1Na manima ya kunata sanduku ya Nzambi, ba tulaka yawu na kati-kati ya yinzo ya lele yina Davidi yidikisaka samu na yawu. Ba pesaka na mantwala ya Yave, minkayulu ya kuyoka mpe minkayulu ya kiwisa.2Ntangu Davidi manisaka na kupesa minkayulu ya kuyoka na minkayulu ya kiwisa, yandi sakumunaka bantu nyonso na Nkumbu ya Yave.3Yandi kabulaka na bantu nyonso ya Isayeli, bakento na babakala. Ba pesaka na muntu-muntu dimpa, ngombe ya kuyoka mpe maboke ya bambuma ya vinu ya kuyuma.
Ba-Levi yimbilaka Yave mikunga
4Davidi tulaka na mantwala ya sanduku ya Yave, mwa ndambu ya ba-Levi yina vwandaka na kisalu ya kukembilaka mpe kuvutulaka matondo na Yave, Nzambi ya Isayeli.5Yayi ni bankumbu ya ba-Levi yango: Asafe, vwandaka mfumu, Zakali vwandaka kilandi ya yandi. Ya vwandaka mpe: Yeyiyele, Semilamote, Yeyele, Matitya, Elyabe, Benaya, Obede-Edome, mpe Yeyele. Bawu vwandaka na bisikulu mutindu bansambi mpe Asafe, ni yandi vwandaka sika basembale.6Banganga-Nzambi mutindu Benaya na Yazyele vwandaka sika bantangu nyonso, bakulumenta na mantwala ya Sanduku ya Ngwisani ya Nzambi.7Ni na kilumbu yina Davidi pesaka na mbala ya ntete, kiyeko na Asafe na bampangi ya yandi na kuzitisa Yave.8Beno yimbila samu na Yave.Beno bokila nkumbu ya yandi.Beno samuna na sika ya makanda ya bantu,mambu ya ngitukulu yina yandi me sala.9Beno yimbila samu na yandi, beno yimbila mikunga samu na yandi!Beno samuna mambu ya yandi nyonso ya ngitukulu!10Beno tala kilengi na nkumbu ya yandi ya longo.Beno yangalala na bantima, beno bayina ke na kusosa Yave.11Beno sosa Yave mpe ngolo ya yandi.Beno sosa yandi bantangu nyonso.12Beno bambuka moyo na mambu ya ngitukulu yina yandi me sala.Beno bambuka moyo na bidimbu mpe banzengolo ya yandi,13beno, bana ya Isayeli, kisyelo ya yandi,beno, bana ya Yakobi ya babakala, bayina yandi soolaka!14Ni Yave kele Nzambi ya beto. Banzengolo ya yandi ke na kusalama na ntoto nyonso.15Beno bambuka moyo bantangu nyonso na ngwisani ya yandi,na mambu yina yandi pesaka na funda mosi (1 000) ya bambandu,16na ngwisani yina yandi salaka na Abalayamimpe na ndefi yina yandi kudyaka na Isaaki.17Yandi salaka yawu mutindu bansalulu ya misiku samu na Yakobi,mpe mutindu ngwisani yina yandi salaka na Isayeli ya bamvula na bamvula,18ntangu yandi tubaka: Mu ke pesa nge yinsi ya Kaana,yawu ke vwanda mvwilu ya beno.19Beno vwandaka kaka mwa bantu ndambu,kasi beno zingaka kuna mutindu banzenza na kati ya yinsi.20Bawu vwandaka kwenda luta yinsi na yinsi,Bawu vwandaka kwenda na bayinsi ya bintinu mpe na makanda ya bantu.21Kasi Yave bikaka ve ti muntu kukwamisa bawu.Samu na bawu, yandi sembaka bantinu.22«Beno meka ve na kusimba bantu ya munu yina mu soolaka.Beno sala ve yimbi na mimbikudi ya munu!»23Ntoto nyonso, beno yimbidila Yave!Beno zabisa konso kilumbu, mambu ya yandi ya mbote yina ke vuukisaka!24Beno mwangisa nsangu ya nkembo ya yandi