Namgumgu Namun Ige Hal15
1Bahnentō, yatkel et mavan me den Judea, tō mavan me Antiok. Tō kēy qētēg vatvatne ige a nēdēmtig so, “So net wo et tep vēglal te nēk tatag van nēvēnamem a Mosis mayap tō en, nēk tit tēy vēhte nēh lap.” 2Tō Pol kōyō Banabas mēvēy vavaleh tiwag mi ige nan. Bastō ige et tēlēm̄ yon̄ metyak yatkel et so vētleg kēy hiy ige hal wa ige lililwo n̄a Jerusalem, so vēhge kēy aē. Tō kēy metyak Pol kōyō Banabas, tiwag mi yatkel et se so van.3Nēm̄ yon̄ memyin̄ kēy bemtehal nonoy so van Jerusalem. Tō kēy mavan heylō napnō Fonisia tiwag mi Samaria, mohoyhoy so qeleave tō ige mey a et Juw te en, kēy mēdēm leh so tatag Ḡod. Mak tō ige dēmtig lelo vōnō nen memlaklak liwo aē.4Mahē kēy mēdēn̄ me Jerusalem en, ige hal tiwag mi ige lililwo, wa ige tēlēm̄ yon̄ del melep vasgēt kēy. Tō Pol kōyō Banabas wa yaplupluyō kaka van hiy kēy nahaphap a Ḡod mak tō heylō kēy.5Bahnentō, ige dēmtig yatkelgi a matatag tō ige Farisi en, kēy hatig tō vap van hiy kēy so, “Ige dēmtig mey a kēy et Juw te en, itōk so tep vēglal kēy. !Tō vatne galsi kēy so dam Nele non Mosis!”6Ige hal tiwag mi ige lililwo ne ēm̄ tatay mahag tiwag so etet heylō van bēdēmdēm nan en.7Tō kēy mēvēy vavaleh bēdēmdēm a nemsin. Tō Simon Pita nitig ketket hag tō nihole van hiy kēy wo, “Yēhē yathithik wa yatētētek, kimi mal ēglal tō aē aso Ḡod metyak no den nēvēwti nongēn, so nok vasemlō noyoy ēwē van hiy ige mey a et Juw te. Ige gōh mētēy noyoy gōh, tō kēy mēdēmtig.8Tō Ḡod nēglal nēdēmdēm non net del. Tō kē melep van Nuvu Yon̄ hiy kēy, qele a kē melep me hiy gēn en. Veg bege gōh en, Ḡod mavasemlō so kē mal lep vasgēt kēy.9!Ḡod et vēlwoy te kēy den gēn, veg kē mak wenwen nalo taqay mi nēdēmtig!10“?Bahap tō kimi mōm̄ōk nētētēy dēw van leqtēg benen ige tin̄qoy? ?Kimi so helhel etgal Ḡod? Nele non Mosis en, kē nētētēy mey a igēn ige Juw tiwag mi ige tamatmayge tit yuwu vēhte.11!Ba gēn nēdēmtig so nasgōp non Tigsas Kraēs nivaēh gēn, wa nivaēh kēy!”12Tō ige del lōyōstiwag mahag yoyon̄, tō kēy yon̄teg hiy nakaka non Banabas kōyō Pol. Kōyō makaka gatay woqse vēglal wa naphah a Ḡod magaleg heylō kōyō lengon ige mey a et Juw te.13Vētmahē kōyō mohohole bah en, tō Jemes nihohole temun. Kē mavap so, “Yēhē yathithik wa yatētētek, atmi yon̄teg me hiy no.14Simon Pita mal vasem me qeleave tō Ḡod metgoy ige a et Juw te, tō mokokm̄egoy ige vēwti nan lahan.15Tō nohohole non ige belgēlgēg netnenen se qelenen, qele a Ḡod mavap tō Layapyap Yon̄ so,16‘Lēkle haphap nen, no tavan lok me.Tō nok wos lokse nēm̄ non Devēt mey a mal saq.Nahap a misisgoy en, no telep kal,tō towos lokse.17Veg bege gōh en ige tegha tosok Welan,ige mino mey a kēy et Juw te, ba kēy nēglal nahek.18Ino Welan, no mavap tō navavap gōhwa no melgēlgēg tō nahaphap gōh tō me am̄ag.’ ”19Tō Jemes nihole tasga so, “Bastō, nok dēmdēm so gēn nitog akak hiy ige a et Juw te, a kēy mal van vatag hiy Ḡod.20Ba itōk so gēn yap te yapyap van hiy kēy qelegēn. Kēy nitog gengen nēphog a kēy molol tō van nototgal vet. Tō nitog legleg solosloteg. Wa tō kēy nitog gengen naday. Wa tog gengen nēphog mey naday aē a net nipgiy goy ēwē nēnlon. 