Mambu ya Eliwu: Nzambi ke zonzilaka muntu na kati ya mpasi
1Yobi, mulemvo ya nge, kuwa mambu ya munu.Teka makutu na kuwa mambu ya munu!2Tala, mu ke baka kinzonzi,ludimi ya munu ke na ningana na kati ya yinwa ya munu.3Mambu yina mu ke zonza, ke katuka na kati ya ntima ya munu ya kusungama,ya kele luzabu ya kudedama yina bikoba ya munu ke na kubasisa.4Ee! Ni mpeve ya Nzambi yidikaka munu,mpe ni kiwumunu ya Nzambi-Mpungu ke salaka ti mu zinga.5Kana nge lenda, pesa munu mvutu,kubama na mantwala ya munu!6Na ntadisi ya Nzambi, mu kele mutindu mosi na nge.Munu mpe ba yidikilaka munu na kibuma.7Na yina, bunsisi yina mu ke na kusala, yawu kutalisa nge boma ve,mpe lutumu ya munu kukwamisa nge ve.8Kasi nge me zonza na mantwala ya munu,mpe mu me kuwa mambu ya nge yayi:9«Mu kele ya kuvedila mpe mu me sala ve yimbi,mu kele ya kulunga mpe ata yimbi mosi ve ke na kati ya munu.10Kasi Nzambi ke na kusosila munu mambu,yandi ke na kutala munu mutindu mbeni.11Yandi ke tulaka munu bampanga na makulu,mpe yandi ke na kutala nyonso yina mu ke na kusala.»12Mu ke pesa nge mvutu na kulakisa nge ti nge me sala yimbi,samu ti Nzambi me lutila muntu.13Samu na yinki nge ke na kusemba yandi,samu ti yandi ke na kupesa ve bamvutu na byuvu ya nge?14Nzambi ke zonzaka na mutindu na mutindu,kasi bantu ke salaka keba ve.15Yandi ke zonzaka na kati ya ndosi mpe na kati ya lumoni na mpimpa,ntangu bantu ke vwandaka na kati ya pongi mosi ya ngolo,ntangu bantu ke vwandaka ya kulala na mfulu.16Ni kuna yandi ke lwengisaka bawu na mambu ya yandi.Yandi ke tulaka kinyemo na ndongosolo yina yandi ke pesaka bawu.17Samu ti bantu kusala ve yimbi,mpe samu na kukabikisa bantu ya ngolo na kuvwanda na lunangu.18Na mutindu yina, Nzambi ke vuukisa bawu na lufwa,yandi ke sala ti bawu kufwa ve na mbele ya mvita.19Bantangu ya nkaka, na kati ya mpasi, muntu ke kuzwaka bankebosolo na kati ya pongi,ntangu mvita ke kotilaka yandi tii na mikwa.20Na yina, nsatu ya kudya ke manisaka yandi,ata ya vwanda madya yina yandi ke zolaka mingi.21Kana nge tala yandi, nzutu ya yandi me konda,yandi nyonso me kuma mikwa na mikwa.22Mwela ya yandi ke na kubelama na ndyamu,luzingu ya yandi ke na kubelama na bayina ke pesaka lufwa.23Kasi kana mbazi mosi kuvwanda pene-pene ya yandi,nzonzi mosi na kati ya funda mosi,samu na kulakisa yandi nzila ya kulanda,24nzonzi ke lakisa yandi bumbote mpe yandi ke tuba na Nzambi:«Kuula yandi, samu ti yandi kubwa ve na ndyamu! Mu me kuzwa mbongo ya kukuula yandi!»25Na yina, nzutu ya yandi ke kuzwa dyaka ngolo ya bumwana.Yandi ke vutuka mutindu yandi vwandilaka na buntwenya ya yandi.26Ntangu, yandi ke bondila Nzambi, Nzambi ke lakisa yandi bumbote ya yandi,yandi ke talana na ntadisi ya Nzambi na milolo ya nsayi,samu ti Nzambi me tala ti yandi kele muntu ya kudedama.27Yandi ke na kuyimbila na mantwala ya bantu,yandi ke na kutuba: «Mu me sala disumu, mu me tengimisa yina kele ya kusungama,mpe ba sadilaka munu ve mutindu ya lungaka ti ba sadila munu.28Nzambi me kuula mwela ya munu, samu ti yawu kubwa ve na ndyamu.Ntangu yayi, mu me tala dyaka nsemo!»29Tala yina Nzambi ke salaka,yandi ke salaka yawu na sika ya muntu bambala zole, bambala tatu,30samu na kukuula muntu na ndyamu,samu na kukyenzula yandi na nsemo ya bantu ya moyo.31Yobi, fungula makutu mpe kuwa munu!Dingama, ni munu ke zonza!32Kana nge ke na dyambu ya kuzonza, tuba yawu!Zonza, samu ti mu zola kulakisa ti nge me sala ve yimbi.33Kana nge kele ve na dyambu ya kuzonza, kuwa munu!Dingama, mu ke lakisa nge ndwenga.