1Mukunga ya Davidi. Mukunga yina ba twadisaka na mfumu ya miyimbidi, ba ke yimbilaka yawu na muningu ya dituutu.2Muntu yina kele ve na mayela ke na kutuba na ntima ya yandi:«Nzambi kele ve!»Bantu nyonso me zimbana nzila,bawu ke na kusala mambu ya nganzi.Ata muntu mosi ve ke na kusala mambu ya mbote.3Katuka kuna na dizulu,Yave ke na kutala bantu,samu na kuzaba kana ya kele na muntu ya ndwenga,yina ke na kusosa Nzambi.4Bawu nyonso me zimbana nzila,kintwadi, bawu nyonso ke na kusala yimbi,muntu ve ke na kusala mambu ya mbote,ata mosi ve.5«Bantu nyonso yina ke na kusala yimbi,bawu ke na luzabu ve?Bawu yina ke na kudya bantu ya munu mutindu ba ke kudyaka dimpa,bawu ke bokilaka ve Nkumbu ya Nzambi.»6Ni kuna bawu ke vwanda na boma,kondwa mambu yina ke talisa bawu boma,samu ti Nzambi ke mwangisa mikwa ya bantu yina ke nwanisa nge.Nge ke fwisa bawu nsoni,samu ti Nzambi me losa bawu.7Ni na Siyone ke katuka mpulusu ya Isayeli,ntangu Nzambi ke bongisa mambu ya bantu ya yandi,Yakobi ke vwanda na nsayi mingi,mpe Isayeli ke yangalala!