Yelemya4mkw_wbt

1Yave ke na kutuba:«Isayeli, kana nge ke vutuka,ni na sika ya munu nge ke vutuka.Kana nge katula mvindu na mantwala ya munu,nge ke tambula dyaka ve kidi-kidi.»2«Kana nge kudya ndefi ti:“Na Nkumbu ya Yave, Nzambi ya moyo”,kana nge sala yawu na kati ya butsyelika,na kusungama mpe na ludedomo,makanda ya nkaka ya bantu ke kuzwa lusakumunu ya bawu na Yave mpe bawu ke kembila yandi!»
3Yave ke na kutuba na bantu ya Yudampe na bantu ya Yelusalemi mutindu yayi:«Beno sala bilanga ya malu-malu,beno kunda ve na bisika yina ke na bansende.4Beno bantu ya Yelusalemimpe ya Yuda nyonso,beno zenga bubakala ya beno samu na Yave,beno zenga bubakala ya bantima ya beno.Kana ve, nkele ya munu ke lema mutindu tiyasamu na mavanga ya beno ya yimbi.Yawu ke nyengisa nyonso,mpe ata muntu ke lenda na kufwa yawu.»

Nkwizulu ya bambeni

5Beno samuna nsangu na Yuda.Beno wakisa yawu na Yelusalemi.Beno tuba mutindu yayi:«Beno wakisa muningu ya kulumenta na yinsi!»Beno looka na ngolo,beno tuba mutindu yayi:«Beno yonzama,beto kwendeno ya beto na bambanza yina ke na bibaka ya lukengolo!»6Beno telemisa kidimbu ya yinsipene-pene ya Siyone.Beno kwenda bumbama,beno suka ve na nzila.Samu ti mu ke natina beno mpasimpe mwangusulu ya neneyina ke katuka na node.7Nkosi me basika na kiswamunu ya yandi.Kimwangisi ya bayinsi me kuma na nzila.Yandi me basika na kisika yina yandi kelesamu na kusala ti yinsi ya beno kumwangana.Bambanza ya beno ke mwangana.Yawu ke vwanda dyaka ve na bantu.8Na yina, beno lwata bangoto.Beno dila mpe beno yawula.Samu ti nkele ya Yave ya kulutila,yawu ke na kukatukila beto ve.
9Yave ke na kutuba:«Na kilumbu yina, ntinu mpe bamfumu yina ke salaka na yandi,ke vwanda dyaka ve na kibakala.Banganga-Nzambi ke pamuka.Mimbikudi ke yituka.10Na yina, mu tubaka:“Aa, Yave Mfumu, nge vunaka kwandi bantu yayi!Nge vunaka kwandi Yelusalemi ntangu nge tubaka tibeno ke vwanda ya beno na kizunu”!Awa lufwa na mbele ya mvita ke na kukumina bawu!»

Bambeni me kota na balweka nyonso

11Na ntangu yina, ba ke tuba na bantu yinampe na bantu ya Yelusalemi:«Mupepe ya ngolo ya tiya ke na banzila kuna na yinsi ya kuyuma.Yawu ke na kukwiza na sika ya bantu ya munu.Yawu ke na kukwiza ve samu na kukabula bambuma na matiti ya yawu.Yawu ke na kukwiza ve samu na kubongisa bambuma.12Ya kele kitembo mosi ya ngolo,yawu ke na kukatuka kuna na lutumu ya munu.Ntangu yayi, mu ke zabisa bawu banzengolo ya munu.»13«Tala, mbeni ke na kukwizamutindu dituti ya mvula.Bipusu-pusu ya yandi ya mvitake tambulaka mutindu kitembo ya ngolo.Bampunda ya yandi me lutila mbangu na bambemba.Kyadi na beto, beto me mwangana!»14«Yelusalemi, sukula ntima ya nge,katula mayindu ya nge ya yimbi, samu ti nge vuuka.Tii wapi ntangu nge ke vwanda na mayindu ya yimbi?15Ndinga mosi ke na kusamuna yawu katuka kuna na Dane.Bansangu ya yimbi ke na kukatuka na mongo ya Efalayime.16Beno zabisa dyambu yayi na bantu nyonso.Beno kebisa bantu ya Yelusalemi:Bambeni ke na kukatuka na yinsi ya ntamasamu na kwiza baka bambanza.Bawu ke na kusala milolo ya mvitasamu na kunwanisa bambanza ya Yuda.17Bawu me zunga Yelusalemimutindu bankebi ke zungaka bilanga.Ya ke samu ti bawu me manga na kutumama na munu.Ni Yave me tuba yawu.18Yelusalemi, ni mavanga ya ngempe nkadulu ya nge ya yimbime sala ti mambu yayi kukumina nge.Mpasi yayi yina ke na kukumina ngekele musendo ya yimbi ya nge,yawu kele ndudi mpe yawu ke na kulwalisa nge ntima.»

