Acts14
1Yămz wa I-cô-ni-yum dlanyh stiz tinyh đoih nzac Yu-tai munh nyăngz huyđ toongh ninyh nzaox gâyf, yâuc tuz đuungx lanh njinh Yu-tai munh cloon Hi-lapc munh zen.2Six max zen wax đomc Yu-tai munh, songđ taih lungz wax đomc pitc stingx munh nyăngz nyâuđ, phunz stiz ayx huđ nzeengz cloon wax đomc yâuf pez.3Wâyc nây, stiz yămz wa ah dlapc lauh, yâuc pungx stimz nzaox Zâu nyăngz gâyf, Zâu yâuc ayx phunz jix caox njingc cloon njic hoouđ tăng stiz nyăngz puf setb taih, nongc ayx zanyx manyf phunz Nănh njâuv pôz nyăngz gâyf.4Six yămz wa dlanyh cah njaf nyăngz munh songđ naih phunz goib, ah phanx six lêpc Yu-tai munh, nzof ah phanx six lêpc wax đomc cumh pâuz munh.5Six wax zanyf, wax đomc pitc stingx munh cloon Yu-tai munh cloon stiz wax đomc ayx côx munh tinyh đoih cayx ninyh ayx huđ, yâuc zoz njăuz ôx stiz wa iz lanh,6six stiz pâyz nâyx đomc dlayc, songđ tiuv quaix wa Li-ca-ô-ni, cloon Li-sa-ta, cloon Đê-bi, wax đomc dlanyh muf, cloon quib wa wax đomc stâyz phangz,7stiz yâuc yămz wa nzônh Cuđ Jenx.8Yămz wa Li-sa-ta dlanyh, naih ah lanh munh quac stâyv wa, nănh iz saz staux quac tăng năngx jinh yămz nzif nyăngz nyâuđ njaf, nănh max naih laiv zanyf hayh yăngh.9Nănh stâyv wa mungv Phao-lô nzaox gâyf, Phao-lô mangc nzac nănh ninyh songđ phătc nănh naih zen stimz nongc zany tuz gongx.10Phao-lô songđ hamv stingb lub coong: “Mâyh nyoongz quef stâuđ staux năngx zac gôh,” nănh songđ nzeengc nyoongz quef yâuc hayh yăngh.11Six songx munh phătc Phao-lô ayx nyăngz cumh pâuz, stiz songđ nongc stiz nyăngz Li-ca-ô-ni stâyz phangz wac hamv coong: “Wax đomc miuc manđ wav săngh bamh munh nzac taih pongh pănh.”12Stiz hipđ Ba-na-batc ayx “sut manđ,” nzof Phao-lô six hipđ ayx “Hê-mêt manđ,” wâyc Phao-lô six nzaox gâyf munh.13Wax zanyf, Sut manđ nyăngz miuc pyau yămz wa dlanyh cah đangc, Sut manđ nyăngz stayb munh ênz ngoongh wăngh cloon phăngh taih wa dlanyh jeengh, cayx ta căn songx munh congx stanyb lanyh phunz.14Six wa iz lanh cumh pâuz munh, Ba-na-batc cloon Phao-lô numđ wax đomc wac songđ zeb stiz nyăngz guyz, stiz nzac wa songx munh hongđ mungh tongx ninyh, hamv lub15coong: “Nyâuh săngh laix bix ayx nâyx heh? Buz six lauf munh cayx năngđ nyâuh nâyx lêc, buz jinh đangh nzônh Cuđ Jenx phunz nyâuh, êu nyâuh quanyf nâyx đomc max setb luungđ nyăngz jau, bix lêpc stâyv quâyx săngh nyăngz Zâu Tênb-Huungh, senz zuyx guungh, zuyx nib, zuyx coiđ cloon muif huungđ yămz wa wax Tauh,16senz tăng cah đangc pâyz sax stâyv quaix taih, Zâu Tênb-Huungh dluyh phunz muif stingx munh, cănh ninyh âyz stiz nyăngz stimz nyâuđ ayx,17Hănđ nâyx Nănh yâuc cănh njinh luh ayx zanyx manyf phunz Nănh, năngx sađ pôz phunz nyâuh ayx bungc tăng guungh nzac taih yuungf jeengz zunb, phunz nyâuh tuz naih nhlinc yâuc numđ nyađ.”18Stiz coong tuz nâyx đomc wac, songđ cungb cangđ tuz songx munh max stungx stanyb lanyh phunz stiz.19Six tăng An-ti-ôkx dlanyh cloon I-cô-ni-yum dlanyh taih wax đomc Yu-tai munh, stiz hox songx munh zoz njăuz ôx Phao-lô, stiz taib nănh quaix wa dlanyh cungh ngwaic ninyh, wâyc stăngz coong nănh tayc nzof.20Six wax đomc zen nyăngz munh taih quib nănh, nănh songđ nyoongz quef, nzac wa dlanyh cah njaf muf, tauv nyâyc noib, nănh cloon Ba-na-batc ninyh wa Đê-bi dlanyh.21Yâuc yămz wa dlanyh nzônh Cuđ Jenx tuz đuungx lanh munh lêpc Zâu, stiz songđ phunb đangz lauf wa Li-sa-ta, zef tauv I-cô-ni-yum, cloon An-ti-ôkx,22nzac jab oonz nyâuđ phunz wax đomc lêpc Zâu nyăngz munh, bux êu stiz cayb zen Zâu năngx tăngđ, coong: “Pănh six zuc pongh đuungx huungđ zâuđ nanc nzăngđ tuz nzac Zâu Tênb-Huungh nyăngz côkz.”23Tăng wa, stiz oonz jiux pangx nyăngz munh côx phunz stiz, yămz muif nomz jiux pangx, njif nhlinc cloo Zâu tuz, stiz iz lanh songđ jaoz wax đomc munh phunz Zâu, senz stiz nongc nyâuđ zen wax Tauh Zâu.24Stiz songđ clăngv quaix wa Bi-si-đi stâyz phangz muf tauv Băm-phi-li stâyz phangz.25Stiz yămz wa Bê-ga dlanyh nzaox gâyf tuz, songđ nzac wa Atc-ta-li-ya muf.26Tăng wax nomz tinc, stiz nzac đangđ muf tauv An-ti-ôkx, nây six stiz tuz jaoz phunz Zâu Tênb-Huungh nyăngz pôz, nongc setb ninyh ayx stiz ah yac ayx soongb wax đomc cumh pâuz.27Wax zanyf lauf tauv tinc, stiz songđ êu jiux pangx munh taih căpx dlonf, stiz lănv nzuf Zâu Tênb-Huungh cloon stiz ayx wax đomc cumh pâuz, yâuc coong Zâu Tênb-Huungh coib nyâuđ phunz wax đomc pitc stingx munh zen Zâu.28Tăng wa, stiz cloon wax đomc stayb sây buz yămz ah lapc batz lauh.
FAR EAST BROADCASTING COMPANY