1Mukunga ya Etane, mu-Ezelayi.2Mu ke yimbila bumbote ya Yave, bantangu nyonso.Yinwa ya munu ke zabisa kukwikama ya nge bambandu na bambandu.3Ya tsyelika mu vwandaka tuba: «Bumbote ya nge kele ya kutungama ya mankululu,ni na dizulu nge me vwandisaka kukwikama ya nge na ngolo nyonso.»4Nge tubaka: «Mu salaka ngwisani na muntu yina mu soolaka,mu kudyaka ndefi samu na Davidi kisyelo ya munu mutindu yayi:5“Mu ke sala ti bana ya nge kuvwanda bantinu bantangu nyonso.Mu ke vwandisa kiti ya kintinu ya nge bambandu na bambandu.”» Kupema6Yave, bika ti mazulu kukembila mambu ya nge ya ngitukulu!Bika ti mukangu ya bantu ya longo kukembila kukwikama ya nge.7Yave, nani lenda telama na ntadisi ya nge kuna na mazulu?Yave, nani me fwanana na nge, na kati ya bana ya Nzambi?8Nzambi kele Nzambi ya nsisi na kati ya lukutakanu ya balongo,yandi kele Nzambi ya lulendo samu na bayina ke zungaka yandi.9Yave, Mfumu ya Binwani, nani kele na lulendo mutindu nge?Yave, kukwikama ya nge me zungidilaka nge.10Ni nge ke yalaka na zulu ya lunangu ya mubu,ntangu bimpo ya yawu ke nangukaka, ni nge ke dingimisaka yawu.11Ni nge nikaka yinsi ya Ngipiti mutindu muntu ya kufwa,nge mwangisaka bambeni ya nge na diboko ya nge ya lulendo.12Mazulu kele ya nge, ntoto mpe kele ya nge.Ni nge yidikaka yinza mpe nyonso yina ke na kati ya yinza.13Ni nge yidikaka node na sude,mongo ya Tabole na mongo ya Elemone ke yangalalaka na Nkumbu ya nge.14Diboko ya nge kele na ngolo mingi,diboko ya nge kele na lulendo, diboko ya nge ya lubakala kele ya kuzanguka na zulu ya nyonso.15Ludedomo mpe kusungama kele lufulu ya kiti ya nge ya kintinu,kukwikama mpe butsyelika kele na mantwala ya nge.16Kyese mingi na bantu yina zaba kusala milolo ya nsayi,bawu ke na kutambula na nsemo ya kizizi ya nge Yave.17Na Nkumbu ya nge, bawu ke na kuyangalala ntangu nyonso,bawu ke na kutelama samu na ludedomo ya nge.18Samu ti nge kele nkembo mpe lulendo ya bawu.Ni bumbote ya nge ke pesaka beto ngolo.19Yave kele kinwanunu ya beto yina ke kebaka nzutu,Nzambi ya Longo ya Isayeli kele ntinu ya beto.20Na bantangu ya ntama, nge zonzilaka na bantu ya nge na kati ya lumoni:«Mu me sadisa kinwani mosi ya kibakala.Na kati ya bantu, mu me soola ntwenya, samu ti yandi kuvwanda ntwadisi.21Mu me soola Davidi, kisyelo ya munu,mu me byeka yandi na mafuta ya munu ya longo.22Ni yandi diboko ya munu ke simba,diboko ya munu ke pesa yandi ngolo.23Mbeni ke yitukisa yandi ve,muntu ya yimbi ke talisa ve yandi mpasi.24Mu ke nika mitantu ya yandi,mu ke bula bayina ke yinaka yandi.25Kukwikama mpe bumbote ya munu ke vwanda na yandi,na Nkumbu ya munu, yandi ke vwanda na ngolo mingi.26Mu ke sala ti yandi kuyala mubu,diboko ya yandi ya lubakala ke yala banzadi.27Yandi ke bokila munu na kutuba: “Nge kele tata ya munu,Nge kele Nzambi ya munu, ditadi ya nene yina ke vuukisaka munu!”28Mu