เรื่องอามอนม่อนคุ๊งพระเยซู เรียบเรียงโดย มาระโก2
พระเยซูปกโทษแฮะรักฉาเบอนุดแข้แว๊ด
1ตั้งลังยูวะหลั่ยฮั๊น พระองค์เบ๊ยมานาคเก๊าแฮะคาเปอรนาอุมบุหง๊ะ แฮะพุ๊งดีลุ่ยเบ๊ยนีเอี๊ยงยัยพระองค์แอ้มมาค2แฮะพุ๊งดีลุ่ยฮั๊นมานาคดิ๊นแอ้มคุมน๊ะเต๊ยดอก น๊ะม๊ะนานิแปเต้าเบ๊ยห๊ะ พระเยซูมายาคอ้นเรื่องอาม่อนอ้นออล๊างนีเอี๊ยง3แล่วน๊ะเต๊ยดีลุ่ยนำบ๊ะเบอนุดแข้แว๊ด อาเบ๊าะดิ๊นปะท๊ะพระเยซูแอ้มมาค น๊ะเต๊ยป่าดดีลุ่ยตอหล๊ง4แฮะออล๊างน๊ะม๊ะเก๊าอ้นแฮะหน๊าพระเยซูเบ๊ยห๊ะ เพราะน๊ะเต๊ยดีลุ่ยฮั๊น ออล๊างดิ๊นเบ๊าะบูบงแฮะพระองค์แอ้ม แฮะนอแล๊งกือหาบแฮะเบอนุดแข้แว๊ดอีดู๊น5พระเยซูปะน๊ะความเชื่อคุ๊งพุ๊งออล๊าง พระองค์มายาคแฮะเบอนุดแข้แว๊ดยัย "อานาคเหอ บ๊อบาปคุ๊งเบ่ยเบ๊ยรับปกโทษแล่ว"6น๊ะเต๊ยพุ๊งเบ่ยครูช๊อนศาสนากะยูดอกแอ้มยู แฮะออล๊างคิ๊ดเชลียบๆยัย7"แม่นอาหน๊งเบอนุดยู เบ๊าะปิ๊นอาหน๊งกื๊อพระเจ้า แม่นปิ๊นอาหน๊งปกโทษเบ๊ย "8แฮะตั้งลังยู พระเยซูดั๊นพั๊ยกาต๊ายอ้นออล๊างคิ๊ดยัย แฮะมายาคออล๊างยัย "ยาแม่นปิ๊นพุ๊งย๊าคิ๊ดเชลียบๆ9แฮะเบอนุดแข้แว๊ดยัย "บ๊อบาปคุ๊งเบ่ยเบ๊ยปกโทษแล่ว" แฮะยัย "เม๊อะชั่นกือหาบมานาคเก๊า" ยู พั๊ยอาหน๊งอาม่อนก๊ะ10พุ๊งย๊าเบ๊ยดั๊นยัย อานาคเบอนุดน๊ะเต๊ยสิทธิอำนาจโลกฮั๊นแฮะชอบยกโทษบ๊อบาปเบ๊ย" พระองค์มายาคเม๊อะชั่นเบอนุดแข้แว๊ดยัย11"เจ้ยเม๊อะชั่นเบ่ยยัย จงแนนั๊นกั่งกือหาบบาแล๊ะเก๊ามาคคุ๊งเบ่ย"12เบอนุดแข้แว๊ดเบ๊ยแนนั๊นน๊ะแอค แล่วกั่งกือหาบคุ๊งออเล๊าะบาแล๊ะเก๊าแฮะหน๊าทุกพุ๊งดีลุ่ย พุ๊งดีลุ่ยเก๊อะมาค แฮะเยิ่มหม๊ะพระเจ้ายัย "เบ่ยปะท๊ะห๊ะอาม่อนยู"พระเยซูนอฮ้องเลวี ดีลุ่ยกั่งตางภาษี
13พั๊ยพระองค์เบ๊ยมานาคเก๊าต๊ามชายกะอ้าว พุ๊งดีลุ่ยมานาคดิ๊นปะน๊ะพระองค์ แฮะพระองค์เบ๊ยมายาคช๊อนออล๊าง14พระองค์มานาคเก๊ายู แฮะปะน๊ะกะหนัยอาเบ๊าะชื่อ เลวี อานาคอัลเฟอัสดอกแอ้มพั๊ยกั่งตาง แฮะมายาคออล๊างยัย "เที่ยวต๊ามเบ่ยเถิด" ออล๊างน๊ะแอคต๊ามพระองค์เก๊า15พระองค์ดอกย่ำช๊อบ๊ายแอ้มมาคคุ๊งเลวี น๊ะเต๊ยพุ๊งกั่งภาษี แฮะเบอนุดบ๊อบาปฮั๊น ย่ำช๊อบ๊ายแฮะพระเยซู แฮะพุ๊งดีลุ่ยอาม่อนคุ๊งพระองค์ เพราะน๊ะเต๊ยดีลุ่ยเที่ยวต๊ามพระองค์เก๊าฮั๊น16พั๊ยพุ๊งเบ่ยครูช๊อนศาสนาปิ๊นพุ๊งพระ แฮะปะท๊ะพระองค์ย่ำช๊อบ๊ายแฮะพุ๊งเบอนุดบ๊อบาปแฮะดีลุ่ยกั่งภาษี มายาคพุ๊งดีลุ่ยคุ๊งพระองค์ยัย "แม่นอาหน๊งเบ่ยครูคุ๊งเบ่ยย่ำจ้อนคุ๊ดีลุ่ยกั่งภาษีแฮะเบอนุดอาม่อนห๊ะ"17พระเยซูดั๊นยู แฮะมายาคออล๊างยัย "ดีลุ่ยดายำอยากปะท๊ะหมอ แฮะพุ๊งช๊ะบายอยากห๊ะ เจ้ยเบ๊ยห๊ะมานาคดิ๊นนอฮ้องเบอนุดคิ๊ดออเล๊าะอามอนม่อน คุ๊มานาคดิ๊นนนอฮ้องพุ๊งดีลุ่ยอาม่อนห๊ะยู"18น๊ะเต๊ยพุ๊งดีลุ่ยคุ๊งยอห์น แฮะพุ๊งพระย่ำห๊ะช๊อบ๊าย ดีลุ่ยมายาคพระองค์ยัย "แม่นอาหน๊งพุ๊งดีลุ่ยคุ๊งยอห์น แฮะพุ๊งดีลุ่ยคุ๊งพุ๊งพระย่ำช๊อบ๊ายห๊ะ พุ๊งดีลุ่ยคุ๊งพระองค์แม่นย่ำช๊อบ๊ายห๊ะ"19พระเยซูมายาคอ้นออล๊างยัย "เบ่ยอ้นพุ๊งคู๊คุ๊งกรั๊กแอ้มชาชาพุ๊งคู๊แฮะย่ำห๊ะช๊อบ๊ายเบ๊ยห๊ะ20วะหลั่ยอาเบ๊าะกรั๊กแฮะเนอแบคพุ๊งคู๊เก๊า วะหลั่ยยูพุ๊งคู๊แฮะย่ำห๊ะช๊อบ๊าย21น๊ะเต๊ยอาเบ๊าะห๊ะกั่งจูวัคเกร๊ยดิ๊นอ้นบาเยยดึงง๊ะ อ้นเบ๊าะแฮะยู จูวัคเกร๊ยแฮะอ้นดิ๊นเบ๊าะอ้นบาเยยปอเต๊าะฮั๊น22แฮะน๊ะเต๊ยอาเบ๊าะห๊ะกั่งอุ่เอ่นอังงุ่นเกร๊ยดิ๊นดุ๊กถุงบูลั้งดึงง๊ะ แฮะเบ๊าะยูอุเอ่นอังงุ่นเกร๊ยเบ๊าะอ้นถุงดึงง๊ะปอเต๊าะเก๊า เอ่นอังงุ่นแฮะถุงแฮะดิ๊นเบ๊าะ แต่ เอ่นอังงุ่นเกร๊ยยูต้องดุ๊กอาคนัยถุงบูลั้งเกร๊ย"พระเยซูปิ๊นเจ้าปิ๊นอาด๊ะเหนือวะหลั่ยสะบาโต
23วะหลั่ยสะบาโตช๊ะ พระองค์มานาคเก๊าปาดังนา แฮะพุ๊งดีลุ่ยคุ๊งพระองค์ มานาคเก๊ากั่งบูหม๊าเก๊า24พั๊ยพุ๊งพระมายาคพระองค์ยัย "แนเง๊าะเถิด แม่นอาหน๊งพุ๊งดีลุ่ยคุ๊งเบ่ยมาเบ๊าะสิ่งผิดฮั๊นนัยวะหลั่ยสะบาโต"25พระเยซูมายาคแฮะออล๊างยัย "พุ๊งย๊าเบ๊ยห๊ะอ๊าน คุ๊ดาวิดเบ๊ยมาเบ๊าะแฮะน๊ะเต๊ยห๊ะช๊อบ๊ายแฮะลำบาก อ้นเบ่ยแฮะพุ๊งย๊า26กื๊ออาบีธาร์ปิ๊นปุโรหิตอาด๊ะ เบ่ยเบ๊ยน๊ะม๊ะเก๊าแฮะนัยพระที่แอ้มคุ๊งพระเจ้าแฮะย่ำหนุมปังแฮะหน๊าพระองค์ กฎหมายหยุ๊ดอ้นห๊ะอาหน๊งย่ำ แต่พุ๊งพระ แฮะอ้นดีลุ่ยย่ำ"27พระองค์มายาคอ้นออล๊างยัย "วะหลั่ยสะบาโตยูตั้งอาคเบอนุด เบ๊ยห๊ะช๊างเบอนุดอาคแฮะวะหลั่ยสะบาโต28ตั้งลังยูอานาคเบอนุดปิ๊นเจ้าปิ๊นนายดาต้าวะหลั่ยสะบาโต"Empower Asia Bible Translation Movement