21Veg Nele non Moses, mey am̄ag en, kēy vatah lō vel ēm̄ yon̄, vel vōnō del, wa vel Qōn̄ M̄ōkheg.”22Tō ige hal tiwag mi ige lililwo wa ige del tēlēm̄ yon̄ mēdēmm̄ēt so vētleg yatkel et so van tiwag mi Pol kōyō Banabas n̄a Antiok. Tō kēy metyak Silas kōyō Judas (nahan vitwag Basabas), yoge mey a ige dēmtig del nēdēmap kōyō.23Tō neletes a kēy mēvētleg tiwag mi ige gōh en qelegēn:Den ige hal tiwag mi ige lililwo a ige yathithimi.Hiy ige yathithimem wa yatētētamem mey a et Juw te a lelo vōnō Antiok, Siria, bastō Silisia.!Lemtap nēwē!24Kemem moyon̄teg so yatkel et den gēn mavan me hiy kimi, ba mak hethet kimi mi nohohole nonon, tō kimi mēdēmdēm vōvōyō aē. !Ba kemem et vap te van hiy kēy so kēy so ak qelenen!25
Tō kemem movonm̄ēt so etyak te et se, tō vētleg kēy me hiy kimi. Tō kēy tadam me yoge bulsal sewsew nongēn a Banabas kōyō Pol.26
Yoge gōh et mētēgteg te so kōyō mat lahan Welan nongēn Tigsas Kraēs.27
Bastō kemem mēvētleg Silas kōyō Judas so vap van hiy kimi qele a kemem mayap me hiy kimi agōh.28Veg itōk hiy Nuvu Yon̄, wa itōk hiy kemem, so kemem nitog m̄ōkm̄ōk se van nele dēw hiy kimi. Be kemem nemyōs so lep van le gōh mey a nitiy wē yeh.29
Aso nitog gengen negengen mey a kēy mōlōl tō aē van hiy ḡod galgal, nitog gengen negengen mey a naday aē, wa tō nitog gengen nēphog mey a net mepgiy goy ēwē nēnlon. Wa nitog legleg solosloteg. So kimi wo motog viligteg nahaphap del geh gōh en, tō kimi mak nage mey a nēwē.Vēwē kimi.30Tō ige nen hatig den Jerusalem tō van Antiok. Mahē kēy dēn̄ me Antiok en, tō kēy ōlōl tiwag me ige tēlēm̄ yon̄, tō lep van hiy kēy neletes.31Ige sil meptah lō neletes nen en, tō kēy memlaklak aē a nēkēkēn bohohole vasōsōp.32Judas kōyō Silas en, kōyō yoge belgēlgēg, tō kōyō mavap navavap m̄adeg so vasōsōp ige dēmtig, bastō mavahiy maymay kēy.33Kōyō motog mi ige dēmtig a Antiok nen suvay misin. Tō ige sil a Antiok mēvētleg m̄ōl lokse kōyō hiy ige lililwo a Jerusalem mi natm̄at. 35Tō Pol kōyō Banabas motog lap Antiok. Ba kōyō tiwag mi ige et m̄adeg se mavasemlō noyoy ēwē, wa mavatvatne ige sil mi navavap non Ḡod.36Et misin te Pol nivap van hiy Banabas so, “!Itōk so dōyō van vatēp ige dēmtig lamahē del a dōyō mavasemlō tō navavap non Ḡod aē, tō et so kēy qeleave!”37Tō Banabas nemyōs so Jon Mak nidam tatag kōyō.38Ba Pol et buste veg am̄ag Jon Mak mahaglap tō den kōyō n̄a Pamfilia. Kē et mugumgu tasga te tiwag mi kōyō, ba mōm̄ōl lok den kōyō.39Tō Pol kōyō Banabas mēvēy vavaleh liwo aē, mak tō kōyō mēvēlwoy, tō vanvan vivitwag. Banabas melep Jon Mak, tō kōyō moyow labaklap tō gam hiy Sayprus.40Ba Pol metyak Silas. Tō ige dēmtig del a Antiok en mukēg Pol kōyō van lemnen Ḡod, tō kōyō van.41Tō kōyō mavan heylō napnō Siria tiwag mi Silisia, tō vavap hiy maymay ige lēm̄ yon̄ geh lepnō anen.