ke sala ti yandi kuvwanda mwana ya munu ya ntete,yandi ke vwanda ntinu ya kuzangama kulutila bantinu nyonso ya ntoto.29Kukwikama ya munu na sika ya yandi ke vwanda ya bantangu nyonso,ngwisani ya munu na yandi ke vwanda ya kukangama.30Mu ke sala ti bana ya yandi kuzingila bantangu nyonso.Kiti ya yandi ya kintinu ke zingila mutindu ke zingila mazulu.»31«Kana bana ya yandi bika na kulanda Musiku ya munu,mpe bawu manga na kusadila mambu ya munu,32kana bawu safula bansalulu ya misiku ya munu,mpe bawu kusadila ve bantumunu ya munu,33mu ke pesa bawu kitumbu na kubula bawu na yinti,samu na kubalukila yina bawu me balukila munu.Mu ke bula bawu samu na masumu ya bawu.34Kasi mu ke bika ve na kulakisa yandi bumbote ya munu,mu ke bika ve na kulakisa yandi kukwikama ya munu.35Mu ke safula ve ngwisani ya munu,mu ke soba ve mambu yina basikaka na yinwa ya munu.36Mu me kudya ndefi mbala mosi na bulongo ya munu,ve, mu ke vuna ve Davidi.37Bana ya yandi ke zingila bantangu nyonso,kiti ya yandi ya kintinu ke vwanda na ntadisi ya munu mutindu ntangu.38Yandi ke syama mutindu ngonda bantangu nyonso,mbangi yina kele na mazulu kele ya kukwikama.» Kupema39«Kasi nge, nge me manga, nge me vweza,nge me dasukila muntu yina nge byekaka na kudukula yandi mafuta.40Nge me nyafuna ngwisani yina nge salaka na kisyelo ya nge,nge me vweza yimpu ya yandi ya kintinu na kulosa yawu na ntoto.41Nge me sala mabulu na bibaka nyonso,nge me mwangisa bisika ya bawu yina ba tungaka na bibaka ya lukengolo.42Bantu nyonso yina ke na luta kuna me botola bima ya yandi,bantu yina kele pene-pene na yandi ke na kuseka yandi.43Nge me kindisa bambeni ya yandi,nge me sala ti mitantu ya yandi kuyangalala.44Nge me tengimisa nsongi ya mbele ya yandi ya mvita,nge me sadisa yandi ve na kati ya mvita.45Nge me sukisa nkembo ya yandi,nge me losa yimpu ya yandi ya kintinu na ntoto.46Nge me sala ti yandi kukuma kiboba na mbangu,nge me fwisa yandi nsoni. Kupema47Yave, tii wapi ntangu nge ke vwanda kaka ya kubumbama bantangu nyonso,tii wapi ntangu nkele ya nge ke vwandaka kaka mutindu tiya yina ke na kunyengisa?48Bambuka moyo ti ntangu ya luzingu ya munu kele nkufi,ya kele kwandi na mpamba nge yidikaka bantu nyonso?49Ya kele na muntu yina lenda zinga ata kuluta na lufwa?Nani lenda vuukisa mwela ya yandi samu ti yawu kukota ve na yinsi ya bafwa? Kupema50Yave, wapi mambu ya mbote yina nge salaka na ntangu ya ntama?Wapi mambu yina nge diilaka ndefi na Davidi na kukwikama ya nge nyonso?51Yave, bambuka moyo na kufinga yina ba me finga bisyelo ya nge.Bambuka moyo ti mu ke na kiyeko ya makanda mingi na yintu ya munu.52Yave, bambuka moyo na bifingu ya bambeni ya nge,samu na ntinu yina nge byekaka na kudukula yandi mafuta,bawu vwandaka finga yandi bisika nyonso yina yandi vwandaka kwenda.»53Nkembo na Yave samu na bantangu nyonso!Ameni! Ameni!