Ntangu mambu nyonso ke vwandaka mbote samu na bantu ya yimbi
1Mukunga ya Asafe. Ya tsyelika, Nzambi kele mbote samu na Isayeli,yandi kele mbote samu bantu nyonso yina ke na bantima ya kuvedila.2Kaka fyoti bikanaka, mu zolaka syelumuka.Kaka fyoti bikanaka, mu zolaka bula dibaku.3Mu vwandaka na musoki samu na bantu ya lunangu.Mu vwandaka tala bantu ya mavanga ya yimbi kuzinga na kizunu.4Bawu ke kuzwaka mambu ve tii na lufwa ya bawu.Bawu ke na mavimpi ya mbote mpe banzutu ya bawu ke nene.5Bawu ke talaka ve mpasi yina bantu ke talaka,nkwamusu yina ke bwidilaka bantu, yawu ke bwidilaka bawu ve.6Ni yawu yina, bawu ke salaka lunangu mutindu bantu yina ke lwataka misanga na laka.Mambu ya bawu ya ngolo yina bawu ke salaka, yawu kele mutindu binkuti yina bawu ke lwataka.7Bizizi ya bawu ke lezimaka mutindu mafuta,mabanza ya bawu ya yimbi kele ya kulutila.8Bawu ke sekaka bampangi ya bawu na kuzonzilaka bawu yimbi samu na kutalisa bawu mpasi.Bawu ke zonzaka na lunangu nyonso samu na kulakisa ngolo ya bawu.9Bawu ke zonzilaka mazulu yimbi,mambu yina bawu ke tubaka ke wakanaka na ntoto.10Ni yawu yina, bantu nyonso ke landaka bawu,bantu ke ndimaka mambu ya bawu mutindu ba ke kunwaka maza.11Bawu ke na kutuba: «Yinki Nzambi zaba?Nzambi ya Kulutila Kuzangama, yandi kele na luzabu?»12Beno tala bantu yayi ya mavanga ya yimbi,bawu ke na kuzinga na kizunu,bimvwama ya bawu ke na kukuma mingi.13Ya tsyelika, mu me sala kisalu ya mpamba na kuvedisa ntima ya munu,ya tsyelika, mu me sukula mpe maboko ya munu samu na kulakisa ti mu me sala ve yimbi.14Bilumbu nyonso, mu ke na kutala mpasi.Konso suka, mu ke na kuzwa kitumbu.15Kana mu tuba ti mu ke zonza mutindu bawu,na yina, mu ke tekisa bana ya nge.16Mu yindulaka samu na kubakula yawu,kasi yawu vwandaka mpasi mingi samu na kubakula.17Tii na ntangu mu kotaka na Yinzo ya longo ya Nzambi,na yina, mu bakulaka mambu yina ke kumina bawu.18Ya tsyelika, nge tulaka bawu na bisika yina ke ndelo,nge salaka ti bawu kumwangana.19Na mbala mosi, bawu me mwangana!Bawu me suka, bawu me mwangana na boma ya kulutila.20Mutindu ndosi ke zimbanaka na suka,ni mutindu yina mpe, Mfumu, ntangu nge ke telama samu na kupesa kitumbu,bawu ke zimbana.21Ntangu yina munu vwandaka na kyadi,mpe mu vwandaka na kati ya mpasi na ntima,22mu kumaka zoba, mpe mu vwandaka zaba dyaka ata kima,mu vwandaka mutindu kibulu na ntadisi ya nge.23Kasi ntangu nyonso, mu ke kaka na nge.Nge me simba munu na diboko ya lubakala.24Nge ke na kutwadisa munu na malongi ya nge,mpe nge ke yamba munu na nkembo ya nge.25Nani dyaka kele na mazulu?Awa na ntoto, mu ke kaka na nsatu ya nge.26Nzutu ya munu mpe ntima ya munu lenda kulemba,Kasi Nzambi kele ngolo ya munu,mvwilu ya munu ya bantangu nyonso.27Bayina ke bika nge na kukwenda ntama, bawu ke kufwa.Nge ke salaka ti bantu nyonso yina ke bika nge kuzinga ve,bantu nyonso yina ke landa banzambi ya nkaka.28Buyenge ya munu, ni kuvwanda pene-pene na Nzambi.Yave Mfumu kele kiswamunu ya munu,mu ke mwangisa nsangu na mambu nyonso yina yandi me sala.