Mambu yina salaka ti Yelemya kubela

19Aa, kivumu, kivumu ke na kusala munu mpasi!Ntima ya munu ke na kubula ngolo.Ntima ya munu ke na kubaba,mu lenda kudingama ve.Samu ti mu me kuwa muningu ya kulumentampe milolo ya mvita.20Ba ke na kulooka: «Kaka mwangusulu na mwangusulu!»Yinsi nyonso me mwangana.Kaka na mbala mosi bayinzo ya munu ya lele me mwangana,kaka na ntangu mosi bamwanza ya munu ya lele me mwangana.21Tii wapi ntangu mu ke tatamana na kutalaka kidimbu ya yinsi?Tii wapi ntangu munu ke tatamana na kuwaka miningu ya bampungi?
22«Bantu ya munu kele bazoba,bawu zaba munu ve.Bawu kele bana yina ke na mabanza ya mbote ve.Bawu kele ve na mayela ya kubakula.Bawu kele kaka na mayela ya kusala yimbi.Kasi bawu zaba ve kusala mbote.»23Mu ke na kutala ntoto:Yawu kele ya kuyilama ve, mpe yawu kele ve.Mu ke na kutala dizulu:Yawu ke dyaka ve na nsemo ya yawu.24Mu ke na kutala myongo:Yawu ke na kutekita.Mu ke na kutala myongo ya fyoti:Yawu ke na kuningana.25Mu ke na kutala bantu:Bawu ke dyaka ve.Mu ke na kutala bandeke ya mazulu:Bawu nyonso me kima.26Mu ke na kutala ntoto ya bayinti:Yawu me kuma ya mpamba, ata yinti mosi ve.Mu ke na kutala bambanza nyonso ya yawu:Yawu me mwangana na mantwala ya Yave.Yawu me mwangana samu na nkele ya yandi ya kulutila.
27Yave ke na kutuba mutindu yayi:«Ntoto nyonso ke kuma ya mpamba.Kasi mu ke mwangisa yawu nyonso ve.28Samu na yawu, ntoto me kota bufwidi.Na zulu, dizulu me kuma ndombe.Samu ti mu tubaka yawu,mu bakilaka yawu lukanu.Mu ke soba mabanza ve.Mu ke baka ve lukanu ya nkaka.»

Siyone na mantwala ya mivondi ya yandi

29Na makelele ya bipusu-pusu mpe ya binwani yina ke sadilaka munani,bantu ya konso mbanza ke na kwendaka kima.Bantu ke na kwendaka kota na mabulu.Ba ke na kwendaka yuluka na zulu ya matadi ya nene.Bambanza nyonso me kuma ya mpamba,ata muntu kele dyaka ve.30Nge mbanza yayi ya kumwangana,yinki nge ke sala?Nge ke vwata bilele ya mbwaki?Nge ke vwata misanga ya wolo?Nge ke tula tile na meso?Kaka ya mpamba nge ke bongisa nzutu.Makangu ya nge me manga nge.Bawu ke na kusosa lufwa ya nge.31Mu ke na kuwa makelelemutindu kento ke na kulooka na misongo,mutindu kento ke na kuyawula na mpasi ya kubuta ya yandi ya ntete.Ya kele ni ndinga ya Siyone kento ya kitoko.Yandi ke na kuyawula,Yandi ke na lambula mabokompe ke na kutuba: «Kyadi samu na munu,mu me kubwa na maboko ya mivondi!»
expand_more
Search