1Lusambulu ya Davidi.Yave, kuwa munu mpe pesa munu mvutu!Samu ti mu kele mputu mpe mu kele muntu ya mpasi.2Bumba munu samu ti mu kele ya kukwikama,nge Nzambi ya munu, vuukisa munu,munu yina kele kisyelo ya nge,munu yina ke tulaka kivuvu ya munu na nge.3Yave, fwila munu kyadi,samu ti mu ke na kulooka na sika ya nge bilumbu nyonso.4Yave, yangidika munu, munu kisyelo ya nge,mu me baluka na sika ya nge,5samu ti nge Yave, nge kele mbote, nge ke lemvokilaka,kukwikama ya nge kele nene,samu na bantu yina ke bokilaka nge.6Yave, teka makutu na kuwa lusambulu ya munu!Kuwa kubondila yina mu ke na kubondila nge!7Na ntangu ya mpasi, mu ke bokilaka nge,mpe nge ke kuwaka munu.8Yave, na kati ya banzambi, ya kele ve na Mfumu yina me fwanakana na nge,mpe mosi ve lenda sala yina nge me sala.9Yave, bayinsi nyonso yina nge yidikaka ke kwiza fukama na ntadisi ya nge,mpe yawu ke kembila Nkumbu ya nge.10Ya tsyelika, nge kele Nzambi ya nene,nge ke salaka mambu ya ngitukulu.Kaka ni nge kele Nzambi.11Yave, lakisa munu nzila ya nge,samu ti mu tambula na butsyelika,sala ti ntima ya munu kuzitisa Nkumbu ya nge.12Yave, Nzambi ya munu,mu ke kembila nge na ntima ya munu nyonso!Mu ke kembila Nkumbu ya nge bantangu nyonso.13Ya tsyelika, kukwikama ya nge kele nene samu na munu,nge me kuula munu na kati ya yinsi ya bantu ya kufwa.14Nzambi, bantu ya lunangu me telemina munu,nkonga ya bantu ya yimbi ke sosa kufwa munu,bawu me tala ve ti nge kele na mantwala ya bawu.15Kasi nge Yave, nge kele Nzambi yina ke fwilaka bantu kyadi,nge kele Nzambi ya mbote,nge zaba kuvingila, nge kele Nzambi ya nene,na yina me tadila, kukwikama, mpe butsyelika,16Tala munu, mpe fwila munu kyadi!Pesa munu ngolo, munu kisyelo ya nge,mpe vuukisa munu, munu mwana ya kisadi ya nge ya kento!17Sadila munu kidimbu,samu ti bambeni ya munu kutala yawu mpe bawu kufwa nsoni.Ya tsyelika, ni nge Yave ke sadisaka munu, ni nge ke kindisaka munu!