Мур5
1«Шӱжарем, шӱмбелем, шке садышкем мый тольым,тамлыпуш ден миррам погышым.Кочкым шке караш мӱемым,йӱым йошкар арака ден шӧрем.Кочса, йолташем-влак!Шер теммеш йӱза, йӧратымем-влак!»2«Кеч малем мый, но шӱмем ок мале...Колам – тӱкала, йӧратымемын йӱкшӧ шокта:”Поч, шӱжарем, поч, йӧратымем, ару кӧгӧрченем.Вуем лупс дене нӧрен, ӱпем – йӱд вӱдыжгӧ дене”.3Вургемым мый кудашынам – угычын мо чийыман?Йолемым мушкынам – адакат амыртыман?4Йӧратымем шке кидшым омса вишыш чыкыш,да чыла кӧргем йӱлаш тӱҥале.5Йӧратымемлан почаш манын, мый кынельым –кидемже гыч мирра чыпчен,мирра парням гыч омса тӱкылтышыш чыпчен.6Йӧратымемлан мый почым омсам,а тудо савырнен да каенат шуктен!Чонем пуйто лекте –кычальым мый тудым, но шым му,ӱжым, но тудо йӱкым ыш пу. 7Ола мучко коштшо орол-влак мыйым вашлийыч,нуно мыйым кырышт, сусыртышт –пырдыжым оролышо-шамыч ӱмбал леведышем шупшын нальыч.8Иерусалимын ӱдыржӧ-влак, мылам товатлыза:йӧратымемым вашлийыда гын, каласыза тудлан –йӧратымаш деч мыйын алем кая».9«Ӱдыр-влак кокла гыч эн сӧрале,мо дене тыйын йӧратымет моло деч сайрак?Молан тый мемнам тыге товатлаш йодат –мо дене тудо моло деч сайрак?»10«Йӧратымем мыйын сынле да чевер,лу тӱжем пӧръеҥ деч чаплырак.11Вуйжо тудын – яндар шӧртньӧ,ӱпшӧ – кудыр, курныж гай шем тӱсан.12Шинчаже – вӱдйогын воктенысе кӧгӧрчен гай,кудышт шӧрыштӧ йӱштылыт, пӱя воктене шинчат.13Шӱргыначкаже – тамым пуышо кушкылан пакча,тамлыпушан шудым шочыктышо йыраҥ,тӱрвыжӧ – пуйто лилий, кушечын мирра чыпча.14Кидше – шӧртньӧ вара, топаз дене сӧрастарыме.Мӱшкыржӧ – пуйто слон лу гыч ыштымеда сапфир дене леведме.15Йолжо – пуйто мрамор меҥге,негызше тудыжын шӧртньӧ.Коеш тудо Ливанысе чодыра гай,кедр гай кӱдыратле улеш.16Ӱмаже тудын шере,пӱтынек тудо чонйодмемлан келшыше.Теве тыгай йӧратымем, мыйын таҥем,Иерусалимын ӱдыржӧ-влак!»
Institute for Bible Translation, Finland