Tō kemem movonm̄ēt so etyak te et se, tō vētleg kēy me hiy kimi. Tō kēy tadam me yoge bulsal sewsew nongēn a Banabas kōyō Pol.26
Yoge gōh et mētēgteg te so kōyō mat lahan Welan nongēn Tigsas Kraēs.27
Bastō kemem mēvētleg Silas kōyō Judas so vap van hiy kimi qele a kemem mayap me hiy kimi agōh.28Veg itōk hiy Nuvu Yon̄, wa itōk hiy kemem, so kemem nitog m̄ōkm̄ōk se van nele dēw hiy kimi. Be kemem nemyōs so lep van le gōh mey a nitiy wē yeh.29
Aso nitog gengen negengen mey a kēy mōlōl tō aē van hiy ḡod galgal, nitog gengen negengen mey a naday aē, wa tō nitog gengen nēphog mey a net mepgiy goy ēwē nēnlon. Wa nitog legleg solosloteg. So kimi wo motog viligteg nahaphap del geh gōh en, tō kimi mak nage mey a nēwē.Vēwē kimi.30Tō ige nen hatig den Jerusalem tō van Antiok. Mahē kēy dēn̄ me Antiok en, tō kēy ōlōl tiwag me ige tēlēm̄ yon̄, tō lep van hiy kēy neletes.31Ige sil meptah lō neletes nen en, tō kēy memlaklak aē a nēkēkēn bohohole vasōsōp.32Judas kōyō Silas en, kōyō yoge belgēlgēg, tō kōyō mavap navavap m̄adeg so vasōsōp ige dēmtig, bastō mavahiy maymay kēy.33Kōyō motog mi ige dēmtig a Antiok nen suvay misin. Tō ige sil a Antiok mēvētleg m̄ōl lokse kōyō hiy ige lililwo a Jerusalem mi natm̄at. 35Tō Pol kōyō Banabas motog lap Antiok. Ba kōyō tiwag mi ige et m̄adeg se mavasemlō noyoy ēwē, wa mavatvatne ige sil mi navavap non Ḡod.36Et misin te Pol nivap van hiy Banabas so, “!Itōk so dōyō van vatēp ige dēmtig lamahē del a dōyō mavasemlō tō navavap non Ḡod aē, tō et so kēy qeleave!”37Tō Banabas nemyōs so Jon Mak nidam tatag kōyō.38Ba Pol et buste veg am̄ag Jon Mak mahaglap tō den kōyō n̄a Pamfilia. Kē et mugumgu tasga te tiwag mi kōyō, ba mōm̄ōl lok den kōyō.39Tō Pol kōyō Banabas mēvēy vavaleh liwo aē, mak tō kōyō mēvēlwoy, tō vanvan vivitwag. Banabas melep Jon Mak, tō kōyō moyow labaklap tō gam hiy Sayprus.40Ba Pol metyak Silas. Tō ige dēmtig del a Antiok en mukēg Pol kōyō van lemnen Ḡod, tō kōyō van.41Tō kōyō mavan heylō napnō Siria tiwag mi Silisia, tō vavap hiy maymay ige lēm̄ yon̄ geh lepnō anen.
The Seed Company