1Nganga-Nzambi Pasewule, mwana ya Imele, yina vwandaka mfumu ya bankebi ya Yinzo ya Yave, kuwaka ntangu Yelemya vwandaka bikula mambu nyonso yayi.2Pasewule bulaka mumbikudi Yelemya mpe kangaka yandi na dikunzi yina kele pene-pene ya mwelo ya nene ya Bezame, mwelo yina ke nataka na Yinzo ya Yave.3Kilumbu yina vwandaka landa, Pasewule katulaka Yelemya na dikunzi, kisika yina ba kangaka yandi, mpe Yelemya tubaka: Yave ke bokila dyaka nge ve na nkumbu ya Pasewule, kasi yandi me pesa nge nkumbu Mangole-Misabibe, yina zola kutuba ti «Bisika nyonso, kaka boma na boma.»4Yave ke na kutuba: Mu me yekula nge na mpasi ya kulutila nge na bampangi ya nge. Bawu ke kufwa na mbele ya mvita ya bambeni ya bawu, nge ke tala yawu na meso ya nge. Mu ke yekula mpe bantu nyonso ya Yuda na maboko ya ntinu ya Babilone. Yandi ke nata bawu na ngolo kuna na Babilone mpe kuna, yandi ke kufwa bawu na mbala mosi na mbele ya mvita.5Bimvwama nyonso ya bantu ya mbanza yayi, nyonso yina bawu ke kuzwaka na bisalu ya bawu, bima ya bawu ya mfunu mpe bimvwama ya bantinu ya Yuda, bima nyonso yina, mu ke yekula yawu na maboko ya bambeni ya bawu. Bawu ke botola yawu, bawu ke baka yawu mpe ke nata yawu kuna na Babilone.6Na yina me tadila nge Pasewule, na bantu nyonso yina kele na yinzo ya nge, ba ke nata beno na ngolo na yinsi ya nzenza. Nge ke kwenda na Babilone. Ni kuna nge ke kufwa mpe ni kuna ba ke kunda nge na bampangi ya nge yina nge bikulaka samu na bawu mambu ya luvunu.
Yelemya ke na kuyawula na Nzambi
7Yave, nge me kuzwa munu,mu me bika ti nge kuzwa munu.Nge me simba munumpe nge me nunga munu.Ntangu nyonso bantu ke na kuvweza munu,bantu nyonso ke na kuseka munu.8Konso ntangu yina mu ke tubaka,mu ke lookaka, mpe mu ke samunaka mutindu yayi:«Mvwanzi mpe mwangusulu»,mambu ya Yave ke salaka ti mu tala nsonimpe ti ba seka munu bilumbu nyonso.9Kana mu tuba timu ke bambuka dyaka ve moyo na mambu yina,mu ke tuba dyaka ve na Nkumbu ya Nzambi,na kati ya ntima ya munu,yawu kele mutindu tiya yina me kangama na mikwa ya munu.Mu me lemba na kukanga ntima, mu ke na kulenda ve.10Mu ke na kuwa mambu ya yimbi yina bantu mingi ke na kutuba:Boma kele bisika nyonso.Beno samuna, beno samuna yawu.Bampangi ya munu nyonso,ke na kutala munu na kutala kana mu ke kubwa.Bawu ke na kutuba tikeba ve yandi lenda vunama samu tiyandi kele ve na mayelampe beto ke sala mambu yina beto zola kusalampe beto ke nunga yandi.11Kasi Yave kele na munu mutindu kinwani ya kibakalani yawu yina, bambeni ya munu ke kubwa.Bawu ke nunga munu ve,bawu ke vwanda na nsonisamu ti bawu me nunga ve.Bantangu nyonso, bawu kufwa nsonimpe ba ke zimbana yawu ve.12Yave, Nzambi ya Binwani,nge zaba mbote-mbote muntu yina kele ya kusungama,nge zaba ntima mpe ngolo ya muntu.Mu zola ti nge futisa bawu yimbi yina bawu salaka,samu ti ni na nge mu me talisa dyambu ya munu.13Beno yimbila Yave,beno kembila Yave,samu ti yandi ke kuulaka mputuna maboko ya bantu yina ke salaka yimbi.
*
14Mu me siinga kilumbu yina mu butukaka.Bika ti kilumbu yina mama ya munu butaka munu vwanda ve kilumbu ya kusema!15Yandi kusiingwa,muntu yina nataka nsangu na sika ya tata ya mununa kutuba ti kento ya nge me buta mwana ya bakala.16Bika ti muntu yina kuvwanda mutindu bambanza yina Yave mwangisakakondwa kutala yawu kyadi.Na suka-suka, bawu ke kuwa bantu ke looka mpe na midi,bawu ke kuwa milolo ya mvita.17Yandi salaka ve ti mu kufwa na kati ya kivumu ya mama ya munu.Mama ya munu zolaka vwanda ndyamu ya munu.Mpe kivumu yina zolaka yela ve.18Samu na yinki mu basikaka na kivumu ya mama ya munu?Kana samu na kwiza tala mpasi na nkwamusumpe luzingu ya munu kusuka na nsoni.