na kati ya bayinsi.Beno zonzila mambu ya yandi ya ngitukulu na bantu nyonso!25Ya tsyelika, Yave kele Nzambi ya nene,yandi me bonga na masiika!Yandi kele Nzambi ya nsisi kulutila banzambi nyonso.26Ya tsyelika, banzambi nyonso ya bayinsi ya nkaka kele banzambi ya luvunu,kasi ni Yave yidikaka mazulu.27Nsemo mpe nkembo kele na mantwala ya yandi.Ngolo mpe kyese ni yawu ke fulusaka Yinzo ya yandi.28Beno makanda ya bantu,beno pesa nzitusu na Yave!Beno pesa na Yave nkembo mpe lulendo!29Beno pesa na Yave nkembo ya Nkumbu ya yandi!Beno nata makabu,beno kwiza na ntadisi ya yandi.Beno yinama na mantwala ya Yaventangu bulongo ya yandi ke na kulezima.30Beno tekita na ntadisi ya yandi, beno bantu nyonso ya ntoto.Yinza kele ya kusikama, yawu lenda kubwa ve,31Bika ti mazulu kuyangalala,bika ti ntoto kuvwanda na nsayi!Bika ba tuba na kati ya bayinsi ti:«Yave, ni yandi kele ntinu!»32Bika ti mubu na bima nyonso yina kele na kati ya yawu kuduma!Bika bamfinda na bima nyonso yina kele na kati ya yawu kuyangalala!33Bika ti bayinti ya mfinda kuningana na kilengi na mantwala ya Yave!Samu ti yandi ke na kukwiza samu na kufundisa yinza!34Beno kembila Yave, samu ti yandi kele mbotesamu ti kukwikama ya yandi kele ya seko!35Beno tuba:«Nzambi, Muvuukisi ya beto, vuukisa beto.Kutikisa beto, kuula beto na maboko ya bantu ya bayinsi ya nkaka,samu ti beto kembila Nkumbu ya nge ya longo,mpe beto kuzwa buyenge na kukembila nge!36Nkembo na Yave, Nzambi ya Isayeli bantangu nyonso!»Bantu nyonso tubaka: «Ameni! Na manima, bawu zitisaka Yave!»37Davidi bikaka kuna, na mantwala ya Sanduku ya Ngwisani ya Yave, Asafe na bampangi ya yandi, samu ti ba salaka bantangu nyonso, bisalu ya bawu na mantwala ya sanduku, mutindu ntumunu yina ba salaka ya konso kilumbu.38Obede-Edome, mwana ya Yedutune, Wosa, kintwadi na bampangi ya bawu, vwandaka na lutangu ya makumi sambanu na nana. Bawu vwandaka bankebi ya myelo.39Nganga-Nzambi Sadoke na bampangi ya yandi banganga-Nzambi ya nkaka yina vwandaka sala na mantwala ya Yinzo ya Yave, bawu vwandaka na kisika ya lusambulu yina vwandaka na zulu ya mongo kuna na Ngabawone,40samu na kupesaka na Yave, konso suka mpe konso nkokila, minkayulu ya kuyoka, na zulu ya kiyokolo ya minkayulu, mutindu kele mambu nyonso yina ba sonikaka na Musiku yina Yave pesaka samu na Isayeli.41Na sika ya bawu, ya vwandaka: Yemane mpe Yedutune, na bantu ya nkaka yina ba solaka, mpe bantu yina ba vwandaka bokila na bankumbu ya bawu samu na kukembila Yave. Bawu vwandaka tuba: «Samu ti kukwikama ya yandi kele ya seko!»42Pene-pene ya bawu vwandaka Yemane mpe Yedutune. Bawu vwandaka sika bakulumenta mpe basembale. Bawu vwandaka sika mpe bisikulu samu na Nzambi. Bana ya Yedutune ya babakala vwandaka bankebi ya mwelo.43Bantu nyonso vutukaka muntu-muntu na yinzo ya yandi. Davidi mpe vutukaka na kisika ya yandi samu na kusakumuna dikanda ya yandi.