1Mukunga ya Davidi, mukunga yina ba twadisaka na mfumu ya miyimbidi. Ba yimbilaka yawu na muningu ya mukunga «Kumwangisa ve!»2Ya tsyelika, ni na kuvwanda swii, beno ke na kubaka banzengolo?Beno bantu, ni mutindu yina beno ke na kufundisa na ludedomo?3Na kati ya bantima ya beno,beno ke na kusala na mutindu ya kufwanakana ve.Na yinsi, ni na maboko ya beno, beno ke na kutula yimbi ya beno na zulu ya kipezolo.4Bantu ya yimbi ke ya kubeba katuka na kivumu ya mama.Ntangu muntu ke na kubasika na kivumu ya mama ya yandi,yandi me banda na kuvuna.5Mambu ya yinwa ya bawu kele mutindu mante ya nyoka,mutindu mpidi yina ke kuwaka ve, ke kangaka makutu ya yandi.6Yawu ke na kuwa ve muningu ya bayina ke binisaka banyoka,ata muningu ya muntu yina me lutila bawu nyonso.7Nzambi, zenga meno ya bawu na kati ya bayinwa ya bawu!Yave pasula mibanga ya bana ya bankosi!8Bika ti bawu kuzimbana mutindu maza yina ke na kuluta.Bika ti bawu losa madyonga mpe yawu kondwa ngolo.9Bika ti bawu kufwa mutindu nkola,yina ke na kubasisa mante,ntangu yawu ke na kwendaka tambula,mutindu mwana yina me butuka ya kufwa,kondwa kutala ntangu.10Ntete ti bansende ya beno kukuma mutindu mwa yinti ya fyoti,ntangu yawu ke ntete ya maza,kitembo ke nata yawu mutindu yinti ya kuyuma.11Muntu ya kudedama ke yangalala na kutala ntangu Nzambi ke vutulaka yimbi na bantu ya yimbi,yandi ke sukula makulu ya yandi na menga ya bantu ya yimbi.12Bantu ke tuba:«Ya tsyelika, ya kele na difuta samu na muntu ya kudedama.Ya tsyelika, ya kele na Nzambi yina ke salaka lufundusu awa na ntoto.»