1Beno yimbila samu na Yave, beno bokila Nkumbu ya yandi!Beno zabisa na sika ya makanda ya bantu, mambu ya ngitukulu yina yandi me sala!2Beno yimbila samu na yandi, beno yimbila mikunga samu na yandi!Beno samuna mambu ya yandi nyonso ya ngitukulu!3Beno tala kilengi na Nkumbu ya yandi ya longo!Beno yangalala na bantima, beno bayina ke na kusosa Yave!4Beno sosa Yave mpe ngolo ya yandi,beno sosa yandi bantangu nyonso!5Beno bambuka moyo na mambu ya ngitukulu yina yandi me sala,beno bambuka moyo na bidimbu mpe banzengolo ya yandi,6beno bana ya Abalayami, kisyelo ya yandi.Beno bana ya Yakobi ya babakala, bayina yandi soolaka!7Ni Yave kele Nzambi ya beto.Banzengolo ya yandi ke na kusalama na ntoto nyonso.8Yandi ke bambukaka moyo bantangu nyonso na ngwisani ya yandi,na mambu yina yandi pesaka na funda mosi (1 000) ya bambandu,9na ngwisani yina yandi salaka na Abalayami,mpe na ndefi yina yandi kudyaka na Isaaki,10yandi salaka yawu mutindu bansalulu ya misiku samu na Yakobi,mpe mutindu ngwisani yina yandi salaka na Isayeli ya bamvula na bamvula,11ntangu yandi tubaka:«Mu ke pesa nge yinsi ya Kaana,yawu ke vwanda mvwilu ya beno.»12Na ntangu yina, bawu vwandaka kaka mwa ndambu ya bantu,bawu vwandaka kaka mwa ndambu ya bantu, mutindu banzenza na kati ya yinsi.13Bawu vwandaka kwenda luta yinsi na yinsi,Bawu vwandaka kwenda na bayinsi ya bintinu mpe na makanda ya bantu.14Kasi Yave bikaka ve ti muntu kukwamisa bawu,Samu na bawu, yandi sembaka bantinu.15«Beno meka ve na kusimba bantu ya munu yina mu soolaka na kudukula mafuta,beno sala ve yimbi na mimbikudi ya munu!»16Nzambi salaka ti nsatu kukota na yinsi,mpe madya vwandaka dyaka ve.17Yandi fidisaka ntete Yosefi na mantwala ya bawu,ba tekisaka yandi mutindu mundongo.18Ba kangaka makulu ya yandi na mpanga,ba kangaka yandi kisengo na laka,19mwa ntangu lutaka tii na ntangu yina mambu yina yandi tubaka kwizaka salama,mambu ya Yave nungisaka yandi.20Ntinu pesaka muswa ya kubika yandi,mfumu ya bantu tumisaka ti ba pesa yandi kimpwanza.21Yandi tulaka Yosefi mfumu ya yinzo ya yandi,mpe mfumu ya mvwilu ya yandi nyonso.22Yosefi lwengisa bantu ya mfunu, mutindu yandi vwandaka zola,yandi pesaka ndwenga na bakuluntu.23Na yina, Isayeli kwendaka na Ngipiti,mpe Yakobi kwendaka zinga na bunzenza na yinsi ya Same.24Nzambi salaka ti bantu ya yandi kubutana mingi,yandi pesaka bawu ngolo kulutila mitantu ya bawu.25Nzambi sobaka bantima ya bantu ya Ngipiti mpe bawu kwizaka yina bantu ya yandi,bawu bandaka na kunyokola bisyelo ya Nzambi.26Na yina, yandi fidisaka na sika ya bawu, Moyize kisyelo ya yandi,mpe Aloni yina yandi soolaka.27Bawu salaka bimangu kuna na Ngipiti,bawu salaka mambu ya ngitukulu na yinsi ya Same.28Nzambi fidisaka kitombe mpe mpimpa kumaka,mpe bantu ya Ngipiti mangaka ve na kutumama na mambu ya Nzambi.29Yandi sobaka maza ya bawu na menga,yandi salaka ti bambisi ya bawu kufwa.30Yinsi ya bawu fulukaka na bampangu,tii na kati ya bivinga ya ntinu ya bawu.31Yandi tubaka, mpe banzinzi yina ke tatikaka basikaka,mpe bangungu fulukaka na yinsi nyonso ya bawu.32Na kisika ya mvula, yandi nokisilaka bawu mvula ya matadi,mpe milaka ya tiya basikaka na yinsi nyonso.33Yandi mwangisaka bilanga ya bawu ya bayinti ya vinu na ya bayinti ya fike,yandi zengaka bayinti nyonso ya yinsi ya bawu.34Yandi tubaka mpe makonko na bakoko-mbele basikaka,na lutangu yina ba lenda tanga ve.35Yawu kudyaka matiti nyonso ya yinsi ya bawu,yawu manisaka na kudya nyonso yina ke menaka na ntoto ya bawu.36Nzambi salaka ti bana nyonso ya ntete ya yinsi ya Ngipiti kufwa,bana ya ntete ya buntwenya ya bawu.37Yandi salaka ti bantu ya yandi kubasika na Ngipiti na wolo mpe palata,na bifumba ya yandi nyonso ata muntu mosi ve bulaka dibaku.38Bantu ya Ngipiti yangalalaka na kutala kubasika ya bana ya Isayeli,samu ti bawu vwandaka na boma mingi na mantwala ya bana ya Isayeli.39Na ntangu yandi yalumunaka dituti samu na kufuka bawu,mpe na mpimpa, tiya vwandaka kyenzola bawu.40Bawu lombaka na Nzambi mpe Nzambi pesaka bawu bandeke,mpe yandi yukutisaka bawu na mampa yina katukaka na zulu.41Yandi fungulaka ditadi mpe maza basikaka,yawu mwanganaka mutindu nzadi kuna na yinsi ya kuyuma.42Ya tsyelika, Nzambi bambukaka moyo na mambu ya yandi ya longompe na Abalayami, kisyelo ya yandi.43Yandi basisaka bantu ya yandi na nsayi ya kulutila,bayina yandi soolaka, yandi basisaka bawu na kati ya milolo ya nsayi.44Yandi pesaka bawu bayinsi ya bantu ya nkaka,bawu bakaka bamvwilu ya bantu ya bayinsi yina,45samu ti bawu kusadila bansalulu ya misiku ya Yavempe ti bawu kubumba misiku ya yandi.Aleluya!