, nahan Bētsayta. Ba Tigsas mahag qōtō so nivētleg m̄ōlm̄ōl ige sil lepnō nonoy.46Tō mahē a Tigsas mavap anqōn̄ nēwē bah hiy kēy en, tō kē nivēykal hag luwutwut tō kē nitatay.47Vētmahē a niqtēg mēlēglēg en, nōbō-ōt mal dēn̄ me lēvētne bē liwo, ba Tigsas mahgen lapgetō aslil.48Ba Tigsas netgeh a kēy hōhō tō lōbō-ōt en. Ba kēy yon̄teg nememeh bōhōhō, veg kēy hōhō goy namte len̄. Ba mahē ninognog meyen me wah, Tigsas nivan me hiy kēy, a kē nivanvan apwo bē. Tō Tigsas nivan basay kēy so nivan tasga.49Ba mahē a kēy met kē a nivanvan me apwo bē en, ba kēy dēmdēm so natmat. Tō kēy gaygayka ēgēn,50veg kēy del met kē, tō kēy memtēgteg a nēkēkēn. Ba Tigsas mavap ēgē van hiy kēy so, “Tig maymay. !Ino agōh! Kimi nitog mētēgteg.”51Tō Tigsas niyem kal hag hiy kēy nen, wah, nelen̄ nitay. Tō kēy mamamakē aē a nēkēkēn,52veg kēy et ēglal m̄ōleg te nitiy dēmdēm ne vahah a Tigsas mak tō en, a bēbrēyt tēvēlēm. Veg nēqtēy namaymay wowoh.53Tigsas tiwag mi ige tin̄qoy mavan lege lēbē liwo nen, mēdēn̄ napnō vitwag, nahan Kēnēsaret, tō kēy mēlēg maymay nōbō-ōt van anen.54Ba mahē a kēy mēvēykal hay aslil, ige telepnō nen met vēglal Tigsas.55Tō kēy siksikyak vel vōnō, tō vēl me ige gom. Kēy mahah me ige gom a leqe nonoy, tō vantēy kēy me hiy Tigsas avetē kē aē.56Vel mahē a kē nivan aē en, kēy vantēy me ige gom hiy kē. Ige telepnō susu wa lelqelqevōnō, wa vel vōnō tegtegha geh me anen, ba kēy leveteg ige gom del a tenepnō. Tō kēy vēhge Tigsas so kē niukēg ige gom so tan̄qal ēwē nagloglo malmal nonon. Tō ige del a kēy mak qelenen en, kēy mēwē lokse.
The Seed Company