Мур2
1«Улам мый Шаронысо нарцисс,лапверысе лилий улам!»2«Моло ӱдыр коклаште мыйын йӧратымем –пуйто иман вондер лоҥгаште лилий».3«Моло рвезе коклаште мыйын йӧратымем –пуйто чодырасе пушеҥге лоҥгаште олмапу.Йӧратем мый тудын ӱмылыштыжӧ шинчаш,саскажат умшамлан пеш шере.4Тудо мыйым йошкар аракам йӱмӧ омашыш пуртен,ӱмбалнем тудын тистыже – йӧратымаш.5Вийым погаш манын,пуыза мылам изюмым, пукшыза олмам –йӧратымаш деч мыйын алем кая.6Тудын шола кидше – вуй йымалнем,а пурлаже мыйым ӧндалеш.7Иерусалимын ӱдыржӧ-влак,ирказа да пӱчӧ-влак дене мылам товатлыза:жап деч ончыч йӧратымашым ида помыжалте,тудым ида кынелте!8Йӧратымемын йӱкшым колам!Теве тудо толеш –чоҥгата ӱмбалне тӧрштылын, курыкла ӱмбалне тӧрген.9Шӱмбелемже – пуйто ир казатага але самырык пӱчӧ.Теве тудо шога пӧрт пырдыжна шеҥгелне,тӧрзашке онча, окна петыртыш гоч ужнеже.10Йӧратымем мылам каласыш:”Кынел, шӱмбелем, лек, моторем!11Ончал – теле эртен,йӱр чарнен, эртен каен.12Олыклаште пеледыш коеш,мурымо жап толын шуын,кундемыштына кеде йӱк шокта.13Смоква пушеҥгын саскаже кӱэш,пеледше виноград тамле пушым шара.Кынел, йӧратымем, лек, моторем!14Курыкоҥ помышышто шинчыше кӧгӧрченем,сергӱ йымалне шылше шӱмбелем!Мылам чуриетым ончыкто, йӱкетым колнем,вет йӱкетше ныжыл, чуриет мотор”».15Кучыза рывыж-влакым, изи рывыж-влакым –локтылыт нуно виноград аҥам.А кызыт виноград аҥана-влак лач пеледыт!16«Йӧратымем улеш мыйын, мыят тудын улам.Лилий коклаште тудын кӱтымӧ верже.17Юалге кас мардеж лекмешке да ӱмыл йоммешкепӧртыл, йӧратымем:курыкан верласе ир казатага але самырык пӱчӧ семын вашке!»
Institute for Bible Translation, Finland