Mvutu ya Yobi: Bantu ya yimbi ke vuukaka na ntangu ya mpasi
1Yobi vutulaka:2Beno kuwa, beno kuwa mambu ya munu,ni mbombolo yina beno ke na kupesa munu.3Sofale, bika ti mu zonza,mpe na ntangu mu ke manisa na kuzonza,nge lenda ya nge kuseka munu.4Ni na sika ya muntu mu ke na kuyawula?Wapi mutindu mu ke lemba ve na kuvibidila?5Beno baluka na kutala munu, mpe beno ke yituka,beno tula maboko na bayinwa ya beno.6Ntangu mu ke na kuyindula mambu yina me kumina munu, boma ke na kusimba munu,nzutu ya munu nyonso ke na kutekita na boma.7Samu na yinki bantu yina ke salaka yimbi ke kuzinga?Samu na yinki bawu ke nunaka?Samu na yinki bawu ke kuzwaka dyaka ngolo?8Na meso ya bawu, bana ya bawu ke na kubonga kintwadi na bawu,batekolo ya bawu kele na bawu.9Na sika ya bawu, boma kele ve, bawu ke na kizunu,yinti ya Nzambi ke bwidila bawu ve.10Bangombe ya bawu ya mbakala ke kondwaka ve mabuta,bangombe ya bawu ya kento ke butaka ve bana ya kufwa.11Bawu ke bikaka bana ya bawu ya fyoti kukima mbangu mutindu mameme,mpe bana ya bawu ke binaka na kimpwanza nyonso.12Bawu ke yimbilaka na muningu ya ngoma, ya nsambi,bawu ke yangalalaka na muningu ya dituutu.13Bawu ke manisaka luzingu ya bawu na buyenge,mpe bawu ke kwendaka na yinsi ya bafwa na kizunu.14Kasi, bawu vwandaka tuba na Nzambi: «Bika beto swii,beto kele ve na nsatu ya kuzaba nzila ya nge.15Nzambi-Mpungu kele nani samu ti beto kusadila yandi?Wapi ndandu beto ke kuzwa na kusambilaka yandi?»16Ya tsyelika, buyenge ya bawu kele ve na maboko ya bawu.Mambu yina bantu ya yimbi ke kanisaka na kusala kele ntama na munu!17Kasi bantangu ya nkaka, mwinda ya bantu ya yimbi ke kufwaka,mpasi ya kulutila mpe ke kuminaka bawu,mpe Nzambi ke pesaka bawu kikunku ya bawu ya nkele ya yandi.18Bika ti bawu kuvwanda mutindu matiti ya nyanga, yina ba me nata na mupepe,to mutindu fundu-fundu ya ntoto yina kimbongila me nanguna.19Kitumbu ya Nzambi kele samu na bana ya muntu ya yimbi?Ya me lunga ti Nzambi kupesa muntu ya yimbi kitumbu samu ti yandi kuzaba yandi.20Bika ti, na meso ya yandi mosi, yandi kutala bampasi ya yandi,ni yandi me lunga na kunwa nkele ya kulutila ya Nzambi-Mpungu.21Ya tsyelika, ntangu bawu ke kufwa, kana bamvula ya bawu me manisa,luzingu ya bana ya bawu, kele dyaka ve mfunu samu na bawu.22Muntu lenda kuzabisa Nzambi dyambu yina yandi ke sala?Yandi yina ke fundisaka bayina kele na mazulu?23Ba ya nkaka ke kufwaka na kati ya buyenge ya bawu,na kyese nyonso mpe na kizunu.24Bawu kele na mafuta mpe bawu kele nene,bawu ke na mavimpi ya mbote.25Ba ya nkaka ke kufwaka yimbi,kondwa kutala kilengi ya luzingu.26Bawu nyonso ke vutukaka na ntotompe banselele ke kudyaka bawu.27Mu zaba mbote mabanza ya beno,na mambu ya yimbi yina beno ke na kubanzila munu.28Beno ke na kutuba: «Wapi yinzo ya muntu ya ngolo?Wapi yinzo kisika vwandaka zinga bantu ya yimbi?»29Beno yufulaka ve bantu yina vwandaka luta na nzila?Beno me zimbana kimbangi ya bawu?30Na kilumbu ya mwangusulu, mpasi ke bwidila ve muntu ya yimbi,na kilumbu ya nkele ya Nzambi, yandi ke vwanda ya kubumbama.31Nani ke lenda na kusemba ndyatulu ya yandi?Nani ke futisa yandi yimbi yina yandi me sala?32Ba ke nata yandi na mpyema,mpe ba ke kengidila ndyamu ya yandi.33Ntoto ya mudimba ke yamba yandi mbote,bantu nyonso ke tambula na manima, mpe na mantwala ya yandi.34Wapi mutindu beno lenda pesa munu bankidusulu ya yimbi?Bamvutu yina me bikana na beno kele kaka luvunu.